元朗新記 (吳松街)

營業中

休息中

元朗新記就無去過啦，佐敦既元朗新記就第一次去。新記雞粥都幾出名，天寒地凍，食返一啖熱粥就正過正斗啦。元朗新記唔止得粥賣，仲有好多麵，各式炒粉麵飯同中式小菜等等。午餐非常抵食，一碗自選生滾粥加一份炒麵或者腸粉再包一杯熱飲或者老火例湯，都係$45或者$58，視乎你揀既餐。凍飲加$3，特飲加$8。我地一行四人，每人叫左粥或粉麵餐，另外再叫左一隻馳名乳鴿分享。生滾黃鱔粥+蝦腸+熱豆漿 $58生滾黃鱔粥係成鍋上，最後先食都仲熱。粥底㷛得夠綿，一d都唔稀，食完好飽肚。黃鱔有好幾舊，超彈牙，有少少骨但係可以吞埋。加d葱花香d。蝦腸晶瑩通透，腸粉滑溜啖啖美味，鮮蝦大大隻又爽脆，齋點豉油已經好好味，如果入面可以加韭黃仲正。生滾魚腩粥+炸倆+熱豆漿 $45魚腩有4舊，有骨但係肉質鮮甜肥美，餐廳仲體貼咁加左d薑蓉僻腥。跟餐既炸倆有兩條，腸粉包住都算脆口既油炸鬼，自己再加甜醬食好味。鮮蝦雲吞麵+油菜+熱豆漿 $44雲吞有5粒，唔算大粒但係真係有鮮蝦同有d肉碎。幼麵質感就真係超水準，粥店都整得超爽口彈牙，點香醋食好正!湯底仲加左d韭黃粒。油菜係8條菜心，都算翠綠爽脆，加少少豉油食好健康。餐飲我地全部都揀左熱豆漿

終於有秋涼既感覺，又係時候食粥啦~久仰新記大名，適逢天氣涼涼地，終於有機會去食下貴妃雞粥，食慾大增，2個人一口氣叫左好多碟🤣生滾貴妃雞粥+叉燒腸 ($58)~雞夠鮮嫩，重點係用雞脾肉🍗，粥底盡吸雞肉精華，夠綿夠滑，食完暖笠笠! 再跟叉燒腸，叉燒份量十足!👍加+$8就可能有碟油菜!XO醬豬扒炒公仔麵 （$49）~炒公仔麵最緊要夠獲氣，炒得乾身，XO醬豬扒厚身惹味，再加上芝麻，味道level up~海蜇生腸 （$52）~ order左海蜇生腸做前菜，2款都好爽脆，小小辣!酥炸魷魚鬚 （$55）是日最熱氣小食，魷魚鬚熱辣辣，夠香夠晒脆，佐粥都唔錯架!

難得可以有堂食，所以午餐一於就出去搵下好野食......佐敦呢個新記，環境都幾好，防疫工作都做得好好，而且唔會好多人，所以都食得好安心。午餐先來D小食，金錢煙鴨胸$49，好甘香而且肉質好軟好味，個皮係最正架~!~肥美上品~酥炸魷魚鬚 $55--地道小食來講，真係最LIKE呢個，脆卜卜，好香~~唔係好多地方都有得食，所以見呢到有，就叫LO~~~估唔到又幾大碟~鮮蝦腸粉 $27 白滑的腸粉皮，加上厚厚的蝦肉真係令人滿足。食落非常之有口感，呢3個小食都令人好滿意。油菜$31--疫情之中，我堅持每餐都要食D菜~!所以貴左D都要叫菜心食~柱候牛筋腩撈麵--$42  牛肉好少自己整到，而且港式餐廳呢個一般都會做得好食~~呢到既牛腩都好香，大大件食得好爽~泰式青檸冰 $23 夏天好熱，呢到有D特別既飲品，消消滯都幾好~