Nomad Burger (德民大廈) (已結業)

呢間位於紅磡的漢堡外賣店，今年6月底先開業，但最近已經吸引咗好多人嚟打卡，因為推出咗呢個期間限定漢堡包，我也是被它吸引而來的😻波士頓龍蝦安格斯漢堡 (HK$98)．原隻已起肉的波士頓龍蝦，啖啖肉，鮮甜，肉質彈牙😋．安格斯牛肉漢堡扒，幾厚身，幾juicy．黑松露蛋黃醬，不是一般我認識嘅黑松露味道，似是蘑菇蛋黃味道多啲，幾濃郁creamy，同啲食材好夾．每日限定30份，供應到10月31日咋唯一美中不足係沒有堂食，外賣完要找地方食。我就行咗去附近嘅大環山公園，坐喺有瓦遮頭嘅長凳上，望住個海景，吹著微風，食午餐囉😸

終於得閒去試呢間已經新開數月嘅漢堡小店，開係呢個黃埔住宅區附近都應該係做街坊生意。買果陣以為門口無咩人，後來發現附近全部企滿等緊拎野食嘅客人🤯小店主要都係賣漢堡，但都有供應小量小食同汽水。小店不設堂食，只提供外賣，廚房整完就會交出嚟入外賣袋逐個number叫。好多人買所以都等咗都大概15分鐘🤓今次嚟就係為咗呢個期間限定漢堡，每日12點開賣，只係賣30個㗎咋，賣完就無。我地當日去到差唔多晏晝1點左右已經賣晒原隻龍蝦肉，所以餐廳改用龍蝦鉗肉嚟整，會比原本平10蚊，如果想食原隻龍蝦肉記得要早啲嚟🤓 聽講只係賣到10月31號就會轉第二款漢堡，想試就要快啲去啦😆🍔波士頓龍蝦安格斯漢堡 $88麵包好鬆軟，安格斯牛肉煮嘅時間啱啱好，無令到啲肉太老，仲係好嫩滑多汁😍龍蝦鉗食落一定唔夠整隻龍蝦肉咁鮮味，但都依然係好彈牙夠出色。龍蝦配安格斯呢個組合已經無敵，再搭配埋黑松露蛋黃醬、芝士同菜令個包嘅層次再昇華多幾級🤩 $88蚊食到呢個質素嘅burger真係超值🥳

無肉不歡同勁鍾意食海鮮嘅我地，今次就黎到Nomad一嚐佢個招牌波士頓龍蝦安格斯漢堡🤤簡直一次過滿足曬我地兩個願望🤩‼依個係限定Offer黎㗎，因為好受大家歡迎所以特登延長供應到10月31號！鍾意食牛同龍蝦嘅你地就記得把握機會，快啲去試下啦🤤‼️依個Burger不得不說真係「好好味」！唔係誇大呀，佢個安格斯好Juicy，一啲都唔乾，配埋佢個黑松露蛋黃醬，令成個感覺再昇華😋佢個龍蝦都大大隻、啖啖肉，食完一個已經飽到飛起！我地都叫左個黑松露蛋黃醬薯條🍟佢係粗薯條黎，唔會太淋，調味幾好又大份。但係因為佢都用左啲比較高級嘅食材，所以價錢就高啲啲，大家自己衡量一下啦😌💡溫馨提示：1. 佢地只係收Cash咋，所以大家記得㩒定錢或者到時去街尾轉彎果度間7仔裡面有HSBC ATM☺️2. 佢地不設堂食㗎，所以大家要諗好去邊度開餐呀🍔3. 佢地冇提供到餐具，所以如果食嘅記得要消毒好對手先或者自備餐具啦🍴

