品香樓中西風味餐廳

營業中

休息中

石硤尾南山邨的品香樓是昔日學生時代聚會食飯之地，畢業之後，相隔多年未有前來。這晚和家人去又一城睇戲，特意走過來品香樓吃頓晚飯。我們坐的圓枱是在卡位之間的通道，座位擠迫。而且冷氣過凍，凍到食物好快變凍，凍到連人都想快快吃完便走。明太子炒飯，配料有蟹柳及蟹籽，炒飯都算乾身。加入了蟹籽，有爽脆口感，令炒飯更有咬口。雖然叫明太子炒飯，但不會吃到明太子那陣淡淡鹹香味。蜜桃沙拉骨，沙拉骨香脆得來又啖啖肉，澆上沙律醬及加入蜜桃粒粒，味道酸酸甜甜，幾醒胃。啫啫芥蘭煲，好夠鑊氣，芥蘭嫩綠爽脆，惹味！火焰蜜椒牛柳粒，食物送上桌後，侍應在我們面前點火，將牛柳粒的醬汁燒至吱吱聲，打卡菜式之選！牛柳粒軟稔入味，帶微微蜜甜，很好吃！薯仔脆脆的，好香口～～鍋貼芝麻蝦，賣相一般，像是在蝦多士上隨意的灑上白芝麻及肉鬆，每件都不平均。味道普普通通，蝦膠尚算彈牙。港式脆煎蠔餅，蠔仔份量不多，鹹香度普通，但都算是夠酥脆，入口不會太油膩。風沙雞 (半隻)，面層鋪滿金黃的炸蒜，雞皮炸得香脆，惟肉質有點柴及乾身。七味椒鹽豆腐，豆腐炸得金黃，口感外脆內軟，七味椒鹽的調味恰好，惹味又不會太鹹，大家都吃不停口！凍朱古力，依舊是回憶中的味

屹立不倒多年，必然有佢過人之處。對上一次食嘅時候，已經係三四年前第一次同一大班朋友來，記憶中都覺得味道唔錯嘅～今次同屋企人突然間想食一啲小炒中菜，有一啲老字號已經慢慢變咗唔好食，甘岩突然腦海中諗返起依一間，所以決定專程揸車過嚟食，喺南山邨有時租停車場$19/小時（不過就冇free parking）椒鹽九肚魚 魚香茄子煲（有驚喜，食得到真正嘅魚香既味道）菠蘿咕嚕肉火焰蜜椒牛柳粒明太子炒飯凍朱古力雖然order嘅都係一啲招牌菜，但係味道真係唔錯，價錢雖然唔算好平，但係對得起呢個價錢～P.S 此店收現金（要知道喺現今淨係收現金嘅舖頭，即係代表唔憂做😂）的確當日平日星期二到7:30時已經係九成滿座了，就知道佢咩料啦😌唯一要彈嘅就係我當日張枱沒有清潔好 枱面有好大疊污跡，叫咗侍應嚟，佢求其抹一抹左一邊就走左😐

冇茶位費，亦冇加一。係收$6前菜！口味偏濃，比較重口味！我口味偏淡，所以覺得有d鹹！地理位置都幾好搵，樓面阿姐唔夠人手，叫好耐都冇人理我！晚飯時間要等位！凍朱古力$23，冰有d多，不過好濃好正！風沙雞$135半隻，食到後面越食越鹹。。。南乳炸豬手$88，炸到有d乾。。。明太子炒飯$57，個人覺得佢個炒飯做得好靚！不過我老公就食到津津有味，因為佢口味比較重😂

