全記海鮮菜館

營業中

休息中

通常入黎西貢都會諗起食海鮮，由於近海，西貢海鮮好似特別新鮮。今日約埋一班同事入黎食海鮮！由於有相熟既街市海鮮檔，所以我地就自來海鮮俾全記整。豉椒炒蟶子豉椒炒得好惹味，蟶子大條，而且新鮮無沙，炒既時間剛剛好，爽口但又唔會煮到好韌。椒鹽鮑魚平時通常都係果皮蒸鮑魚，今次用椒鹽比較特別，鮑魚炸得香脆可口，鮑魚軟淋，不過椒鹽比較濃味，有啲蓋過左原本既鮮味。海膽蒸蛋外表雖然平平無奇，但內裏滿滿都係海膽，增加口感，蛋蒸得嫰滑，海膽鮮甜，估唔到依個配搭會咁夾，而且送飯一流！油鹽焗奄仔蟹奄仔蟹非常大隻，每隻都多膏厚肉，鮮甜美味！酥炸生蠔皮脆，炸粉一啲都唔厚，生蠔鮮甜肥美，外皮鎖住生蠔既肉汁，一啲都唔乾，好juicy!椒鹽瀨尿蝦每人一隻瀨尿蝦，椒鹽滿布成隻瀨尿蝦，好惹味，肉質彈牙爽口。其實仲有泥鯭粥無影到相，粥底綿，有好鮮甜既魚味，好好味！最後每人都係323蚊就食到咁豐富既海鮮餐，好抵食！

點解話再次重訪？因為近年每次去西貢食海鮮都係幫襯另一間獲推介嘅海解餐廳。以前入西貢食海解，九成係會去全記，同老闆兩兄弟亦食得好熟，但係自從香港旅遊業大力推介西貢海鮮，加咗個牌坊又搵明星賣廣告，去食嘅人多咗好多，試過有次節日訂咗位都要等成個鐘，而食物質素亦有所下滑，似食套餐咁！後來有次去西貢決定試吓新堀起嘅小規模嘅海鮮餐廳，食物質素令人驚喜，結果以後就冇再幫襯全記。然而多年下來，該餐廳嘅銷費拾級而上，所以令次決定重訪全記！去到全記，雖然見到老闆在鋪頭入面，但佢已經唔認得我，完全冇反應！因為係平日，所以客人不多，有個伙記就全程協助我哋揀海鮮。最後揀咗4樣海鮮，包括一條一斤多嘅海杉班，兩隻奄仔蟹，蝴蝶蚌與赤米蝦。揀海鮮時，個伙記極力推薦我哋食九節蝦，但我從來未見過只係似普通海蝦嘅九節蝦，所以我寧願食赤米。果然冇令我失望，剝蝦殼時已經見到蝦殼厚而硬，絕非養蝦可比，食落又甜又爽，啲肉可能冇九節蝦咁實淨。因為係海蝦，所以係有啲大細不一。淨係食海鮮係唔得嘅，所以我哋都叫咗半隻燒鵝，不過就比較失望，我哋係第一輪嘅客，但係碟燒鵝就似係凍咗再翻熱，唔夠＂新鮮，比起嗰啲食燒鵝嘅名店係有一定嘅差距。原本我想點