+886 台味飯桌仔

營業中

休息中

又黎大圍搵食 今次唔入圍方 黎到依間木系簡潔既台灣菜小店✿ 月亮蝦餅 $34 ✿有驚喜! 外皮為春卷皮 金黃香脆 感覺食落冇一般炸蝦餅咁熱氣😈蝦肉尚算彈牙 口感豐富✿ 麻油雞湯 $25 ✿依個價錢黎講算係好大碗~雞腿肉非常嫩滑 雞湯清甜 麻油味濃但唔會覺油膩😋Menu入面仲有好多去款湯都好想試😆😆✿ 家傳肉燥乾拌麵 $42 ✿幾款麵底入面我揀左冬粉~貪佢掛汁索味🤣冬粉食落順滑口感有嚼勁肉燥香濃帶少少肥膏 油脂令成個麵一d都唔乾🥹✿ 胡辣鴨血 $25 ✿鴨血非常入味! 食落除左麻辣味仲帶有少少藥材味辣味慢慢滲出黎幾開胃✿ 紅燒牛肉麵$68 ✿麵底揀左拉麵 麵質Q彈 牛𦟌唔會好柴 軟淋入味 湯底香濃 飲落冇味精感 ✿ 台式奶茶 $11 ✿

好耐冇去大圍食飯，今日食左呢間台灣菜都幾抵食。紅燒牛肉麵：牛肉片爽口之餘，根鍵位又有煙韌口感。最正係個湯底，有鮮甜肉味，仲有D胡椒味，味道幾特別，唔會太濃👍🏻用湯匙配啖麵食，味道岩岩好👍🏻萬巒豬腳飯：呢個必食❤️豬腳肉好大塊🤤味道多汁滑嫩，夠入味。 飯面仲有D台式滷肉，肉汁滲左D落白飯，好好味🤤 旁邊仲有2件炸物。成個餐份量又多，好抵食👍🏻👍🏻月亮蝦餅：叫左個小食，炸蝦餅個皮好薄好香脆，好似春卷皮咁👍🏻蝦肉配個甜酸醬食，幾惹味春芽綠茶+珍珠 和 台式奶綠：跟餐價台式飲品都係$11-14左右，價錢唔算貴，都幾大杯。餐廳環境幾舒適，而且價錢合理，份量足👍🏻值得一試

🙋🏻‍♂️餓底探員去咗大圍調查呢間台灣菜，餐廳走工業風，配上木系餐桌，食物高質，價錢親民，吸引好多附近嘅街坊幫襯🐖奮起湖排骨飯 $58🙋🏻‍♂️表示個排骨飯有大大塊排骨，食落鬆軟，配上滷肉同海鮮卷，滷肉味道香甜，海鮮卷口感酥脆，充滿台式風味🍜家傳肉燥乾拌麵 $42🙋🏻‍♂️表示個肉燥拌麵有幾款麵底選擇，餓底㨂咗冬粉，口感滑順有嚼勁，非常掛汁，每啖都有香濃嘅肉燥，夠晒惹味🦆招牌米糕 $40🙋🏻‍♂️表示個米糕用台灣糯米配上鴨肉同薑片蒸煮而成，係台灣夜市嘅地道美食，糯米口感軟糯黏稠，食落充滿鴨香同薑味，配上特製蝦醬，味道鹹香幾特別🐤麻油雞湯 $25 (加配價）🙋🏻‍♂️表示個雞湯份量大碗，配上雞腿肉，飲落雞湯味清甜，加上香濃嘅麻油，味道更加提鮮🌶️胡辣鴨血 $25 (加配價）🙋🏻‍♂️表示個鴨血口感軟腍Q彈，味道鮮香帶微辣，食落又有啲蒜香，令鴨血味道更加突出🍡麻辣貢丸 $11 (加配價）🙋🏻‍♂️表示個貢丸口感爽彈，咬開爆汁，滿滿嘅餡料食落帶麻辣香味，進食時注意會燙口🐖香滷大腸 $28🙋🏻‍♂️表示個大腸份量多，口感軟腍煙韌，滷得入味，味道脂香🍤月亮蝦餅 $34🙋🏻‍♂️表示個蝦餅外層炸到金黃香脆，食落口感彈

