媽咪隨意屋 (已結業)

晚上七點多走在長沙灣的街頭，碰上了這家泰式食店，也許是疫情的關係，店內並沒有很多客人堂食，但外賣的也有幾人在等，決定就試一下這家。看餐牌時(相信是老闆娘吧)，用一對友善的眼睛和聲音向我們介紹不同的食品，順著介紹，我們就試了一湯粉一飯和一些串燒。總結，食物美味，價錢公道，招待友善。無得輸。。。直得推薦！！

長沙灣深水埗區不嬲都有好多又平又好味嘅美食，今日幫人補完習就係附近同朋友去咗依間係元洲商場嘅媽咪隨意屋👍🏻位置好方便，係C2出口行幾分鐘就揾到個商場，住附近嘅街坊應該唔陌生😆先講講店鋪，雖然唔算好大，但空間感係絕對足夠嘅！有高枱同矮嘅枱，仲有靠窗對住街嘅位置👍🏻一般去收銀點餐，叫number攞食物，但店員態度都頗友善，會主動將食物攞到去你嘅位😊依家餐廳仲會俾儲分卡，去咗5次送串燒，去夠10次送船粉！👍🏻我叫咗一個套餐（泰式牛肉船粉加荔枝梳打特飲），再點咗一份泰式牛肉丸配沙嗲醬。朋友就點咗泰式蝦球涼拌粉。牛肉船粉都幾大份同多配料，有肥牛片、牛丸、白蘿蔔、生菜、芽菜同邪惡既炸豬皮。河粉比較淋身同飽肚，湯底係偏重口味嘅，但加翻啲菜同河粉一齊食就唔錯！我個人對燒物比較滿意，建議大定趁熱食！牛肉丸燒完就咁食都好夠味，配埋沙嗲醬就另一番風味！