Greyhound Café (海運大廈)

營業中

休息中

老豆生日亞哥提議去greyhound 試下，老實講，本身上openrice睇見食評一般所以都無太大期望咁去食，唔知係咪因為咁，所以反而有驚喜。先講service, 我地本身book左枱但我地張枱上面盞燈壞左係度閃下閃下（好disco feel 好暈），咁我地當然要求換枱，但全場已full所以佢地都無辦法換枱比我地。而且燈是由一個總制控制所以佢地亦都無辦法幫我地熄左佢，但佢地都有努力幫我地諗辦法熄左，熄左之後雖然係暗左少少但我地都覺得OK所以唔換枱都得。但當有客人埋左單先佢地都有主動問我地仲需唔需要換枱，所以service絕對值得一讚。另外，食物如之前所說，整體都唔錯，每碟份量不算大所以試左好多款食物呢！

是日約好友吃飯大概夜晚8點到達，唔需要排隊等位，只係9:15pm前還到枱就ok!我地2個人 order左三款食物兩個頭盤，一個main分別係 泰式串燒，帶子沙拉 同埋 泰式燴牛肉及牛丸湯米粉帶子沙拉四大粒帶子配以甜醋及沙拉菜係好開胃既前菜 趁熱食泰式串燒串燒好惹味 小藤盒裏面裝住既係椰漿飯好特別!泰式燴牛肉及牛丸湯米粉一上枱已經聞到好香既香料味道牛肉煮得好“冧” 一咬即開牛丸細細粒好爽口推介

前年去曼谷旅行戈陣已經識得呢間cafe，一試就愛上，所以好開心香港都開左分店!海港城呢間已經係第二次食，因為行街行到好攰，所以要坐低歎返個下午茶! 但係已經五點既關係，所以唔敢叫咁多，費事夜晚食唔落飯比人鬧 ...所以今次一行五個大人+一個小朋友，都只係share左芝士火腿三文治、泰式串燒、士多啤梨雪糕，當然唔少得我最愛既Coconut Crepe Cake!!芝士火腿三文治 - 最愛食溶左+熱辣辣既芝士...一擺低已經好香好吸引!泰式串燒 - 有D乾+鞋口...糯米飯可能凍左...都好乾...不過好鍾意佢個辣辣地既汁，加落D糯米飯好惹味，但係如果個飯熱返D就好喇!士多啤梨雪糕 - 叫呢個主要係比小朋友食，試左一啖，無乜特別~Coconut Crepe Cake 椰子千層蛋糕 - 主角出場! 鍾意佢既清新、不甜不膩! 仲有啖啖真既椰子絲! Yummy!我諗我每次黎海港城都要黎一黎食crepe cake! 下次會試下mango crepe cake!!