潛完水，大家都超級肚餓既時候一定要醫飽個肚先返屋企啦，由於大家住既地方太散，所以我地要搵個中間位，就揀左石硤尾既品香樓，品香樓附近係city u 好多學生都黎e 間食飯，就算已經去到10點幾，都係好多人，我地黎到都排左陣隊一坐低，哥哥就會拎d花生小食比我地食住等，花生脆身，雲耳就normal la凍朱古力一定必點，但今次有d 失望，朱古力味唔夠濃朋友叫左鴛鴦可樂，我未試過試左一啖，佢用咸檸加鮮檸去搭可樂，又幾好飲宵夜黎食d 價錢好親民，水魷，熱辣辣天氣食凍冰冰既野就最好不過，辣醬撈得好味，正蜜餞牛柳粒，份量唔算多，但蜜糖味濃，牛柳粒夠林身同有牛香味一定要叫南乳豬手，南乳味好出，好香，豬手皮香脆，鐘意南乳朋友冇得唔叫明太子炒飯，so far so good，但可以有其他選擇XO 蘿白糕，好香好夠味，XO落得唔吝嗇，蘿白糕煎得夠香，唔濕身黃金豆腐，樣就真係麻麻地，食落都一般般，唔夠外脆內軟蠔仔粥，蠔仔份量都多，但味道就差左小小，唔夠梅菜香味同咸味，水汪汪但4個人叫咁多野食都係平均13X 幾蚊鬆d,宵夜黎講算滿足

夜媽媽9點幾係city開完會就慣例來品香樓食宵夜8個人來到，今日個姐姐態度怪怪的，好似係因為太忙了，宜家多左個宵夜時分，我地就叫左個海蜇，炒花甲，仲有個豬紅，其他都係正常的，點知宵夜時分的份量係超級細超級濃味，豬紅一d都無腥，韭菜多d就好啦黃金蝦炸的剛剛好，加上上面d蛋黃，味道適中，直接連皮時埋，脆脆的火焰牛柳粒係呢到的特色菜，上左之後就會開火，好得意，不過有d驚，怕d火燒出來，keep住燒，所以d牛柳粒係熱的，而且好嫩口，加上呢個汁係甜甜的雞煲望落去唔大，其實入面好足料，見見都係肉，好正！西蘭花爽口！同埋d帶子好大隻，好新鮮椒鹽鮮魷覺得比較鹹左小小，但係魷魚嫩口呢個翻好好食，一粒粒，而且好足料成晚淨係覺得個羹味道好淡，好似未落鹽咁不過可能係佢其他餸味道太重而導致的最後埋單$929，平均每人116，都算唔錯，不過呢到淨係收現金，整體來講，品香樓d野係便濃味，重口味的朋友仔就岩曬啦！

上次食品香樓都成年幾前，印象中非常好食，凍朱好好飲。點知今次大失所望😔首先講火焰牛柳粒，一出黎氣勢幾好，會點火係精彩，但可惜味道就無佢樣睇咁好。先講主角牛柳粒，夠入味但有少少過韌，而且肉唔多，失望。加上洋蔥煮得唔夠熟，好辣。再講南乳炸豬手... 我明白大家講既好骨膠源係點解，因為真係得皮... 同骨，我原期待南乳同豬手係入哂味，點知原來南乳醬同豬手係分開... 好失望，唔明點解可以店排行第二，極唔推薦。明太子炒飯，終於有樣唔錯，炒得香口，粒粒分明，雖然明太子味唔重，感覺同普通炒飯差唔多，但如果諗唔到點咩飯都可以一試。金銀蛋浸白菜仔，難得有一樣可以保持水準，白菜仔煮得林同入味，加上雞蛋都浸埋湯，非常好味，同朋友食極唔停。野飲一如以往點左凍朱古力，見到上面厚厚既cream都興奮🤤但可惜... 曾經好又滑又好味既凍朱，而家有唔少沈澱物，口感差左好多。　總結而言，其實食得唔係咁開心，雖然味道未去到劣，都算係中等味，但曾經既好味已無哂，當年令人食完回味既感覺都無埋，希望有日可以回到應有水準。Ps: 作為唔多帶現金出門既我地...到只收現金既地方...要禁錢先🤣🤣所以都提提大家品香樓只收現金啊！