好鍾意嚟黃埔德民街呢度掃街，好多正嘢食～但感覺上好多舖頭都唔同咗，而 @nomad_burger 亦都係其中一間新開嘅餐廳～其實已經經過好幾次，不過近期因為疫情關係，連本身有嘅企位都唔可以堂食，又覺得𝚋𝚞𝚛𝚐𝚎𝚛呢啲嘢一定要趁熱即刻食，所以遲遲都冇機會幫襯🙊但前幾日再次經過，忍唔住要試吓！主打𝙳𝙸𝚈 𝙱𝚄𝚁𝙶𝙴𝚁，由麵包、肉類、𝚃𝚘𝚙𝚙𝚒𝚗𝚐𝚜同醬汁都係自己揀自己鐘意嘅～特別要讚一讚麵包種類除咗有𝚋𝚛𝚒𝚘𝚌𝚑𝚎之外，仲有𝚋𝚊𝚐𝚎𝚕、𝚔𝚎𝚝𝚘同𝚟𝚎𝚐𝚊𝚗嘅選擇，包你食到一個啱你口味嘅𝚋𝚞𝚛𝚐𝚎𝚛！不過大家真係要搵定個位坐定定慢慢食，如果唔係就會食到好混亂，成手都係𝚓𝚞𝚒𝚌𝚢嘅牛肉汁😹.love coming to this area of whampoa cause theres tons of underrated restaurants here 😊 one of them is definitely @nomad_burger 🍔 mainly serves DIY burgers 😋 you can fully customise it to your liking! they

呢間新開嘅漢堡包店除咗有signature原隻龍蝦漢堡食之外😋仲可以自製漢堡包🤫由包,餡,配料,醬汁都自己揀🤘🏻最特別係呢度有好多款包可以揀:牛油漢堡,bagel,生酮麵包,全素麵包🌱生酮人士同素食者都啱食🥰.波士頓龍蝦安格斯漢堡🍔 $98嚟到當然要試吓呢度嘅招牌😎每日限量30個售完即止‼️漢堡有原隻龍蝦同埋手打安格斯牛扒😈sauce係Truffle Hunter嘅黑松露醬🥳龍蝦好爽口夠彈牙 但係調味有啲濃 有少少蓋過咗佢嘅鮮味😳漢堡扒好有驚喜 好好食💓好juicy好濃牛味🐮食得出係手打嘅 咬落仲有啲牛筋 好有口感💯再加埋松露香味 三者好hea 係好奢侈嘅漢堡😝原本諗住去試吓佢個keto bread🍞不過已經賣晒 唯有試吓佢個vegan bread😭估唔到又幾好食 好鬆軟唔會好乾👍🏻一百蚊有找真係勁抵食✨.松露薯條🍟 $38薯條係幼身薯條 炸得好脆食落唔會好油 份量仲好多😍食完個burger再食嘅話一定夠晒飽🤤面頭淋咗好多松露醬 食晒薯條都仲有淨🤩感覺上同漢堡包配嗰個松露醬有啲唔同 呢款松露味濃郁啲🖤另外嗰款稀啲同埋鹹啲酸啲🤫

📍NOMAD BURGER呢一間喺紅磡新開嘅漢堡包專門店🤩佢哋最出名嘅就係波士頓龍蝦安格斯漢堡🍔每一日12點限量發售‼️名額只得3️⃣0️⃣個💢小編就係俾佢個漢堡吸引咗🤭 嗰日12點幾去到已經賣晒😩 以為冇緣試到 點知原來咁啱小店晏晝有貨到！所以幾經波折終於可以試到呢一個招牌漢堡🍔🤩- 波士頓龍蝦安格斯漢堡 $98呢個漢堡包入邊有原隻波士頓龍蝦🦞+安格斯牛扒同黑松露醬🤩 夠晒足料！龍蝦食落去好彈牙、清甜😍 牛扒都好有咬口😋 黑松露醬味道都幾出🥰成個包好夾👍🏻 口感都好豐富好好食😋炸無激素雞鎚 $38一盒有五隻🍗 炸得好香每一隻細細地咁 食落去好酥脆🤤但係嗰口又唔會好油🥰 仲有嘢飲配搭❤️ 可以揀七喜或者可樂😆-總括嚟講呢間漢堡包店我覺得幾高質👍🏻而且價錢都合理☺️想試波士頓龍蝦漢堡嘅朋友仔真係要早少少去到！我上次去到都見到有好多人排隊🤭除咗龍蝦漢堡之外佢哋仲可以比你哋配搭一個自己鍾意食嘅漢堡☺️ 連包體都有好多選擇！✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評外觀：★ ★ ★ ★ ★回頭率：★ ★ ★ ★ ☆抵食指數：★ ★ ★ ★ ☆