海灣茶居

營業中

休息中

是日晚餐時間滿座，有啲食點心，有啲食小菜，有啲打邊爐，非常熱鬧。收銀處有隻招財貓霓虹燈，感覺真的幫到餐廳招財呢～蒜香蝦春卷 $35有3條，春卷外殼脆皮，內餡蝦滑口感嫩滑，好香口，沾喼汁食更美味。月滿晶瑩蝦餃皇 $36有4粒，蝦餃超大粒，皮薄餡靚，蝦肉彈牙。黑松露北菇燒賣皇 $36有4粒，燒賣上見到有黑松露，內裡有北菇和豬肉，口感很好。熱情果醬蝦球 $88有6個，係凍食既小菜。啡色脆卜卜杯形外殼，裝住沾滿熱情果沙律醬既蝦球。帶有酸甜味，蝦球彈牙，多重口感，係一款新穎有趣獨特菜式。紅豆沙真係起晒沙，超正，我勁鐘意，仲有好香果皮味，非常好，必定要食！

約左老人家食晚飯 佢又想食點心 又想食小菜所以搵左呢間滿足到佢兩個願望既試下 呢到唔只 點心、小菜、 連打邊爐、酸菜魚都有 唔洗驚揀唔落手點心 全部黎到熱辣辣 即叫即蒸 黑松露北菇燒賣皇(4粒)大大粒 因為有黑松露 所以幾香 食落啖啖肉 不錯 月滿晶瑩蝦餃皇(4粒）都係好大粒 食落好爽口 皮既厚度適中 宮庭流沙包 打開仲係流心 流心蓉都幾濃 幾好鮮蝦柚子雲吞棧出面未見過 外面脆卜卜 上面有蝦 下面原來係沙律醬撈柚子 食落唔單調 有柚子refresh 下 推薦 呢到既小菜有跟白飯同糖水 叫左金銀蛋浸時菜 份量都多 佢連個湯都幾好飲 撈飯一流最後上埋綠豆沙 唔錯 煲到起沙 又唔會太甜 屋企人食到好滿足呀

放工去左飲個靚夜茶，喺旺角搭小巴好快就到總站海灣豪庭商場門口，我覺得都幾方便。餐廳裝修新式，燈光光猛，地方闊落，座位亦坐得舒服，尤其是卡位。餐廳仲要有靚靚打卡位，呢間茶居真係正。櫻花蝦蘿蔔絲酥 $38我非常欣賞呢個蘿蔔酥，個外殼咬落去時口感好輕盈鬆化，啲碎唔會跌到周圍都係，我覺得比起出面其他地方整得好。我仲非常鍾意裡面既蘿蔔絲，佢地係粗條黎架，真係好開心好驚喜，超種意，我一定會再黎幫襯點呢個蘿蔔酥黎食！！月滿晶瑩蝦餃皇 $36個名改得好聽，啲蝦餃真係好似滿月咁又圓又大，漲卜卜。有四大粒，裡面啲蝦爽口彈牙，必選點心！蒜香蝦春卷 $35有3條長瘦形既蝦春卷，襯熱食個春卷脆卜卜，香蒜味好味道，入面注滿蝦肉足料。一人籠仔蒜香斑片蒸飯 $88唔係講笑，真係超大個，勁多飯，勁多蒜，哈哈。斑片嫩滑，唔錯唔錯。