影片
更多
2021-10-18
1269 瀏覽
早排黎過呢間位於銅鑼灣登龍街嘅日法fusion扒房GAIJIN食午餐，今日想食精緻fine dining晚餐，就黎呢度encore，令人非常期待！晚市套餐有主菜七選一，分別有意粉，意大利飯，魚柳，豬扒，牛扒，羊架等，價錢由$328至$428不等，另收加一。價錢包4道菜，分別係前菜3揀1，湯2揀1，主菜7揀1，同精選甜品。另外亦有5道菜餐牌，包3款前菜，1款主菜2揀1，同精選甜品，價錢$788另加一。我同同行友人當然要揀唔同既菜式分享黎試試水準，於是一個叫晚市套餐，一個叫5道菜晚市套餐。餐包配忌廉芝士餐前麵包有泡芙形原味小麵包同每人半件迷你牛角包，未食先聞到好香牛油味。牛角包非常酥脆，食得出係有好多層，算係幾出色！原味小麵包鹹鹹哋，入面冇饀，可以點另上嘅香滑忌廉芝士一齊食。食完可再添。先講5道菜晚市套餐。第一道菜係世界各地精選時令生蠔，擺盤好靚，服務員建議用筷子食。大大隻連殼生蠔上面加左幾粒三文魚籽，仲有青檸雪葩。蠔本身非常新鮮實在，好濃海水味，配香甜青檸雪葩一齊食好夾，令隻蠔冇咁鹹。第二道菜係松葉蟹。呢道菜係一隻已剝殼嘅超級鮮甜松葉蟹腳，上面放有鹹香黑飛魚籽，下面嘅醬係用蟹膏蟹粉打出黎
晚市套餐有主菜七選一，分別有意粉，意大利飯，魚柳，豬扒，牛扒，羊架等，價錢由$328至$428不等，另收加一。價錢包4道菜，分別係前菜3揀1，湯2揀1，主菜7揀1，同精選甜品。
另外亦有5道菜餐牌，包3款前菜，1款主菜2揀1，同精選甜品，價錢$788另加一。我同同行友人當然要揀唔同既菜式分享黎試試水準，於是一個叫晚市套餐，一個叫5道菜晚市套餐。
餐包配忌廉芝士
27 瀏覽
0 讚好
0 留言
餐包配忌廉芝士
餐包配忌廉芝士
17 瀏覽
0 讚好
0 留言
餐前麵包有泡芙形原味小麵包同每人半件迷你牛角包，未食先聞到好香牛油味。牛角包非常酥脆，食得出係有好多層，算係幾出色！原味小麵包鹹鹹哋，入面冇饀，可以點另上嘅香滑忌廉芝士一齊食。食完可再添。
先講5道菜晚市套餐。
世界各地精選時令生蠔
12 瀏覽
0 讚好
0 留言
世界各地精選時令生蠔
19 瀏覽
0 讚好
0 留言
第一道菜係世界各地精選時令生蠔，擺盤好靚，服務員建議用筷子食。大大隻連殼生蠔上面加左幾粒三文魚籽，仲有青檸雪葩。蠔本身非常新鮮實在，好濃海水味，配香甜青檸雪葩一齊食好夾，令隻蠔冇咁鹹。
松葉蟹
25 瀏覽
0 讚好
0 留言
松葉蟹
18 瀏覽
0 讚好
0 留言
松葉蟹
14 瀏覽
0 讚好
0 留言
第二道菜係松葉蟹。呢道菜係一隻已剝殼嘅超級鮮甜松葉蟹腳，上面放有鹹香黑飛魚籽，下面嘅醬係用蟹膏蟹粉打出黎嘅，有微微燒烤味，超香，放左喺塊厚厚香脆多士上面，外圍係紫蘇葉同紫蘇梅子汁，最後撒上花瓣裝飾。呢道菜有多重口感同味道，而主角蟹肉蟹膏都好鮮，好好味。
法式鵪鶉酥皮包
13 瀏覽
