Lucy Coffee N Food (已結業)

一間我bookmark咗成年嘅cafe今日終於食到🥺好開心好幸福一口氣叫咗6款甜品食，唔知係咪期待咗太耐，全部都覺得幾好食🙈🍰伯爵茶、咖啡、雲呢拿籽半熟芝士蛋糕， 全部口感都勁smooth🤤唔似得自己屋企整嘅芝士蛋糕鞋颯颯（係我廢我知），真不愧係令我朝思暮想咗成年嘅半熟芝士蛋糕。 每隻味都好好食⋯真係要排嘅話我鍾意伯爵茶同咖啡多啲🙈🍵焙茶Crème brûlée cheesecake係有層脆焦糖係芝士蛋糕個面度，然後佢係平時有餅底嗰種芝士蛋糕 。本身以為會冇上面講嘅半熟芝士蛋糕咁滑，點知一樣超軟滑🤤焙茶味好濃，所以少不免會有啲啲茶嘅苦，但最頂層嘅焦糖又會中和返，啱啱好🍫🍊橙酒雙重朱古力無麵粉蛋糕又係成日係官方ig見到好想試嘅。朱古力味超濃郁好正，好食係好食，不過對我黎講食落有啲啲乾咁🙈 🍮咖啡雞蛋焦糖布丁，好動L🤪咖啡味好似可以濃多少少少少少，但其實宜家咁都好食，我其實會怕苦得制嘅咖啡味甜品😕依個苦度甜度係啱啱好☕️飲品叫咗 Iced banana latte ，本身幾鍾意香蕉奶嗰類味道所以就想試下，飲落我覺得都幾夾到🥰可惜今日撞唔中提子冧酒、鐵觀陰同大紅袍半熟芝士蛋糕～唯有下次再黎，再

星期五放假，約咗朋友一齊出去找嘢食，佢就話好想嚟呢度食，咁就滿足佢要求嚟食甜品和飲茶啦～我係近門口嘅玻璃櫃上看甜品餐牌，揀咗以下甜品，由最淡味開始食到最濃味：1️⃣ 黃豆粉豆腐芝士卷 (HK$58) ⭐️必食⭐️蛋糕部份軟綿綿，不過不及中間嘅豆腐芝士忌廉咁吸引，有濃厚嘅豆腐味道，乳清芝士嘅鬆軟口感，真係好有驚喜😋2️⃣ 咖啡半熟芝士蛋糕(HK$58) ⭐️必食⭐️好特別嘅味道，入口第一刻係咖啡味，不久之後芝士嘅鹹味道慢慢滲出嚟，口感好creamy，似食緊mousse😋3️⃣ 提拉米蘇 (HK$58)這款甜品只限堂食。點了一份，面頭嘅可可粉太多，容易哽親，下一層嘅芝士忌廉，我覺得比較稀釋，可以再creamy一點。用匙羹拔到底，會見到濕晒嘅咖啡蛋糕，可能店主落得太多咖啡酒啦，呢個有點扣分。4️⃣ 橙酒雙重朱古力無麵粉蛋糕(HK$58)呢個賣相最靚，甜度係最甜。入口即嚐到好重橙酒和濃厚嘅朱古力味道，食多幾啖會覺得有點膩。飲品方面，就喺紙餐牌上面揀：1️⃣ 杏仁焦糖薰紅茶(HK$58)淡淡嘅杏仁薰茶香氣，入口有焦糖甜味，配甜品一流👍🏻2️⃣ 伯爵茶可可(HK$58)使用 70% Varlhona 法國黑朱古力，可可味香濃，但