全記海鮮菜館

營業中

休息中

放假又遇著天氣好，心情好所以入去西貢遊一遊，吸下新鮮空氣和順道食埋海鮮。今次選擇了全記，見到佢地的傳單上有2人套餐，每人$256有4款海鮮餸菜，送油菜和糖水又免收加一和茶介。感覺都合理所以決定試下。我們上了2樓露台位都較開陽舒服。今次点了椒鹽飽魚（ 火候剛剛好肉質不會硬）椒鹽豆腐（ 做到外脆內軟），青蒸海上鮮魚（時日是黄立䱽 夠新鮮）菠蘿咕嚕肉（ 酸甜度適中， 咕嚕肉做到外脆內軟），雖然一般菜色但味道和火喉都做得不錯， 甜品是紅豆沙熱辣辣不太甜好滿足的一餐。

入西貢食海鮮都有選擇困難，因太多海鮮食肆。今次就揀全記，因經常入西貢都見佢比較旺埸，加上是米芝蓮餐廳。這晚星期五，去到大約七點左右，天氣比較清涼，門口的位已經座滿，只有面選擇。座低後就去揀海鮮，豐儉由人。自己問價錢，以斤計的。買完後會有個號碼牌給你，埋位後將牌再轉交給餐廳員工。全部海鮮都收加工費的，感覺上都幾貴。其實係全記門口買個加工費應該收平d，外來的就貴d，如果改一改個收費就好啦椒鹽鮮魷和椒鹽豆腐是例牌，鮮魷就普普通通，豆腐就有驚喜，好靚，必試。海鮮不用講必定好味，因為是新鮮加上鑊氣夠。辣酒煮花螺就辣咗d，可能我哋唔多食得辣。佢有火油在底熱住的，所以就覺得仲辣，花螺下面有烏冬的。蒜茸白菜和上湯浸菜，兩款菜都新鮮好味，唯一扣分是太細碟。蛋白炒飯炒得乾爽，最後還有紅豆沙糖水送。另一提是免茶介，免加一的。這餐埋單$2163，七個人食。下次可再叫多一、兩款海鮮

紅假期同屋企人行完海下之後出返西貢食飯黎到呢到梗係食海鮮但一時間太多選擇後來屋企有人話西貢有兩間都唔錯，其中一間就係全記去到門口，真係好多人，但叫左飛之後都係等左五分鍾左右，就有位，上二樓呢到除左有海鮮，仲有酒樓中式點心，選擇亦都有唔少最後叫左幾樣海鮮：瀨尿蝦、蜆、螺而點心就叫左：椒鹽豆腐、小籠包、牛柏葉、奶皇包另外亦都叫左個沙巴龍躉蒸飯海鮮方面絕對一流，但留意返要收加工費，其中瀨尿蝦真係一定一定要食點心應該係即叫即整，好耐無食過熱到放唔到入口既牛柏葉唯一感覺一般既就係個龍躉飯啦最後埋單四個人合共千三元左右

上星期六帶埋家人, 一行五人, 入西貢食海鮮, 之前已經做晒research 所以唔洗搵, 一心一意直去我心儀的食店, 爸爸話去到咁遠食拍夜, 所以叫我book早d, 所以我地book左6:00pm, 我地5點幾就入到西貢, 間食店咁早都冇咩人, 所以一入去就有位, 坐定之後, 問下家人有咩想食, 爸爸想食象拔蚌, 媽媽想食蠔, 奶奶就冇所謂, 我就同老公出去門口選海鮮啦, 好多品種呀! 真係花多眼亂呀! 我地要左一條3斤幾嘅象拔蚌(做刺身), 要左一杯美國蠔(做薑蔥蚊), 要左兩斤花甲(做豉汁炒), 要左3大隻賴尿蝦(做避風塘), 又要左一束聖子王有7大條(加粉絲豉汁蒸)1)象拔蚌刺身 -- 超正! 好新鮮!2)薑蔥蚊蠔 -- 正! 不過一人得一隻好似少D!3)豉汁炒花甲 -- 一般! 炒得老左少少! 過左火!4)避風塘賴尿蝦 -- 超正! 好鮮味, 啖啖肉!5)粉絲豉汁蒸聖子王 -- 正! 好好味!另外仲加左幾個小食, 有椒鹽豆腐, 滷水鴨舌, 炸雲吞, 和一個鮮蝦全記炒飯添!~ D小食都OK架! 個炒飯炒到一粒粒, 媽咪話個炒飯炒得好靚喎! 埋單成為