今日非常之熱，睇男朋友喺大坑東踢完波之後，行去品香樓食下午茶。之前食同事散水飯，已經試過出名嘅忌廉凍朱古力，勁好飲。今次去食下午茶，首先叫咗個夾心火腿西多同魚柳薯條，但凍朱古力係冇忌廉嘅，有少少失望。不過西多同魚柳都好好食，食完之後仲覺得好餓，所以嗌多一個又係好出名嘅明太子炒飯，果然冇令我失望，咸香粒粒分明。品香樓裝修比一般茶餐廳靚啲，而且服務都好好，姐姐好有耐性落單，同埋複述一次，食物水準一如既往咁好味，南山邨亦係靚靚打卡位，希望呢種舊香港式建築會被妥善保存

今日約咗女朋友同埋啲同事食呢個生日飯咁同事就話想食呢個石硤尾品香樓喎佢話覺得好食嘅咁我地就揀咗去石硤尾品香樓食啦入面都幾多位 幾大下只係衛生麻麻地價錢方面同一般大排檔酒樓就差唔多啦佢都幾多嘢可以食仲有個熱賣排行榜添我地都是但點咗幾樣食椒鹽九肚魚唔記得咗賣相唔錯 點啲椒鹽入味惹味但係佢有骨嘅南乳炸豬手豬手得幾件 冇乜肉 得啲皮南乳都一般 味道調味麻麻金銀蛋唔太掂 味道唔係淡 係直頭唔好味風沙雞幾香口 脆皮 同炸子雞一樣算唔錯嘅明太子炒飯一般般 唔覺有啲咩特別凍朱古力上面忌廉幾得意朱古力味唔算好濃甜度適中牛仔骨得幾塊 份額ok 但個汁幾好味 都唔錯總體麻麻地菜色唔算特出 但價錢唔算抵份量比較少性價比低雖然係鋪頭入面但可能位於街市上方地方比較污糟

每晚放工都咁多野食....今晚放工仲食左咁多仲飲埋凍朱古力！個肚好有罪惡感🙈但系d小菜咁好味，我點忍到口吾食😭一黎再快上既凍朱古力好多cream啊跟住就試平時多人一定會嗌既明太子炒飯！今日食左兩碗飯...想冇咁肥就嗌呢個蠔仔肉碎粥...清清地又幾好味都足料咖 跟住就試埋呢個黑椒牛柳粒烏冬...um平時我都吾鐘意食烏冬既...但呢個都值得試下..因為炒到好滑啊個烏冬跟住小菜黎啦☺️☺️☺️登登登登.....第一次嗌呢樣椒鹽黃金粒..！完來系豆腐黎咖外脆內滑...食完皮膚滑滑蒜香豬頸肉...好爽脆～鑊氣十足我d同事連d蒜都食埋蜜椒牛柳粒...哇佢d椒好甜😍😍平時簡飲擇食既我表示今日好鐘意食椒😂😂😂另外牛柳粒煮得岩岩好

星仔的朋友遠道而來參加我們的婚禮，所以我又帶他們來品香樓，除了可以讓他們感受港式的鑊氣，另外亦可以給他們看看香港的舊式屋村。＊＊＊＊＊＊＊＊＊＊＊＊＊＊＊＊＊＊＊＊＊品香樓因為佔了幾個鋪位，所以即使我們一行8人在星期五晚上來到，不用等位已經可以入座。特濃朱古力($20)凍朱古力是這裡的名物，無論是否朱古力愛好者都沒有理由不點。據說只有晚飯時間的凍朱上面才有忌廉，但今次我們就走忌廉。凍朱依然朱古力味香濃，走忌廉令凍朱入口沒那麼香滑，不過仍無損其美味。南乳炸豬手($78)南乳炸豬手炸得夠脆又不會太乾，吃到南乳鹹香味，非常惹味。椒鹽骨($75)椒鹽骨肉多骨少啖啖肉，又夠椒鹽，好味。香蒜黃金蝦($98)黃金蝦份量都多，但可惜略嫌鹹蛋黃醬不夠多，有點到喉不到肺。風沙雞($105)原本想點手撕雞，但由於沒有預訂，所以唯有點風沙雞。風沙雞肉質不算太滑，但勝在鹹鹹辣辣醃得非常惹味，雞皮都帶點脆口。金銀蛋蒜子浸白菜仔($75)吃了多味煎炸食物，一定要吃個蔬菜。這個金銀蛋蒜子浸白菜仔，上湯鮮甜而不油膩，清淡得來又美味。八珍扒豆腐($85)八珍扒豆腐內有豆腐、冬菇、大蝦、豬潤和肉片，非常足料。生炒臘味糯米飯

