影片
更多
2023-02-02
5501 瀏覽
食呢間真係預左要排隊，即使８點幾都見到門口長長人龍，同埋佢九點半就會截單，人龍都會一定時間就截，有啲比較出名既野食都好快賣哂，當日就食唔到生蝦同埋芒果糯米飯。但真係排隊都覺得值得，真心好食，絕對會再返黎食！ 泰式燒牛肉沙律 $98★★★★☆燒牛肉建議大家叫五成熟，黎到剛剛好。同埋記得趁熱食，仲加滋味！食落個牛好香口帶有燒嘅風味，食落帶有硬勁，越咬個牛肉就越多汁越香，佢牛肉跟一個辣醬汁，超級惹味同辣口，比起平時泰式醬再多啲野同埋個味道豐富好多，但只可以每次點少少，唔會蓋過味道之餘又香，但唔好太多因為真係幾辣。呢個菜式其他地方冇呢個水準，必試！馬拉盞炒通菜 $78★★★★☆呢一碟份量滿滿，通菜同馬拉盞真係無敵呢個組合。馬拉盞有XO醬嘅或香、風味，但再比起本身更多左鮮味，搭埋爽脆嘅通菜同小小蝦米，口感、味道一流。絕對餸飯！真係食極都仲有，抵食。泰式冬蔭公 (細)$88★★★★☆冬蔭公超級香濃，飲落似汁多個湯，料又足，差唔多料仲多過湯。味道好濃郁，個酸辣味好突出，香料味重。有1隻半海蝦，中間開邊，蝦頭身身有膏好肥美，肉質結實唔會霉。又有一啲秀珍菇，滑溜又索湯。叫細份都夠三個人分，大概每人分到1
泰式燒牛肉沙律
$98
150 瀏覽
0 讚好
0 留言
★★★★☆
燒牛肉建議大家叫五成熟，黎到剛剛好。同埋記得趁熱食，仲加滋味！食落個牛好香口帶有燒嘅風味，食落帶有硬勁，越咬個牛肉就越多汁越香，佢牛肉跟一個辣醬汁，超級惹味同辣口，比起平時泰式醬再多啲野同埋個味道豐富好多，但只可以每次點少少，唔會蓋過味道之餘又香，但唔好太多因為真係幾辣。呢個菜式其他地方冇呢個水準，必試！
馬拉盞炒通菜
$78
57 瀏覽
0 讚好
0 留言
★★★★☆
呢一碟份量滿滿，通菜同馬拉盞真係無敵呢個組合。馬拉盞有XO醬嘅或香、風味，但再比起本身更多左鮮味，搭埋爽脆嘅通菜同小小蝦米，口感、味道一流。絕對餸飯！真係食極都仲有，抵食。
泰式冬陰功
$88
100 瀏覽
0 讚好
0 留言
★★★★☆
冬蔭公超級香濃，飲落似汁多個湯，料又足，差唔多料仲多過湯。味道好濃郁，個酸辣味好突出，香料味重。有1隻半海蝦，中間開邊，蝦頭身身有膏好肥美，肉質結實唔會霉。又有一啲秀珍菇，滑溜又索湯。叫細份都夠三個人分，大概每人分到1碗半多啲。飲完特別開胃！
泰式拼盤
$108
87 瀏覽
0 讚好
0 留言
★★★★☆
泰式拼盤分別有炸蝦餅、炸魚餅、炸雞肉卷三款小食。炸魚餅煎炸得好香口，味道唔會辣，魚肉帶小小檸檬葉香氣，但又唔會太勁，令到人卻步，同埋食落口唔會太油膩同有好益味。炸蝦餅好酥脆外皮，入面啲蝦肉好彈牙，唔會全部都係粉。加埋酸酸甜甜嘅泰式醬，真係勁快KO。炸雞肉卷細細舊，一啖一件岩岩好，食落本身以為魚蛋之類，因為唔太似雞肉口感，呢個就正常發揮，冇炸蝦餅同炸魚餅咁出色。
泰式肉碎生菜包
$88
68 瀏覽
0 讚好
0 留言
★★★★☆
雖然叫左小辣，但都好辣下，即使我平時食得辣嘅都覺得辣，辣個後勁都會停留一陣，大約1分鐘到就會開始冇咁辣，或者飲番淡飲品都可以中和到，但佢辣得黎開胃惹味，肉碎唔會好乾身，仲有啲乾葱蒜蓉檸檬配料，食落個味道同口感豐富，雖然辣但都忍唔住再包黎食。同埋呢到個菜同肉碎比例係岩岩好，因為好多時會剩番哂啲肉碎冇哂D菜。
泰式炒金邊粉
$78
74 瀏覽
0 讚好
0 留言
★★★☆☆
呢個泰式炒金邊粉就正常啦，勝在炒得乾身得黎帶少少濕，唔會一PATPAT，同埋都幾足料有蝦、蛋絲、芽菜、豆腐乾等等，同埋炒得幾均勻。但個味道我覺得可以再出啲濃啲，而佢唔係帶酸甜個款金邊粉。
泰式芒果沙冰
$38
107 瀏覽
0 讚好
0 留言
★★★★☆
沙冰我諗係呢到嘅必點之一，佢飲落係天然芒果味道，應該落左芒果肉落去加冰打，所以唔會好快就溶哂。又唔會特別甜，解渴又解辣，大大杯都只係$38蚊,絕對必點。
泰式百香果沙冰 $35
★★★☆☆
飲落有百香果味，但就偏向百香果糖漿味啲，但都係好味，只不過冇芒果咁天然個味。同埋呢個口味會甜啲，少左百香果個微酸味
🌟總括：打入我心目頭泰國菜頭三名，整體味道、質素、價錢各方面都好好，係要排隊時間長。基本上餐牌上嘅野都唔會有伏，可以放心盲點，但燒牛肉、沙冰必點！
張貼
