Mamaday (已結業)

之前直接walk-in尖沙咀店，太多人等位都冇食到。銅鑼灣店位置都唔多，今次就提前上網預約咗先。店舖環境都幾舒服，座位之間唔會好迫，同埋menu上嘅菜名都好搞怪。蕎麥麵配沾魚露配美利堅合眾國草飼牛扒扒扒 $168牛扒揀咗五成熟，啲肉好香牛味同都幾鮮嫩。仲可以點埋泰式辣醬一齊食，特別得嚟又幾夾。另外都會有埋水果沙律同蝦片，蝦片好大片同好脆。蕎麥麵有落咗好多木魚碎，但就冇乜魚露味。有蟹GO又有蟹肉的蟹蟹蟹意大利扁麵 $138呢款扁意粉同佢個名一樣，係會有好多蟹蟹蟹，裡面係會有齊蟹膏蟹肉蟹鉗同蟹籽。扁麵食落煙韌同埋比較乾身，份量唔多但都幾好食。普通到無得再普通既炸魷魚圈 $68魷魚圈都好唔普通，真係炸到外脆內軟，點埋沙律醬食好滋味。黃金阿婆塊皮 $56見個名咁搞笑就叫嚟試吓，呢款其實係青蘋果沙冰，味道酸酸地，飲落口感好清新，順便可以解膩。…查看更多

Mamaday之前聽朋友講話好正，菜名玩味十足，而且食物質素高，今日難得經過呢頭，於是決定上去一試😍蕎麥麵沾魚露配美利堅合眾國草飼牛扒扒扒 ($152)- 牛扒上檯前已經切好晒，超級方便，而且牛扒結實厚身，牛味十足- 蕎麥麵都唔錯，麵質軟身，配搭魚露同木魚片風味十足😆- 沙律份量十足，有紅莓、藍莓、沙律菜，酸酸甜甜，格外醒胃；兩片大蝦片都好正，硬身但脆口，好重蝦片味，好好食☺️記住·期望愈大·失望愈大⋯雞翼 ($68)- 雞翼叫咗避風塘口味，鹹香惹味，風味爆裂，而且炸得超級有質素，外脆內嫩，金黃脆身嘅雞皮下完美鎖住肉汁，每啖咬落去都格外juicy，滋味爆登，好想encore食多幾隻😍普通到無得再普通既炸魷魚圈 ($68)- 魷魚圈炸得酥脆，最贊嘅係炸粉唔厚，唔會食到成口粉，而且魷魚保持到鮮嫩，咬落去都幾有嚼勁，油香滿滿，好好味啊😚非一般一般檸檬果皮烏龍茶沙冰 ($48)- 大熱天時唔叫番杯沙冰點得㗎！沙冰都算係我平時解熱嘅top3嘅飲品選擇；作為茶迷，緊係揀番啲茶味，烏龍茶味道都明顯嘅，配搭埋檸檬果皮，甘香得嚟又好refreshing，而且沙冰幼細綿滑，入口即溶，冰涼透心，解熱一流，超級推薦😚食物真心高質，有種令人想一啖接一啖嘅魔力，而且餐廳內部設計充滿特色，多元風格集一身❤️…查看更多

👍🏻環境:好多打卡靚位，連前往餐廳既樓梯同門口都係打卡位，坐窗邊仲有陽光輔助影食物更加靚。加上餐廳玩味重，睇d菜式名都知好有特色，餐廳環境同餐牌更加多金句，連紙巾都有金句，玩味濃，有特色！🍚食物[👍🏻真心無乜驚喜黑松露意大利扁麵$106]其實好有驚喜，居然有個炸金菇係面，一上枱嗅到好香既黑松露味同野菌味，食落好creamy好正。[👍🏻可能會失望温泉蛋明太子意大利扁麵$112]無失望到，勁多明太子，明太子愛好者真係唔錯過，温泉蛋係蟹柳下面，建議先食一啖再撈埋温泉蛋食，二種味道黎。[👍🏻普通到無得再普通既炸魷魚圈$68]上枱熱辣辣香噴噴勁邪惡，炸到金黃色打卡一流，食落酥脆易咬，配沙律醬就更加正。…查看更多

一間玩味重嘅餐廳~係門口已被捉弄(我地太蠢？🤨)塊鏡寫住push我地真係push左！差d搵唔到門口入！入面裝修得意連d食物名都好趣致😂✨唔好抱咁大期望蒲燒鰻魚蛋包飯$112+左$28升級做原條鰻魚💕雖然個名話唔好抱咁大期望但依個飯真係喜出望外的好吃😍個蛋好滑鰻魚好大條！入面個飯普普通通但有鰻魚汁加成變到好好味~✨真心無驚喜黑松露意大利扁麵$96驚喜還是有啦~好creamy好多汁調味又剛剛好份量又剛剛好仲好香黑松露味添✨蜜糖芥末雞翼$68入口甜甜地到後面既芥末味一出又甜又辣又攻鼻😵👍🏻好食✨炸魷魚圈$68普通既炸魷魚 但新鮮炸起加埋沙律醬又點會難食呢~✨朱古力熱飲73.5%果然係好濃郁既朱古力飲品~總結~我會再黎架依度真係好啱幾個朋友黎影下相食下野☺️而且食物唔差價錢合理👍🏻都幾full建議大家一定要先book位啊~😋 味道：★★★★★💰 價錢：$$ (夠$400可look卡)🌈 環境：★★★★★…查看更多