0 讚好
0 留言
法式鵪鶉酥皮包
18 瀏覽
0 讚好
0 留言
第三道菜係法式鵪鶉酥皮包。酥皮包係超脆嘅酥皮包住碎鵪鶉肉同一隻鵪鶉蛋，用一條韭菜花綁住，下面墊左松露汁。酥皮質感絕對合格有餘，又薄又脆，個汁好滑而帶微微松露香，味道口感都幾好。如果鵪鶉肉味同質感再突出啲就更好。
第四道菜我揀左法式油封鴨腿。呢道菜有一大隻鴨髀整得塊皮好薄脆，而入面嘅肉鹹香又唔算太韌，配伴碟嘅香甜桃肉好夾。下面墊左少少吸哂汁嘅羽衣甘藍，伴有3件好特別嘅紫番薯。
榛子朱古力慕絲
10 瀏覽
0 讚好
0 留言
榛子朱古力慕絲
17 瀏覽
0 讚好
0 留言
甜品有兩款揀，分別係檸檬類同呢款蘑菇造型嘅榛子朱古力慕絲。首先擺盆精緻，材料豐富。滑溜嘅白色雲呢拿慕絲同香濃嘅榛子朱古力慕絲就係主角蘑菇，配伴碟嘅勁多朱古力脆脆，白色小蘑菇同黃色蛋白脆脆一齊食好正，而完全唔會過甜。另外仲伴有栗子雪糕，整得好滑。想甜少少既話有少少用朱古力醬卷出黎既裝飾一齊食，想酸少少就有黃色同紅色既果醬。呢款甜品完全食得出厨師既心思。
而家講晚市套餐。
日本嚴選當造刺身
10 瀏覽
0 讚好
0 留言
日本嚴選當造刺身
23 瀏覽
0 讚好
0 留言
前菜我哋梗緊揀日本嚴選當造刺身。日本嚴選當造刺身係油甘魚，有3塊，上面加左點點黃色柚子醬，下面墊左兩塊爽脆香甜又酸酸哋嘅紅心蘿蔔。油甘魚本身好新鮮，估唔到唔配豉油芥末都咁好味喎，配呢個汁好清爽。
呢個法式龍蝦湯要加$45。上枱嘅時候服務員特登提提隻碟好熱。個湯真係非常熱，天氣凉飲實在係正! 個湯龍蝦味夠濃，如果有少少龍蝦肉食仲正。
紐西蘭BB羊架
$428
10 瀏覽
0 讚好
0 留言
紐西蘭BB羊架 $428 另加一
紐西蘭BB羊架
$428
11 瀏覽
0 讚好
0 留言
主菜當然揀我至愛既紐西蘭BB羊架，羊架一客三大件，廚師建議四成熟，當然照跟。羊架肉質超嫩又唔羶，啖啖肉之餘仲有脆皮，上面灑上少少蔥花，配伴碟嘅香辣青咖哩汁好好味。另外伴碟仲有好多唔同種類嘅薯菜，分別有新薯，特別嘅紫薯，少見嘅鬼佬長西蘭花，蜜糖豆，韭菜花，菇一片，意大利青瓜，同車厘茄，好健康。呢個主菜堅讚！
紅桑子慕絲朱古力撻
4 瀏覽
0 讚好
0 留言
紅桑子慕絲朱古力撻
8 瀏覽
0 讚好
0 留言
精選甜品係紅桑子慕絲朱古力撻，一啲都唔求其，好似名牌蛋糕店咁插左張紙牌仔。紅桑子慕絲夠滑，味道酸酸甜甜咁，配厚脆朱古力味撻底好味道。鍾意酸味伴碟仲有少少黃色同紅色果醬俾你點。簡單但認真既一道甜品。
總括而言，基本上所有菜式都非常精緻有花思，而食物質素都好唔錯。服務勤快，要求幫手影相服務員都好樂意，每道菜都係兩位食客一齊上免等，基本上每道菜式都會介紹下，所有熱盤隻碟都係超熱等等。餐廳裝修以黑色爲主，感覺摩登。餐廳門口附近好似有個包霜，人多黎包房都幾好。呢個價錢食到呢個質素既fine dining都好抵！
張貼
