生記飯店 (已搬遷) 新店位置

一直聽講生記係老一輩嘅名人飯堂，今次終於嚟到食。唔識過都唔會明白點解啲名人會鍾意食呢間餐廳。佢係做一啲好普通嘅家常菜食但係就做得非常用心。滑蛋蝦仁你以為佢好普通，同埋你以為所有人都整得差唔多味。其實真係要炒到個蛋夠滑，蝦又唔會太過老係好難㗎。新記嘅滑蛋蝦仁炒得剛剛好啲蛋好似近乎生蛋質感咁但其實炒到熟晒，隻蝦又大又炒得夠嫩。相比起蓮藕餅就有啲普通。金銀蛋炒莧菜。枸杞豬潤係戲肉！豬潤又肥煮得又滑嫩！豬潤要咁厚身，但係煮完之後又唔會太老又要煮夠熟，真係好難掌握！廚師手勢即刻顯到真章。超厚身。蜜汁叉燒真係唔野少，肥瘦適中入口香軟。

真係宇宙至強！叫咗幾樣餸，樣樣都咁好食，，水準又穩定真係唔知可以點樣來形容！枸杞浸豬潤真係好似食棉花糖咁！個蒸肉餅唔會太多肥豬肉，鬏化而有彈性！個涼瓜炒蛋簡直係傑作竟然食到蛋黃香味，唔怕油膩超爽！唯一要挑剔嘅就係今次個免費白糖糕竟然有小小酸，整餐飯值99分。

同大班朋友食團年飯, 諗住大眾化d去生記, 不過埋單一d 都唔平, 仲好似冇乜食野落肚, 要食宵夜 煎蓮藕餅：好香好鬆脆, 不過偏咸要送飯, 一碟得果幾件, 手快有, 手慢冇枸杞浸豬潤：招牌菜, 唔訂可能冇得食, 但自覺味道普普通通, 豬潤切得好厚, 枸杞得果幾條, 菜咁平好心俾多d la 鹽焗雞：冇乜特別, 肉質亦唔算嫩滑蒸薑蔥魚雲: 得果幾舊, 點夠分呀? 不過咸得要命, 不吃也罷 肉丸泥鯭粥: 又係招牌菜, 唔訂肯定冇得食, 不過可能真係好多人訂唔夠分, 唔多見有泥鯭肉, 連米都唔多夠, 水流流 梅菜蒸菜心: 梅菜好甜, 菜心蒸得入味而唔會變黃, 全晚至正既一味菜 老少平安 : 豆腐+鯪魚, 都幾鮮甜, 唔會蒸得太實, 加埋豉油食啱啱好咸魚蒸肉餅: 咸魚味唔係好濃, 但勝在惹味, 送飯一流蓮藕炆豬手：又係得果幾舊，唔夠分冇食到羅漢齋煲: 基本上得栗米芯同腐竹, 低成本製作, 但一d 都唔平加送白糖糕, 味道一般, 但冇乜地方食到, 當係懷舊服務態度尚可, 上菜速度極快, 可能因為太多booking, 其實以咁既價錢, 唔算係好出色, 都唔知點解咁多人去?位