廣場飯店

營業中

休息中

一家大細入迪士尼玩，天氣非常炎熱，遊人又多，機動遊戲動輒排上1個鐘以上，為免食飯要等位，我們選擇此餐廳，因為可以訂位。 小朋友想盡快食完再去玩，所以我們選擇點套餐，兩個大人晚餐和兩個兒童餐。兒童餐有吉列石斑和芝士煙肉燴螺絲粉，石斑夠香脆無腥味，螺絲粉夠彈牙，配上米奇芒果布甸、小白兔等趣緻甜品， 小朋友必定開心。 大人晚餐有四餸一湯一炒飯及甜品，湯是蟹肉粟米羹，蟹肉略少， 燒味拼盤 ，有油雞、义燒和燒鴨，义燒好味有肉汁唔硬，彩椒雞片蝦仁，有鑊氣，但蝦仁只有兩隻略少，咕嚕肉惹味醒胃，外脆內軟有肉汁，鮮冬菇扒翡翠， 醬汁美味，楊州炒飯軟硬適中，米奇椰汁糕甜味適中。總括而言，此店環境舒適，冷氣涼快，又是美心集團名下的食肆，所以食物有一定的水準，如果唔想同人逼， 這裏不失為一個好選擇。

尋日(18-6-2016 Sat)同老公o黎參加公司活動,晏晝3點幾,就算我唔食,我老公都要食,於是睇吓有咩o野食,呢間原因係美心經營o既酒樓,門口已有兩個menu,寫明有個每位$170.00o既午市套餐,但怕唔怕唔俾兩個人只食一個餐?於是o係門口問定先,問o左,佢o地答可以.但我都問茶位幾錢一個?佢答$18.00一位.啊,於是我o地入去食喇.我o地就決定先要一個呢個餐,最多食完再睇要唔要再叫.佢o地放低一個前菜,係炸白飯魚花生.好大兜,呢兩樣都唔係好鹹,都仍脆,不過花生到最後好油.冇耐,餐o既食物到o黎:2. 鬼唔搭八春卷呢條春卷係卷得幼長o既,炸到顏色o岩o岩好,而佢o地俾wasabi醬,食吓先,內裡係卷住蝦膠,春卷脆,蝦膠爽,蘸唔辣wasabi食,感覺清新啲啲,冇咁膩.味道: 5分3. 燒味雙拼盆Menu冇寫係咩o野,都係任佢俾啦,係白切雞同叉燒,雞肉嫩滑;叉燒係全瘦,軟硬適中o岩o岩好,只係蜜味仍唔多夠.味道: 叉燒: 2.8分, 雞:3 分4. 鮮冬菇扒翡翠翡翠就只係生菜,其實就係蠔油生菜,呢個味道清淡冇乜問題o既,不過涼o左,影響o左食味.味道: 3分1. 精美點心I. 水

賞「花」過後，立即到城堡旁的廣場餐廳登記用膳。餐廳由美心經營，應有一定水準。翡翠炒鱈魚球：鱈魚球經走油後，感覺略為油膩，鱈魚魚香力度不足。柚子麒麟雞：雞件連皮香炸，固然香口，肉質稍稍乾鞋了一點。以柚子汁及奇異果入饌，有助消解上火感覺。翠塘海鮮滑豆腐：豆腐用上盒裝豆腐，味道質感合預期，但盛意感不足。海鮮食材以蝦為主，味淡但爽口。上湯杞子浸時蔬：碟頭大，莧菜煮得腍身清甜，OK。揚州炒飯：色水差少少，但反而調味來得自然，味道不俗。