相信講到南山村大家第一時間都係講品香樓，一家大細食客又有，朋友傾計又有，因為我中學喺附近讀書，所以對於品香樓有一個情意結。今日就約咗一班中學同學一齊嚟食飯，味道依然無變。蜜桃沙拉骨係我嘅中學招牌菜，每次食飯都要叫呢一個，雖然我知道好肥，但係呢隻蜜桃沙拉骨嘅沙律醬係同出面嘅唔同，食落去有我中學嘅回憶，炸沙拉骨時間火候啱啱好，肉質送花仲有肉汁送出，令人想食完一舊又一舊。肥牛粉絲煲冇乜特別，味道唔夠香唔夠惹味，好淡蠔仔粥好大窩，但係味道一般，較淡，其他打冷舖頭會好味啲招牌菜，熱氣都要食，最鍾意就係炸完之後上面有好多炸蒜頭，重口味得黎唔會搶肉質鮮嫩嘅雞，就算係雞胸都唔會鞋。明太子炒飯，呢一個都係充滿中學回憶嘅炒飯，每次食午飯都會食，依然都係好好味，好夠火喉。

好耐都沒跟朋友一起去食東西了~ 今次朋友睇完食評SEND左D相比我地睇, 見到都好想食,  所以一直都好期待呢次既晚餐, 一來可以見下朋友, 二來又可以食下好野一去到石硤尾, 跟住GOOGLE MAP去行, 其實都幾難搵, 要行到石硤尾的街市再上一層先搵到, 終於黎到, 已經嫻多人係門口排緊隊啦, 好彩我們有BOOK刑位, 所以一陣就入得去啦~ 餐廳入面既裝潢都好有以前茶樓既特色, 好有古代香港既情懷~一黎, 朋友推薦一定要飲凍朱古力, 果然好飲, 好濃郁既朱古力味, 再配上擠係杯上既CREAM好FULL好滿足呀我們再叫了一些比較出名既菜式, 風沙雞, 外皮好香脆, 雞肉好嫩滑, 再夾埋放係雞上的香酥蒜泥, 真不能不配上一碗白飯, 所以我們都叫了3個白飯4人一齊SHARE我地好彩有點到呢個明太子炒飯, 因而真係好好味, 有好香既明太子味, 另外, 因為係明火炒既, 好有爐氣 仲加上蟹柳粒, 蛋粒一齊炒, 配上蔥香, 香氣四溢YUMMY YUMMY另外, 我們都點了一個金銀蛋蒜子浸白菜仔同肥牛粉絲煲, 碟白菜仔既味道唔錯, 因為白菜仔同金銀蛋一齊煮, D味都入晒D菜度, 係幾好, 但個人

