幸福班戟 (K11 Musea) (已結業)

幾年前好興嘅梳乎厘班戟執咗好多 @ahappypancake 仲生存到而家食一食有家鄉嘅味道 🇯🇵7點左右嚟到冇咩人 櫈下面有個籃裝隨行物 超細心▪️朱古力香蕉班戟$96▪️芝士慕絲雜莓醬班戟 $102朱古力永遠最好味 雜莓就會清新啲三件食落去空氣感爆棚充滿雞蛋味唔會膩▪️另加橙汁$18有橙肉 超酸 飲得出係新鮮果汁-幸福班戟 (K11 Musea) (尖沙咀)尖沙咀梳士巴利道18號Victoria Dockside K11 Musea 2樓233A號舖

以前仲有得去日本旅行都會食好多甜品其中一樣就係我最愛嘅疏乎厘pancake(๑˃̵ᴗ˂̵)食過日本幸福班戟非常之好食佢嚟咗香港開分店當然要食下我大概夜晚七點幾入座啲職員好大聲咁傾緊計不停重複「截單啦、收檔啦」作為食客真係都幾感覺不良好直到我哋落哂單等緊餐點其中一個職員勁大力咁樣裝餐盤掉係我哋枱頭完全無任何交流咁就走咗ʅ（◞‿◟）ʃ完全唔知佢哋到底發生咩事可能我哋阻住佢哋收工好不滿掛𝐎𝐫𝐝𝐞𝐫:⧐ 朱古力香蕉班戟 | $96⧐ 提拉米蘇班戟 | $ 112講番個pancake先味道都唔錯好有空氣感不過同日本比硬係差啲日本分店大份好多朱古力香蕉班戟朱古力醬好多Cream就比較少香蕉就比較生咗小小硬硬地提拉米蘇班戟外觀幾靚仔食落咖啡味都好出整體食物質素就可以接受嘅但係啲態度真係令我唔會再番去食Σ(-᷅_-᷄๑)呢個價錢比呢個”服務”態度我真係…可能其他分店會好啲嘅—📝評分味道 𝟹 / 𝟻環境 𝟺 / 𝟻服務 𝟷 / 𝟻衛生 𝟺 / 𝟻抵食 𝟸 / 𝟻—📍幸福班戟 (K11 Musea) (尖沙咀)尖沙咀梳士巴利道18號Victoria Dockside K11 Musea 2樓233A號舖—

身為梳乎厘pancake迷雖然唔可以錯過不過有啲懷疑質素跌左啲比想像中麻麻地🧐🐤一句總結：價格唔平且質素參差🥲 😎會回訪嗎: ❌等候時間: 0 mins (平日5:15PM) ≋-≋-≋-≋-≋-≋-≋-≋😍朱古力香蕉班戟 $96 ▶️ 8.25/10 個人認為呢個仲好食過抹茶嗰個😂不但個班戟幾鬆軟之外空氣感都不錯唔會過分厚實😚至於香蕉比兩大條你 夠熟夠甜朱古力醬都夠潔且幾濃郁同時都會有點甜味🍫不過我覺得可以再鬆軟啲～整體以$96來說其實已經不錯了班戟size有三塊唔算細塊🥰😍宇治抹茶濃厚慕斯班戟 $112 ▶️ 7.75/10 最貴嘅甜pancake但係唔覺得好好食🧐因為班戟個口感同上面嘅差得太遠了口感比較厚實之餘冇乜空氣感🙈個口感比較似普通班戟多啲不過值得一提嘅係佢嘅抹茶慕絲雖然真係比較細塊用佢食三塊班戟真係唔夠😢但係真係好濃厚清新且有回甘🍵如果個班戟口感好啲會加分😂另外還附上少少殼片還有一點抹茶粉還有一支似試管的小東西😂應該是糖漿不過我覺得唔洗加都夠味😍 至於小編飲品叫了咖啡和橙汁橙汁就有少許果肉嘅 不過冇乜期望多數都係樽裝飲品😂 😚環境 ▶️ 🐤🐤🐤🐤🐤/5 整體店舖比較細 所以平時

今日約咗兩位可愛嘅同事Miss Ki ,Miss S一齊睇戲🎬，之前就去左食個甜品，甜一甜先😍😍12點去到冇乜人，唔使排隊！幸福嘅開始🥰🥰～～～芝士慕絲雜莓醬班戟～～～先講個班戟，佢唔係嗰種勁空氣，軟熟得黎食落會有軟綿綿嘅感覺，比棉花糖仲軟😍😍芝士慕絲打得超柔滑，但芝士味唔係勁濃！😊😊雜莓醬好濃郁，三樣野分開食都各有特色，但配埋一齊食，好味嘅效果有三倍咁多！低佢賣得咁貴😂😂～～～薑汁汽水～～～正常冇特別！😀😀～～～朱古力牛奶咖啡（凍）～～～我冇份飲，Miss Ki話完全冇朱古力味，問咗店員話係用朱古力水，係咁㗎！🤨🤨開開心心食完，1:30去睇戲啦😁😁