本來想去食大叔泰麵，但係搵左好耐都搵唔到，加上天氣太熱了，打算係附近再搵另一間餐廳。係內街行過見到台灣野，水泥加木門既裝修覺得幾舒服就入去+886 台味飯桌仔 ，嘆番杯珍奶先今日一行3個大人，其中一個唔肚餓所以就試下叫碗湯飲，我一向都好抗拒黑蒜，點知有驚喜，雖然顏色好深色，但係好容易入口，配左杏包菇吸收雞湯既味道〝清清地又唔會好咸。📍枝豆 — 只要係社交媒體網站打卡就送既小食，店家有心思用黑椒同醬汁醃制過，幾好食📍月亮蝦餅 - 就同平時既差唔多📍黑蒜頭杏包菇雞湯 - 有驚喜📍萬巒豬腳飯 - 豬腳好入味，唔係好淋身既質地📍紅燒牛肉麵 - 湯底好香濃📍珍珠奶茶 - 珍珠夠哂淋，茶底都好香滑

招牌米糕米糕原來就係糯米飯，口感煙煙韌韌。除咗有香菇味，仲有幾濃郁嘅薑味，同埋少少酒味。有d似薑母鴨果種味。味道好入味，係會想返食果種，推介。🤔紅燒牛肉麵紅燒嘅湯底唔算太濃郁豐富。牛𦟌味道正常。普通水準。👌🏼月亮蝦餅蝦餅嘅皮唔算特別脆。蝦肉都算彈牙。👌🏼無骨鹽酥雞預期中嘅味道。都算香脆，但係雞肉就唔算多汁嫩滑。👌🏼燙高麗菜菜撈埋肉燥汁一齊食，都算有味。👌🏼日式烤奶 + 加波霸珍珠 第一次飲烤奶，原來係有煎烤味嘅奶茶。味道都幾香。珍珠就正常，唔算特別爽口。整體嚟講，味道正常。會推介主要係因為招牌米糕，喺出邊唔多見有呢個飯同埋係好味。同埋價錢合理。環境：★★★☆☆食物： ★★★☆☆推介度： ★★★★☆

好耐都無嚟大圍呢邊搵食，今次係大圍搵到呢間台式餐廳 ，見幾爆場，又入咗去試吓🤣椒鹽雞排飯 $55賣相都唔錯，食落比較似鹽酥雞😂，非常脆卜卜，肉質都幾嫩滑嘅，最正係個飯都係滷肉飯底，所以成件事唔會好乾柴柴👍🏻招牌滷肉飯 $42呢個同椒鹽雞排飯個飯底係一樣嘅🤣 佢個滷肉都煮得幾入味，少少甜，而且滷肉都肥瘦適中，唔會好油膩月亮蝦餅 $34佢係變奏版嘅春卷，外層用上春卷皮，入面就包住蝦肉，餡料都幾彈牙，外面脆卜卜，口感幾豐富台南海鮮卷 $26呢款同月亮蝦餅差唔多，但佢唔係用春卷皮，佢有啲似炸咗嘅蝦滑墨魚滑咁，第一次試，味道都幾唔錯日式烤奶 +$13日式烤奶就奶味比較重，唔會好甜，飲落都幾幼滑台式奶茶 +$11比起烤奶佢就茶味好濃

