無麵不歡 - 中華私房粉麵 (已結業)

無麵不歡舖面不算大, 但因為門口唔起眼, 似裝修中的圍版,一不擦覺就會miss 左個門口。賣的麵都幾有特色, 但D 麵set 好晒唔比轉其他麵底。小食價錢都唔算貴，可以接受。----------------原創胡椒豬肚雞麵原創胡椒豬肚雞麵以鐵鍋爐上枱能保持熱辣辣。湯底呈奶黃色，胡椒碎辛香味濃。豬肚和三黃雞都幾多幾足料，有淡淡雞油香唯一美中不足的是上海麵煮得比較稔身但用左紅棗枸紀一齊煮, 係漸冬的天氣中感覺幾保身。柳州螺獅粉螺獅粉唔係螺絲粉而係螺絲肉、肉丁、豆角、花生、蔥花、酸辣筍、黑木耳和脆腐竹材料都幾多, 米線好滑好吸味湯底層次豐富, 又辣又惹味，令人愛不釋手！另外又叫左兩個小食香酥排骨排骨炸得外酥內嫩, 有南乳椒香味肉嫩得黎又唔會乾晒, 保留到D肉汁。一份大概有八粒十粒, 回味無窮雞湯娃娃菜娃娃菜以雞湯去煮, 清香得黎又唔會太寡, 爽脆清甜。湖南黑臭豆腐外表呈墨黑色，唔算十分臭, 但外脆內嫩，鮮而香辣, 又辣又惹味

夜晚唔係好餓，就諗住食個麵就算😎 見依間好似幾有特色就入咗去先食，一打開門就聞到陣唔知咩味，後尾先知原來係酸筍味😳，雖然唔大感興趣但都諗住嘗試吓。.有好多款特色嘅麵簡😍，仲有多款小食同飲品。最後簡佐主打果兩款👻.柳州螺獅粉 $48一黎就見到好多小配料，一食落口就好有驚喜，因為有陣好地道既風味🙈 仲有少少辣去勾味😍 但又未至於好辣，有少少似平時食薯粉既感覺。而且就算平時我地唔食筍既，都比依碗神奇既麵吸引住😳.順德卜卜蜆花甲粉絲 $62依期好興食卜卜蜆😍 所以就嗌佐黎試。果然冇令我失望係滿滿既卜卜蜆😚，上菜既時候佢仲會連埋一個爐仔比你座熱佢，好似食緊卜卜蜆煲咁🤤 一黎就試佐佢個湯，真係好有海鮮湯既味道，啲粉絲唔洗講就知滲晒啲精華😍 好味道，勁大煲食極都唔完咁。.湖南經典黑臭豆腐 $28啱啱喺台灣返嚟都仲要食臭豆腐🤣 所以即刻成左個對比 就係台灣好食好多🙈 但係臭味都依然係有嘅，唔錯既都👍🏻 諗起又想食哈哈🙈 （唔重口味都唔食😂）.總結，本身係戰戰兢兢嘅心態黎試，但係真係充滿驚喜😍 香港真係冇乜地方可以識到依個風味，大家不妨可以試吓😎 服務就真係冇乜㗎啦，但勝在味道搭救，大滿足😚