容龍海鮮酒家

營業中

休息中

容龍酒家特別在於可以係三聖村自行選購海鮮, 然後酒家會幫你煮埋, 想試下香港既地道風味, 值得入黎搵食!推介菜式如下~豉椒炒聖旨聖旨好新鮮, 夠曬入口, 非常惹味! 強烈推介美極煎虎蝦虎蝦好爽口, 美極好夾蝦味, 食到蝦既鮮味, 唔會太濃味芝士焗龍蝦咁樣整龍蝦既方法, 我係第二到真係唔多覺會有, 唔洗多講, 芝士焗龍蝦係必食既菜式, 我入黎食都係為左佢!椒鹽瀨尿蝦好惹口, 香口, 個殼都好入味, 鍾意食椒鹽味既一定要試下薑蔥蒸糯米蟹飯因為花蟹賣曬, 所以要左普通蟹, 太細隻了, 無咩口感, 但個飯好香好好食壽包勁大個..

繼2014、2015連續兩年一班死佬入到屯門三聖村「興記」大擦海鮮，接續依個傳統，2016再豪多一餐 。本來想試吓其他區域嘅海鮮酒家，但大佬話要三戰三「勝」全取九分，所以就三戰三「聖」。不過，嚴格嚟講，今次唔算完全喺「三聖」之戰，因為，改改策略，先去有香港築地之稱嘅荃灣楊屋道街市買海鮮 ，再入三聖村斜對面山丘之上嘅「容龍海鮮酒家」，依間嘢都喺有死佬試過嘅推介。未講酒家，就直擊吓晌楊屋道街市嘅實況，街市樓高四層，地下全層主打賣海鮮，所以幾十檔，人頭湧湧 。而且，叫得香港築地，檔口多之餘，價錢比晌三聖真喺平平平一大截。好似啲美國桶蠔，對比舊年食評嘅資料，三聖賣$160（大桶），楊屋道賣$85（大桶），質素一啲都唔差；東星斑晌楊屋道斷條賣，條條兩斤幾，一條先$350，但三聖要$380一斤喎 。不過，瀨尿蝦最後都返去三聖買，因為行勻個街市都喺細隻咗啲，唔夠睇頭，但三聖買真喺好貴。順便介紹吓楊屋道街市嘅「陳女東記」海鮮（兜到我都唔記得佢個位置，大概正中間），睇勻咁多間，依間海鮮鋪真喺選擇多多，平價 、貴價都有，覺得取價公道，而且，啲店員好好相與，又唔介意我哋影吓相，最鍾意喺佢哋明碼實價標