超人氣即叫即製梳乎厘班戟，近日去尖沙咀K11已經無大排長龍，所以終於一試，但我覺得有點過譽。因為入座人仕最少要點一份食物或飲品，所以試了兩款班戟。朱古力香蕉班戟 $89奶茶班戟配自家制穀麥 $98梳乎厘好重蛋味，但口感又唔會覺有空氣感，朱古力香蕉配搭唔錯但無特別，奶茶味道幾特別，穀物有啲淋。我最欣賞反而係個Cream，好邪惡，但夾埋班戟提昇一點軟滑感。食物其實唔算劣食，但用外賣紙兜上餐亦令賣相扣分，總括我覺得這個價錢CP值唔算高。

疫症下諗住少啲人排隊 中，所以決定去試下。我兩個大人 加 一個BB ，有BB車同行，服務員原先安排我們坐喺較擠迫嘅位置，叫我地將BB車放在另一邊，我地同佢講：BB車想放喺我地隔離，唔介意等下一張枱。服務員回應「好」 ，於是安排排喺我地後面嘅顧客先行入座。好快又輪到我地，我地目測BB車係可以放喺我地旁邊，所以入座，點知同一個服務員都係叫我地將BB車泊喺出菜處旁，我地唔想再糾纏，所以聽話地泊好架車， 唯有抱住BB食。點知嘢食未到，我就發現服務員倒瀉凍飲，整濕咗掛喺BB車後嘅奶粉袋！服務員無話我地知，我走過去自己抹時佢地又唔幫手，又唔俾紙巾，只係細細聲講「唔好意思」就算！ 作為一間日本餐廳，呢種服務實在令人太失望！！講返食物，我地叫咗朱古力香蕉pancake 、跟餐熱咖啡、皇室奶茶。 pancake 唔係好鬆軟，無驚喜。朱古力醬不太甜，幾好；忌廉好香，好好味，令pancake 生色不少！ 但全部都用即棄餐具，非常唔環保。同埋令顧客唔會有「enjoy」嘅感覺！如果只係想一試，都可以嚟吓嘅；但如果想享受一下，就唔建議嚟呢間分店！最後我地準備離開時，服務員嚟執枱，佢都執緊嘢，佢先問我地：「啲食物唔

日本pancake已經喺香港風靡咗一段好長嘅時間，每次有新舖頭開，都會出現好長嘅人龍、好難嘅訂枱同埋好多人嘅討論。雖然我都係一個pancake嘅粉絲，但係因為我唔鍾意排隊，所以通常我會等熱潮過咗之後先至去試。 好耐之前我已經想去食幸福班戟，嗰陣時只有銅鑼灣一間分店，而且網上訂枱有唔少限制，所以一直都未有機會食到。 早排我發現尖沙咀有分店，我諗隔咗咁耐又有咁多其他品牌嘅日本班戟， 應該少啲人排掛，我專登揀比較早嘅時間去，即係大概早餐至午餐之間嘅時間，雖然都要等但係我大概等咗一個字就入得。 估唔到咁早已經有咁多人嚟食班戟! 入到去，可能係新開啦，覺得間舖都幾靚幾舒服，好啱女仔嘅style。我點咗個朱古力香蕉班戟， 佢係即叫即整嘅，所以都要畀啲時間等佢製作。班戟賣相都ok嘅，但係因為佢係用個紙盤裝住，所以一定冇擺喺個靚碟影咁好睇。 食落口班戟都算鬆軟，但係個蛋香味唔夠，真係有啲失望，因為蛋香味係我心目中係好食嘅班戟一個好重要嘅元素。而朱古力香蕉忌廉都係咁啦，正正常常。整體嚟講味道ok嘅，不過唔算好好食，好彩唔使排咁耐，當小食咁食下都ok嘅，但如果排咁耐咁樣嘅味道一定會失望啦。

因事要到尖沙咀一趟，辦完正事才早上十點多，苦思到哪裏吃個豐富早餐，就想起上次在K11 MUSEA 見到的日式班戟店，當時剛吃過午飯，加上太多人排隊等候，就沒有吃了，如今時間尚早，一於到班戟店朝聖。「幸福班戟」的座位不算多，分為店內及店外，雖然十點半未夠，但店內已經坐滿客人，店員安排我坐在店外的位置。堂食的話，要取枱上的號碼牌到櫃枱落單及付款，之後就可安坐位上等候食物。店內設有自助水吧，提供冰水及檸檬冰水，客人可自行取用。餐牌分為甜班戟、鹹班戟及飲品，雖然鹹班戟比較適合作早餐，但嚐甜的我還是抗拒不了甜班戟。人手烤製的班戟，需等約20分鐘，邊喝檸檬冰水邊看書，好快店員就送上班戟，但...怎會變了鹹班戟?! 原來店員睇錯單，弄錯了，於是又要等下去。終於我點的「朱古力香蕉班戟」上枱了，紙碟上放著3個熱騰騰的班戟，配上鮮忌廉、朱古力醬及香蕉。雖然拍照耽誤了時間，但吃的時候，班戟仍然很鬆軟（而且沒有塌下去），朱古力醬略甜，配搭香滑的忌廉就沒有那麼甜。原以為一個人吃會很飽，但由於班戟不是死死實實的那種，所以不會很滯及膩。整體感覺不錯，只是餐具、杯及盛載班戟的碟都是即棄的（明明是堂食，但都用即棄餐具）