有朋自遠方來，大夥人覓地相聚，暢飲一番，友人提意往南山邨的著名街坊中菜一試，既然大夥兒都躍躍欲試，而友人亦可一嘗少吃的“香港味”，難得高興當然同嘗佳餚去也。來到南山邨，一片老香港的痕跡，經典的冬菇亭小食，舊式屋邨人情味老舖，一一映入眼簾。在一片古舊風包圍着的，是一間時尚裝修，但不算華麗的食市，見到此店門庭若市，等位的客人一批接一批，相信質素應該不俗，熱切期待中。雖然有預先訂位，來到仍要輪候約十五分鐘，到人齊後才可入座。店内座位不算寬闊，甚至有點兒擠迫，但見客人們都各自遷就，相信早已習慣了這種街坊店的“親切”。我們一行八人，個個都是食得之人，叫了十多道餸才滿足。窩貼芝麻蝦，蝦多士也，將蝦肉釀在麵包塊上，沾上芝麻炸香，上菜時還灑上豬肉鬆增加口感。蝦多士炸得很乾身脆口，一點也不覺油膩；蝦肉的爽口配上炸麵包的酥脆，還有芝麻香和肉鬆的惹味，相互配合出香脆滋味。沙薑豬手，豬手以白鹵水鹵得入味，皮爽肉脆，撈上沙薑醬汁，清爽惹味，是一道不錯的冷盤。芝士琵琶豆腐伊麵底，琵琶豆腐炸得鬆軟，惜不夠魚肉，粉也太多影響口感，加上芝士汁味淡似白汁，配上伊麵欠濃郁口感，質素不似預期。梅菜肉崧蒸豆腐，梅菜肉崧味道偏淡

以前在讀書的時候，只是試過幾次在這間餐廳吃過幾次午飯而已，覺得很不錯吃，不愧是不少城大學生喜歡聚集的餐廳。中菜吃過不少，不過這一間蠻令人驚喜的，好像有一點中西合壁的feel 這一天，有一個家庭聚會，所以大家都決定了選品香樓。一行人，差不多7點就到了，當天剛上品香樓外面滿滿排了很多人。所以大家要去吃的時候，記得要前幾天/一天要預約由於我們有預約，所以一去到的時候，等了5分鐘就可以進去吃了。這裡的菜單還有菜式招牌排行榜，很貼心吧~讓第1次去的朋友可以很快的選擇到這間餐廳裡好吃的，比較受歡迎的菜。這次我們點了手撕雞(要在訂位的時候，順便下訂!!)，生汁龍鳳球，南乳炸豬手，菜心，黃金蝦，賽螃蟹，明太子炒飯。招牌手撕雞鮮嫰的雞肉上，舖滿了黑芝麻，看起來非常可口呀一上的時候，大家都爭相的吃一吃，果然雞肉非常嫰，而且充滿了芝麻油的香味!!(還有雞本來的雞油香)一整個停不了口的吃呀~~這個手撕雞附上了一個醬汁，不過我覺得不點醬汁吃，那個雞本來也醃製過了，有鹽味，也是非常好吃的! 如果雞肉還能多點就好啦XDD生汁龍鳳球我本來還不知道什麼是龍鳳球，在上桌的時候，好像沙拉骨喔!後來才知道裡面原來是龍脷柳，這

今次第2次黎, 原因記掛住佢既手撕雞....手撕雞一定要訂先有, 所以book 位時順便訂埋去到已經見到唔少人等位, 好彩book左位即刻有得入, yeah一家人食飯, 因為多人, 我地叫左好多野手撕雞 -- keep到水準, 麻油味香, 雞肉滑...好快掃清光沙拉骨 -- 排骨炸到十分香脆, 但唔油膩, 好乾身, 加埋沙律醬...正三絲炒公仔麵 -- 好有獲氣, 味道岩岩好, 麵唔會一pat pat....炒公仔麵聽落好容易, 其實好難, 能炒到如此水準真係相當唔錯南乳炸豬手 -- 又係炸到好乾身, 掂, 但豬手太少筋, 反而勁多骨, 無咩食椒鹽九肚魚 -- 全餐最唔掂, 魚肉太淋, 但皮又唔脆...唔好食黃金蝦 -- 蛋黃岩岩好包住蝦殼, 而且又炸得夠脆, 可以連殼食埋都得明太子炒飯 -- 炒到一粒粒, 有少少甜味, 又夠獲氣, 唔錯薑汁芥蘭 -- 芥蘭超甜, 可惜無乜薑汁味椒絲炒通菜 -- 淡味左少少, 還可以啦皮蛋莞茜湯 -- 足料, 似平時屋企滾既湯凍朱古力 -- 如果佢隻可可粉更濃味,會仲好9個人食左7百幾, 真係好抵食, 每人一百都唔駛, 而且有呢個水準, 正正係呢度排長