大圍一向多出色的餐廳，昨天就跟朋友在大圍吃晚飯，我們在積德里找到一家台灣餐廳：+886 台味飯桌仔一進去裡面，朋友就立即說：冷氣好舒服啊！餐廳冷氣充足，在炎熱的夏天街道走進這間店鋪，立即覺得非常舒適。主食：🔸川味牛肉麵 （鳥龍麵） $68牛肉麵肉質鮮嫩，鳥龍麵條Q彈有嚼勁。湯有麻辣味道，非常適合喜愛刺激味蕾的食客。🔸清燉牛肉麵 （刀削麵） $68牛肉軟嫩，刀削麵條質地細緻，湯底清爽不膩，裡面還有清甜的白蘿蔔。小食：🔸無骨鹽酥雞 $28酥脆的外層包裹住鮮嫩的雞肉，配搭適量的鹽味調味，讓人忍不住一口接一口。🔸甜不辣 $26外層微脆，內裡口感煙韌。味道既有鹹味，又帶甜味，相當令人垂涎。🔸月亮蝦餅 $34呈金黃色的月亮蝦餅外層酥脆，內裡有蝦仁在內，整體口感豐富。🔸燙高麗菜 $22高麗菜清新爽脆，上面還有一條條鮮嫩的腩肉。腩肉與高麗菜的配搭，令整碟菜口感層次豐富，不僅清爽可口，還有肉類的豐富滋味，是一道很好的配菜選擇。飲品：🔸台式奶綠（凍）（加波霸珍珠+$4）$15台式奶綠順滑，甜度適中，加入Q彈柔軟的波霸珍珠後增添了層次感和口感趣味性，令人回味無窮。🔸台式奶茶（凍）$11台式奶茶香濃醇厚，口感

今日放工後，約咗同樣鍾意食台灣嘢嘅大學朋友去大圍一間台式餐廳食晚飯。店鋪內部空間雖然不算大，但裝修簡約、企理整潔，給人舒適的感覺。我和朋友叫了好多台灣小食，有些小食在香港比較少見：旗津黑輪片（$26)：一款在香港好少食到的小食，朋友食完感嘆：好似去咗趟高雄旗津😂。黑輪片薄切又夠煙韌，表面有鹽同胡椒調味，交融出夜市的味道。甜不辣（$26）：厚切的甜不辣，同樣在香港的台式餐廳比較少見。味道鹹鹹甜甜，口感煙煙韌韌，好有咬口感。月亮蝦餅（$34）：表面炸得酥脆，但唔會太油膩。裡面厚厚的餡料中可以食蝦肉。紅燒牛肉麵（拉麵、正常麵量、走蒽）$68：牛肉麵的湯汁好入味，而且不會過鹹。牛肉好嫩滑，有五塊份量足。而且，更可以自由選擇不同的麵底：拉麵/冬粉/刀削麵/烏龍麵。飲品方面，我地叫咗台式奶茶（凍） (跟餐優惠$11）：奶茶唔會太甜，而且可以飲到濃郁的奶茶香味。台式奶綠（凍）（加波霸珍珠+$4）（$22）：奶綠是奶茶加綠茶，香港好少飲到奶綠，喺呢間餐廳終於飲到！奶綠清新香濃，而波霸珍珠煙韌微甜，非常好喝！食到咁上下，餐廳的食客也越來越多，非常受歡迎。呢餐埋單人均$100有找，好抵食！

好耐冇去大圍，圍方開左咁耐都未去過諗住去睇下順便食個靚lunch，點知好多野都貴到只可以圍觀🤷🏻‍♀️最後去返積富街發現呢間台灣野，裝修幾舒服幾好坐叫左個清燉牛肉拉麵，同紅燒牛肉烏龍麵個湯係好飲既冇乜味精，幾有台灣風味牛肉都幾嫩不過係細碗啲，麵係ok既叫左杯炭焙烏龍紅茶加珍珠，同台式奶茶都幾好飲，叫左少甜少冰淡味啲剛剛好第一次食月亮蝦餅，好脆好好食！可以encore，下次再來試鹽酥雞同滷肉飯～