影片
更多
2022-06-17
3792 瀏覽
爸爸係一個非常傳統嘅人，生冷野唔多食，最鍾意就係中菜！有朋友去過澐話佢中菜高質，又難得有釀焗蟹蓋，一於就book去同爸爸慶生～ 因為我遲左book所以窗口位冇哂，中菜廳空間感十足，落地大玻璃設計令中菜廳好光猛，而且裝潢同擺設好有氣質，枱與枱之間相隔得遠而且環境寧靜，坐離窗口一兩排都唔會太差~ Service認真一流，侍應貼心有禮貌，最surprise係見到侍應係set檯時出動蒸氣燙斗燙直檯布，非常認真！Order左四款點心，全部都非常高質，爸媽都讚口不絕。唔好見個焗菠蘿叉燒包個樣普普通通，皮超脆，個包超軟，而且叉燒餡料熱焫焫，係我食過嘅Top 3！黑魚籽金巢香酥帶子芋角有着燒賣嘅外貌，酥脆嘅口感，香口而不油膩，必試！香焗鮑魚叉燒撻嘅鮑魚有啜口，叉燒餡料配曲奇撻皮超正！澐裳金箔鮮蝦餃皇一籠有四粒，加金箔豪氣十足，個皮再薄就Perfecto~杏汁白肺湯絕對係功夫之作，奶白嘅湯熬左好耐，遠處就聞到好香嘅杏仁味，豬肺好嫩滑，好味又養顏。金湯海明珠係令人驚艷勁一道菜，鮮燈色幼滑而清甜嘅南瓜蓉下蘊藏左嫩滑嘅蒸水蛋，加埋面頭隻又大又爽嘅蝦，有視覺同味覺嘅衝擊，好後悔抱住試吓嘅心態淨係order咗兩人
因為我遲左book所以窗口位冇哂，中菜廳空間感十足，落地大玻璃設計令中菜廳好光猛，而且裝潢同擺設好有氣質，枱與枱之間相隔得遠而且環境寧靜，坐離窗口一兩排都唔會太差~ Service認真一流，侍應貼心有禮貌，最surprise係見到侍應係set檯時出動蒸氣燙斗燙直檯布，非常認真！
Order左四款點心，全部都非常高質，爸媽都讚口不絕。唔好見個焗菠蘿叉燒包個樣普普通通，皮超脆，個包超軟，而且叉燒餡料熱焫焫，係我食過嘅Top 3！
焗菠蘿叉燒包
$92
56 瀏覽
1 讚好
0 留言
黑魚籽金巢香酥帶子芋角有着燒賣嘅外貌，酥脆嘅口感，香口而不油膩，必試！
黑魚籽金巢香酥帶子芋角
$80
51 瀏覽
0 讚好
0 留言
香焗鮑魚叉燒撻嘅鮑魚有啜口，叉燒餡料配曲奇撻皮超正！
香焗鮑魚叉燒撻
59 瀏覽
0 讚好
0 留言
澐裳金箔鮮蝦餃皇一籠有四粒，加金箔豪氣十足，個皮再薄就Perfecto~
澐裳金箔鮮蝦餃皇
$68
61 瀏覽
0 讚好
0 留言
杏汁白肺湯絕對係功夫之作，奶白嘅湯熬左好耐，遠處就聞到好香嘅杏仁味，豬肺好嫩滑，好味又養顏。
杏汁白肺湯
46 瀏覽
1 讚好
0 留言
金湯海明珠係令人驚艷勁一道菜，鮮燈色幼滑而清甜嘅南瓜蓉下蘊藏左嫩滑嘅蒸水蛋，加埋面頭隻又大又爽嘅蝦，有視覺同味覺嘅衝擊，好後悔抱住試吓嘅心態淨係order咗兩人份，下次要一人一份先得！
金湯海明珠
79 瀏覽
0 讚好
0 留言
招牌蜜汁叉燒皇超有誠意咁用個裝住熱炭嘅爐端上，侍應生淋蜜汁果刻除左有治癒嘅炸一聲之外，輕煙飄起並為你帶來陣陣炭香，期待感迅速攀升！食落去好爽口彈牙，蜜味十足，非常唔錯！
招牌蜜汁叉燒皇
$168
63 瀏覽
1 讚好
0 留言
重頭戲金牌釀焗蟹蓋果然冇令我地失望！呢一道菜唔多中菜館有而就算有都唔一定好食，但澐嘅金牌釀焗蟹蓋真係星級，焗得勁香脆嘅面下蟹肉一疏疏，真材實料，餡料極creamy，一人一隻非常滿足！
金牌釀焗蟹蓋
71 瀏覽
0 讚好
0 留言
好唔少人推介蝦乾啫啫芥蘭煲所以都試吓，蝦乾超多但口味偏重，相對其他菜式有d失色。
原本諗住叫多個餸食食吓又幾飽所以直接落甜品，簡直又一星級嘅highlight！
紫澐夢境真係甜品如其名，係一片仙氣中華麗登場，擺盤精美，排場十足，仲好貼心咁幫忙安排左早前預訂嘅生日牌，打卡一流，爸爸都連Wow左幾下！最令人驚喜嘅係味道超乎想像地好，尤其是個紫薯雪糕，第一次食加左薑嘅紫薯雪糕，世一！
紫澐夢境
$78
91 瀏覽
0 讚好
0 留言
桂香水中花又一星級之作，豆腐做嘅水中花刀功精細，配桂花清香嘅微貼糖水，賞心悅目之餘又超refresh，超鍾意！
桂香水中花
$58
82 瀏覽
1 讚好
0 留言
黑白芝麻卷擺盤都非常精美，一人一件唔錯～
呢一餐生日飯真係星級享受，由頭Wow到落尾，爸爸返到屋企都仲讚緊，Happy Happy~
(P.S. 原本HSBC credit card 有八五折，都係埋單先知，全單平咗$3xx，折左每位$5xx，呢個最後驚喜都唔錯！)
張貼
