咖啡灣 (已結業)

三人行來到這裡吃趟午餐，餐牌上的美食和飲品琳琅滿目，叫人目不暇給。套餐來個挪威煙三文魚凱撒沙律$68，顏色繽紛而且好大碟😋裡面有好大塊新鮮的煙三文魚，還有好大堆新鮮爽口的沙津菜！這杯跟餐加$10的榛子鮮奶咖啡賣相雖未算完美，但勝在拉花像我一樣夠可愛🤪認真來講，這杯的奶泡打得挺香滑，奶香味突出。拉絲芝士龍蝦汁海鮮飯 $118 ，芝士真的有拉絲效果！而且用料豐富：青口、蜆、蝦等，最抵讚的是龍蝦汁非常濃郁，令海鮮都非常入味，食到lamlam脷😋軟殼蟹卡邦尼蛋汁意大利麵 $108 ，整隻軟殼蟹上碟好美觀，但如果炸得再香脆點就好了！意粉亦夠入味和香口，每一條都掛到香濃的卡邦尼汁👍🏻紫薯窩夫$88，賣相100分！雪糕的紫薯味不夠真實，紫薯bb就正啦。草莓要是更甜就好了，窩夫也挺外脆內軟！😍

之前去荃灣接老婆放工經常會去咖啡灣開餐，除左因為杯咖啡出色之外，主食同甜品都唔錯，而且價錢合理。從OPENRICE餐廳動態得知係將軍澳開左新店，作為地膽嘅我地當然要去試下，睇下係咪一樣咁有水準啦。咖啡灣將軍澳新店由開張到而家每晚繁忙時間都爆滿，所以我地今晚放工未到7點已經黎攞位，到餐廳時果然客人仲未多，不過7點之後就開始要等位。餐廳位於新都城中心2期，由寶琳站上電梯一轉灣就到，同荃灣店一樣，餐廳裝修好雅緻，連門口的靚靚LEGO擺設都好似。我地坐低之後，店員好快就俾水我地同我地推介海膽黑松露蟹蓋飯，呢個配搭超啱我口味，可惜老婆唔食海膽，結果我地揀左黑松露什菌蘑菇屋，另外點左秘製醬汁鵝肝和牛巨人堡同黑魔王曲奇雪糕窩夫，咖啡灣食物份量都唔少，所以我地都唔敢點太多。秘製醬汁鵝肝和牛巨人堡($138)好大件，和牛漢堡超厚身，非常juicy, 約5成熟入口軟腍多汁，鵝肝大大塊外層煎得好香，油香味濃，麵包又夠鬆軟，配埋芝士同其他配料，兩個人SHARE一個都相當滿足。黑松露什菌蘑菇屋($78)造型非常有趣，黑松露味濃, 什菌蘑菇多，忌廉汁白滑濃郁，配白飯食好夾 。揀甜品係最困難嘅部份，咖啡灣呢度好多款