屋子咖啡

營業中

休息中

大圍本身就勁多受歡迎嘅café，要試哂佢都唔易😆同男朋友係大圍踩完單車，就諗起咗一直想試好耐嘅屋子咖啡🤩可惜當日店舖嘅雪櫃壞咗，有好多甜品都冇😭😭當日幫襯咗佢哋嘅晚餐定食，又係自己定食自己揀❗️自由選擇［米飯/麵+料理+冷熱配菜］各項選一，另外可以再加配飲品同甜品。👦🏻の選：🍚 醬油蛋拌飯🐟 醬油燒鰻魚🍢 烤明太子章魚肉串🍹 西柚冰茶•燒鰻魚略嫌唔夠軟身，但多得有鰻魚汁搭救，唔會話好難食。至於個明太子章魚肉串冇咩特別，口感的確係幾彈牙，但整體食落就係肉丸串咁😅，明太子味又唔係好突出，麻麻地。飲品方面，男朋友揀左西柚冰茶，口味清爽，而且唔會太酸，我都忍唔到係咁偷飲😂👧🏻の選：🍚 泡菜拌飯🍖 醬烤起司蘑菇漢堡🥚 木魚花玉子燒🍵 桂花烏龍茶•最好味嘅係個漢堡😋，肉質唔會勁實，上層有烤芝士，搭配蘑菇洋蔥汁有少少甜味，用嚟送飯一流🤤玉子燒外面有少少硬身，但內裏都鬆軟嘅，上面仲淋咗d醬油同埋木魚花，平衡返玉子燒本身嘅甜味，都唔錯食~飲品方面，我就揀咗桂花烏龍茶，味道清新，桂花香味撲鼻，好易入口☺️

悠閒嘅平日下午又係我去搵食去chill嘅時候，先前舊舖環境都唔錯，而新舖就更加chill!裝修主要走偏和式簡約風同木系設計，令人感覺悠閒又舒服。而食物方面主要係日式定食同埋靚靚打卡甜品☺️ 便當組合 -便當+冷/熱配菜 🍱醬油蛋漢堡飯便當漢堡牛味重之餘仲成個拳頭咁大舊，上面放左隻醬油漬蛋，撈飯一流😚配菜方面就揀左起司年糕，外脆內軟之餘仲有流心芝士餡！！不過個人都係鐘意食咸味嘅芝士多d 另外散叫咗🥚木魚花玉子燒 木魚花帶出咗個香味，連埋d沙律醬，係大阪燒嘅味道呀😋甜食組合 - 甜品+飲品鐵觀音奶油脆脆雙層窩夫 (+$5)上菜前一直以為係格仔餅/牛角窩夫咁，點知出到嚟成個🍩咁，整體做到外脆內軟，都幾滿意。而個cream就有濃濃嘅鐵觀音茶香，配合埋d焦糖脆脆，成件事幾夾，超好食！最後再加返杯凍美式作為呢餐完美嘅ending☕️

之前都淨係試過佢嘅甜品，今日就黎試下佢嘅正餐餐廳環境同裝潢好日系，好啱打卡而且都好chill，想同朋友chill住食嘢傾計嘅不妨試試呢間餐廳同朋友一人嗌左一個晚餐set，包一份料理，飯/麵，同埋配菜，飲品就要+$8。料理-南蠻唐揚雞一開始以為唐揚雞上面嘅醬係蛋沙律🤣食落先知唔係🤣個醬入面有啲碎洋蔥，同唐揚雞幾夾但偏鹹左啲。唐揚雞外皮好脆，雞肉好嫩滑& Juicy，加埋青檸汁感覺會更fresh，令層次level up！飯-明太子拌飯(+$8)明太子份量都頗足，同唐揚雞係唔錯嘅配搭。配菜-柚子冷番茄味道幾清新，但柚子味不太出，同就咁食生番茄分別不大。配菜-木魚花玉子燒試左朋友嗌嘅玉子燒，口感偏實，味道都唔錯。飲品-西柚冰茶(+$8)西柚味fresh得黎帶有茶香，甜度適中，都唔會死甜推薦嗌呢杯試下

【簡約風仲有榻榻米座位如置身日本🇯🇵】喺大圍唔知食咩好，就去咗呢間想食好耐嘅CAFE🤣佢門口睇已經好靚，走簡約風🇯🇵入面有張榻榻米嘅枱打卡一定好靚🎌.🍴明太子拌飯➕十勝燒豚肉➕木魚花玉子燒（💰: 113)呢款係推薦自選提案SET，有勁多款飯揀🍚今次揀咗明太子拌飯，明太子辣辣哋好啱撈飯😋十勝燒豚都好夠味，油脂分布平均，唔會話好肥膩😚木魚花玉子燒好大浸木魚花味！加埋大大舊玉子都幾JENG🥰.🍴紫薯地瓜舒芙蕾（💰: 60)舒芙蕾比我想像中大舊好多！空氣感超足夠，口感綿滑😆地瓜味都有，成個甜品仲唔算太甜😚仲配咗雪糕，一凍一熱🍦舒芙蕾係即叫即整㗎，大家下次可以早啲叫佢上得甜品(特別係多人果陣)😋-🔖MENU選擇好多，甜品好吸引😛.💡座位偏少😚可能要等一陣！特別係WEEKEND⏰.💡大圍仲有另一間屋子空間🥰-💎推介指數: 💎💎💎💎💡性價比:✨✨✨ (CAFE價錢😛)🍴ENCORE指數: ⭐️⭐️⭐️⭐️ (SO CHILL😚同埋甜品好靚😍)