Ann MaMa Thai Restaurant

營業中

休息中

每次去到旺角諗唔到食咩 就一定會去女人街兩旁搵食 今次見到間新開嘅泰菜都唔少人排隊 一於就去試下😎晚市2人餐 $368 - 小食4選2 • 肉類3選1 •主食5選1☯︎ 木瓜沙律質地爽脆 食落比想像中辣🌶️如果酸啲會更加開胃🥗☯︎ 泰式手打蝦餅三件蝦餅 對半切開 蝦肉彈牙🍤外皮炸至金黃色 同泰式甜辣醬簡直係絕配☯︎ 招牌燒牛肩胛肉牛肩胛肉肉質粉嫩 juicy 食落牛味濃郁👍🏻 份量都幾多✨不過有幾件可能因為近根位 有點位置稍為韌咗少少🤏🏻☯︎ 泰式乾炒闊河可以選擇牛/豬 河粉彈牙唔油膩 而且炒到片片分明 鑊氣十足 味道香濃惹味😋推薦!👍🏻跟餐有椰汁冰同龍眼冰可以選擇 另外可以加錢轉特飲☯︎ 椰汁冰🥥椰汁味濃郁 飲落唔會死甜 ☯︎ 泰式綠奶茶🍵 （+15）綠奶茶清香 食泰菜必叫 如果可以選擇甜度就冇得輸

/𝑨𝒏𝒏 𝑴𝒂𝒎𝒂 𝑻𝒉𝒂𝒊 🇭🇰/#sa旺角篇 #sa泰式篇 ➖➖➖<旺角抵食晚市二人餐> ➖➖➖旺角通菜街又有新餐廳🍴 今次呢間係食泰菜 價錢都幾親民🥰份量偏少但幾好食環境方面樓底幾高 夜晚偏昏暗入面好多泰國人像同埋報章🗞️ 充滿泰式風情！➖➖➖🔹晚市二人餐🔹 $338/ 2pax 呢個set 會有:兩款小食、一款肉類、一款主食同兩杯飲品～ ➖➖➖1️⃣小食: 沙嗲雞肉串燒| 青木瓜沙律 (四揀二) 串燒幾大串🫶🏻有三串 沙嗲味幾重花生香 食落甜甜地 唔會好辣 肉質亦幾滑木瓜沙律爽脆微辣✨另有蝦餅、魚餅同扎肉可揀🖐🏻➖➖➖2️⃣肉類: 招牌燒和牛肩胛 +$30 (三揀一) 另有雞上髀/ 豬頸肉～ 牛肉粉嫩 肉味濃 亦都唔會過韌😆➖➖➖3️⃣主食: 泰式乾炒闊河 (豬/雞) (五揀一) 另外option 有船麵、豬手飯、海蝦金邊粉同蟹肉炒飯～味道唔錯 係有啲似平日食嘅乾炒牛河🤣麵條比平時食嘅河粉寬身 唔算太油膩 雞肉份量可以再多啲 ➖➖➖4️⃣飲品: 龍眼冰/ 椰汁冰 特飲另加$15 其中一杯要椰汁冰 椰味幾重 另一杯要左泰茶都唔會過甜✨➖➖➖