天府人家

營業中

休息中

今晚公司啲 sales 請食飯，地點又係佢地 book 既，梗係唔會同佢地慳啦。川菜多以辣為主，但我地有人唔食得辣，於是叫了些唔辣既菜。呢到有幾個房，可以係裡面嘈嘈閉啦⋯⋯講返菜式，今次真係食得好盡，有好多菜式可以講講。蝴蝶魚，幾特別，係片片好簿既魚，炸好淋上醬汁。水煮牛肉，好大「烹」，牛肉嫩，唔係好辣，好啱餸飯。炸豬大腸，4/5個勁辣。但好香好野味。糯米鴨方，用糯米鋪係鴨面，然後煎香糯米面果層，層次感滿分。最後，甜品送既，係桂花糕，香甜適中。

難得亞仔去咗串門子，兩公婆二人世界，即刻揾新嘢試吓。見到間舖係謝斐道樓上舖，心諗星期日晚應該水靜鵝飛，點知全院滿座，好彩有訂枱。我哋叫咗夫妻肺片、涼拌木耳、擔擔麵、椒麻腰花、老麻抄手、水煮牛肉、一罐可樂。唔知係唔係漏咗單，等咗半個鐘都冇得食，見到人哋遲嚟嘅都上咗菜，問吓服務員，轉頭D餸就上啦。夫妻肺片帶甜味；涼拌木耳微酸微辣好清新 ；擔擔麵老公唔記得攪一攪，覺得淡咗小小，但都OK，下次再試清楚 。老公鍾意食麻，佢覺得椒麻腰花、老麻抄手好味到冇朋友，我覺得腰花本身的鮮味欠咗D，同食到一片有壓味，而老麻抄手真係幾好味，而且麻到成個嘴痺晒。水煮牛肉好好味，好耐無食過覺得滿意的水煮牛，呢度我哋覺得好啱胃口 ，特別鍾意裏面的薯粉（希望冇寫錯）、菇、瓜片，如果牛肉可以多小小就好啦。埋單送甜品紅豆沙，紅豆沙冇起沙，仲應該落咗生粉水，但甜度可接受；以往食完川菜都想食雪糕中和下，但今次食完紅豆沙後，竟然想食雪糕的慾望無咗。因為D食物啱胃口，老公話原諒上菜慢一事，整體來說除咗落單果位先生好似不在狀態，跟著 follow 我哋的女服務生都好有禮貌。已經 What's App 咗比D朋友約埋再嚟食過。