陳茶館芋圓甜品專門店 (黃埔天地第3期百寶坊)

營業中

休息中

第一次食呢間芋圓店八點幾已經坐得滿滿地，出面有唔少人等緊外賣，我哋好好彩咁好快都坐低咗✨第一個叫咗木瓜桃膠鮮奶，睇落簡單但原來都咁好味😍木瓜桃膠一樣咁足料飲埋鮮奶冇得輸☺️之後就到椰汁雪燕三寶三寶包括：芋泥，雪燕、芋圓，食落比較鍾意芋泥，有質感，芋圓當然好味，口感彈牙但唔假🫶🏻仲包咗幾款芋圓口味😍款款都咁出色🤤因為晚飯食得太飽我哋三個人share兩碗啱啱好😍有啲甜品仲可以熱食，啱晒養生嘅大家😍不過因為真係好多人等位，就唔可以坐太耐啦🥹下次有機會要再過嚟食🤤

📍 陳茶館芋圓甜品專門店 (黃埔)🗓️ 8 April 2023陳茶館前身為「熹記甜品」，所以網上暫時未係好多陳茶館嘅食評，因為係改咗新名～舖頭細細間，裝修有簡約日式風格，入面枱唔算好多，所以經過幾次門口都有人排隊同埋等外賣，不過我認為真係值得去等嘅一間甜品舖。首先佢嘅餐牌真係好靚，係手繪嘅餐牌，畫得好靚，而每一碗甜品寫得好清楚有啲乜嘢材料方便大家選擇。🍴 椰汁桃膠三寶 $48我認為呢一碗就可以滿足想一次過試唔同嘢嘅人，一碗入邊有齊芋圓、桃膠同小丸子。餐牌上亦都有椰汁雪燕三寶可以選擇，視乎你鍾意食桃膠定係雪燕。呢度嘅芋圓同小丸子都非常煙韌有咬口。🍴 木瓜桃膠鮮奶 $38呢款係非常滋潤嘅甜品，桃膠木瓜鮮奶三種食材係一個非常和諧嘅配搭，呢度嘅木瓜非常甜同大大嚿，但又唔會煮得過淋，好有驚喜。因為有食過外面嘅木瓜，雖然有咬口，但係一啲都唔甜。所以我對呢度嘅木瓜非常滿意。而且令我好驚喜嘅係成碗糖水唔會太甜，食到最後都唔會有膩感覺，非常推薦。但係唔知係咪同之前嘅疫情有關，呢度嘅碗同餐具都係即棄嘅。希望陳茶館繼續開多啲分店，可以多啲唔同嘅地方都食到啦。

黃埔又多一間食芋圓嘅甜品店‼️傍晚時段去食 唔需要等位😆 有十幾款嘅甜品仲有飲品 真係好多選擇🤤 【五福仙草】$35 (芋圓 紅豆 小丸子 仙草)【桃膠芋圓仙草】$36兩款都係冬瓜茶冰沙底 仙草底下有碎冰 夏天食真係好消暑‼️ 呢兩款都好足料 不過食到最後真係甜到食唔到落去🫠【香芋芋圓仙草】$36 +芋泥$10芋圓煙煙韌韌！仙草好爽口質地 唔係特別滑～ 芋泥真係好正！有粒粒芋頭🤤【阿華田波波冰】$38除左甜品 飲品都極吸引！ 阿華田波波冰滿瀉🔥 上面層阿華田冰勁濃郁！不過最後都係太甜🥲【木瓜桃膠鮮奶】$38木瓜桃膠鮮奶 呢個配搭就一定唔會出錯！ 不過鮮奶好似過多🤣 令到啲木瓜桃膠就沉哂底