呢間餐廳開左之後一直都想黎試,奈何次次都無位,點知有日個friend自己偷偷Book檯!!!超開心呀~~~餐廳每一個角落都好有玩味,顏色又繽紛,不過想同大家講聲,門口係好難搵的,因為你見到都唔肯定係咪真係門口~~哈哈見到餐牌上面D菜式咁搞笑,真係想叫曬佢~其實我地一行8個人,基本上都同叫曬差唔多,哈哈~~薯薯薯薯薯條 (明太子)$38點明太子嘅薯條真係第一次試,感覺都幾特別好有咸香,有D明太子會好辣,但佢唔會,仲真係好似醬汁咁掛響薯條度,無諗過佢同薯條都幾夾!薯薯薯薯薯條 (芝士粉)$58因為薯條太好食我地又較多round大份的,睇落佢雖然好似老麥薯條,但薯仔味濃好多脆好多仲少油好多,最熱嘅時候食味道更加正,芝士粉版本最神奇就係會有蜜糖嘅味道,又甜又咸又脆的確會令人食唔停!同明太子相比的話,我會覺得呢個更加要叫~普通到無得再普通既炸魷魚圈 $68名係咁叫賣相都真係幾普通,不過佢比一般魷魚圈大同厚,裡面嘅魷魚好彈牙唔係雪藏嘅朋友,點埋密度高嘅沙律醬,普通得黎水準唔普通呢不過如此炸雞翼(蜜糖芥末) $68炸雞翼又真係幾如其名，不過如此不過不失，但味道係唔錯都唔會炸過火，雖然視覺上好似好硬咁，不過佢芥末味超級濃，好似我呢D唔食芥末嘅朋友就唔係好受得住，第一啖無事架，係後勁真係太厲害，大家要量力而為.千島醬軟殼蟹披薩 $138我以為係軟殼蟹部分分布響pizza唔同位置,點知係全!隻!上!結果我地唔知道點食就分開2Round,先食軟殼蟹再食pizza...pizza上面有超多料，淨係食pizza都飽！值得讚嘅係佢每件都有好大粒又鮮甜嘅菠蘿，絕對唔係罐頭菠蘿，所以焗完都仲有好多汁～薄餅底係薄脆版本，所以唔會因為食餅底而飽到嘔，不過有幾件佢好似焗過龍，所以有D燒焦，撇除呢樣佢都係好食～軟殼蟹炸得夠透，所以都好容易咬，不過唔係太食到蟹味。可能會失望溫泉蛋明太子義大利扁麵 $94好彩有溫泉蛋加持，篤開佢撈勻意大利粉真係好明智嘅選擇，每條意大利粉都掛有濃濃蛋漿，最開心係有好多木魚好惹味，咸香滿瀉～扁麵煮到彈牙容易咬，各方面都做到中上嘅質素，唔錯唔錯～唔好抱咁大期望蒲燒鰻魚蛋包飯 $112名同菜式完全不符！XDD 呢個蛋包飯係相當好食同高質的～～首先個醬汁味道唔會太咸亦唔會好heavy，佢濃稠得黎唔會搞埋一舊，撈飯更容易而且都同珍珠米飯好夾～D米好好咬唔會太淋，所以撈少少醬汁都已經好夠味，加上個蛋好滑好重蛋味，就算蛋包飯都可以好有水準～有D人會加錢轉全條鰻魚，我就覺得唔加都ok～鰻魚肉夠嫩有魚味但唔腥，如果唔係叫咗好多小食，我諗我地會再叫多個飯，因為真係好開胃～士多啤梨奶昔 $48佢個奶昔用上自家製士多啤梨果醬，所以甜味唔會係死甜，仲有水果嘅鮮味，佢嘅奶都落咗唔少，所以唔會出現士多啤梨嘅酸，小朋友超鍾意！豆腐豆腐豆腐咖啡 $56豆腐咖啡我都係第一次見，佢嘅味道我覺得可以升到餐廳top 3 ！佢加左豆腐雪糕同埋滑豆腐，如果唔攪拌其實唔係太品嘗到豆腐味道，不過慢慢D豆腐味會滲出黎，佢有糖水比你加，但我覺得滑滑嘅豆腐本身嘅豆味已經足夠味咖啡調味，喜歡豆腐嘅朋友一定要try try呀朱古力最好味 $48開頭我以為佢會甜到一個點，事實係錯曬～因為佢用上73.5%黑朱古力，所以飲品反而有純朱古力嘅苦味，咁反而仲好，成杯朱古力唔會過份地甜，仲耐喝，就算油膩食物在前，佢都可以做到去膩嘅功效，連我唔食朱古力嘅人都覺得ok，咁就真係OK架啦。天然紫薯唔太甜 $48黎呢到首要目標就係佢！不過叫之前我又好驚佢甜到極點，職員話佢無加糖或糖漿,用全天然紫薯，所以會甜都只係紫薯本身嘅甜味，視覺上杯飲品係幾靚，入口真係品嘗到紫薯蓉，微微嘅口感帶出濃濃天然紫薯味，重點佢真係唔甜，唔怪得其他朋友強烈推薦啦。…查看更多