卡莎338 (已結業)

是次試的是位於長沙灣的Casa 338，地鐵站出來一條直路便到，走五分鐘左右不會很遠。外邊看到以為是茶餐廳之類，因沒有特別裝修，又有個霓虹燈跑馬字牌，好像比較便宜。不過一走入口感覺好得多，舖位雖然小，但也算乾淨企理，算得上是家餐廳。餐牌選擇也算多，圍繞著扒餐和意粉或飯，還有些小吃可散點。見食評大多推介二人斧頭扒餐，但我倆又不想吃炸物小食，決定點一人一個晚市套餐，再加一個小食。港式扒餐的格調，可跟飯或意粉或薯菜，湯是紅或白湯兩款，還包餐飲，價錢也合理。我倆都是點紅湯，羅宋湯味濃，番茄味重，酸酸甜甜很開胃。雜菜如西芹、洋蔥等都很多，已經煮得很腍。附送每人一片蒜蓉包，雖不見蒜蓉，但也帶點蒜香的牛油，頗為香脆。我的羊架端上來時很有驚喜，先沒想過擺碟會是這麼漂亮，用黑板上，還用醬汁裝飾。羊架有三大塊，厚度足夠，肥瘦適中。要了medium，切開顏色也真的不錯，肉質軟腍，帶些少羊味但不膻，蘸了燒汁更惹味。薯蓉細滑不太膩，配以翠玉瓜和蘑菇，另外得意的是還有即食鮑片在配菜中。鹹豬手也十分大份，雖然是較小的豬手，但給了兩隻。豬手外皮炸得很脆口乾身，內裡的肉算是腍口。始終鹹豬手味道較鹹，這裡配偏甜的蜜糖芥末

近排真係大出血連續掃左幾盒模型，趁住今晚攞貨順便同同事一齊食飯。就近近地係模型鋪附近開餐。SET DINNER都係以扒類為主，所以跟同事都揀左鐵板扒餐黎食，再配凍飲。前湯都係紅白配。味道都可以唔會話太咸，蒜茸包就烘燶左啲不過更脆口，配湯食的話啱啱好。先黎係西冷扒，同事想食飽啲就揀左跟飯。塊扒都真係幾大，有成隻手掌咁大同夠厚身。店員再跟手淋上蒜茸汁，因為鐵板夠晒熱一淋上醬汁就滋滋作響，香味撲鼻而來。西冷扒五成熟啱啱好，跟同事要左塊黎食入口好鬆軟，肉質細嫩而且牛味又夠香加上惹味咸香蒜茸汁，真係唔錯好好食。而我的就是鐵板羊架。因為近排入秋嘅天氣令到想起羊腩煲嘅味道，就食返啲羊架止住癮先。同上由店員淋上黑椒汁後，蒸氣同醬汁香味一湧而上，即時令人食指大動。羊架邊位仲燒到帶焦脆，食落無乜羊羶味，嫩滑之餘羊脂味帶起左肉嘅味道。因為羊肉本身算清淡係經由羊脂嘅配襯先會形成羊肉獨有嘅羶香。尤其係骨邊肉，切起上黎一下就開，肉汁充足所以咀嚼完全不需花費氣力。如果薯條保留埋薯皮去炸就仲好，因為鐵皮羊架嘅味道配上黑椒汁都幾重，令到薯條味道略為被蓋過左。最後飲埋杯解膩凍檸茶，就趕返屋企開工了。同事都話百零蚊食個鐵板