金麥泰泰國菜館

營業中

休息中

自從機場搬咗之後，大家都好似遺忘左九龍城呢個地方，咁啱開左屯馬線，地鐵過黎都好方便，所以我決定約朋友黎呢頭搵下食，最後選左呢間「金麥泰泰國菜館」，店內環境有點懷舊感覺，但勝在店員服務有親切感。套餐$381泰式生蝦新鮮，都夠大隻，個醬汁可以再辣啲更好。炭燒豬頸肉我比較喜歡食燒焦左的部分，燒得幾好，醬汁唔太濃味既。鮮蝦炒金邊粉甜甜地，炒得好乾爽，蝦爽口，啱食。小食拼盤(春卷、蝦春卷、炸雞、蝦餅、魚餅)春卷普通，蝦春卷隻蝦好爽好食，春卷皮好脆，炸雞比較乾，蝦餅好好食，魚餅普通。冬陰公湯香茅味夠，唔算好辣，濃味，凍左飲會覺得咸。咸檸七 $22Ok青檸梳打 $22Ok後記：店內有電視，大家一齊睇張家朗攞金牌，全場歡呼，好有氣氛呀😄

九龍城既泰國菜真係永遠無得輸！平時食開果幾間都太多人，誤打唔撞入咗呢一間金麥泰泰國餐廳，第一大驚喜係餐牌上嘅大部份菜式嘅價錢都非常合理！當晚，最最最想食既泰式生蝦！就係因為見到佢哋有先入嚟，真係好滿足呀！另外一個我個人必食就緊係咖哩，今次試左佢地既咖哩牛腩牛筋，依個咖喱偏甜都算幾香，牛腩牛筋都煮得非常之入味而且非常之軟，近乎入口即溶嘅感覺！好味！珍珠釀雞翼炸得好香，中間既糯米令到我覺得好飽但係都好食嘅！最後講埋個通菜，都好夠火喉！ 除左薄餅之後，本身真係無得輸。。。但個薄餅真係比佢個貌相嚇左一跳😂 而味道口感都麻麻地，好彩有咖喱可以點來食！總結呢一餐我都食得好滿意！我覺得下次可以再嚟呢一間食！因為真係價廉物美！

友人話請食飯，梗係佢話食咩就食咩啦～泰國菜哩個地區成行成市，競爭大，所以留得係到一定有質素。店員有泰國人，用少少泰國口音嘅廣東話嚟落單，額外有味道。泰式鳳爪辣味剛好,鳳爪彈牙。生蝦爽甜，蝦肉結實冇痴牙冬蔭功除咗辣，仲有淡淡青檸味，兩人份量已經有大量嘅菇同兩隻大頭蝦，足料到爆都係好味嘅沙嗲，醃料上味又燒得香拼盤一嚟就急不及待俾人夾咗幾舊蝦餅超彈蝦肉味道鮮美。炸物新鮮炸出難怪等唔切影相。芒果糯米飯係泰式必食甜品，芒果甜糯米軟，仲有咩好講。龍眼冰本人就覺得偏淡，可能冰太多，沖淡晒龍眼香。有二人餐加兩個小食，傳統味道冇閃失，下次再嚟試其他。

次次食都係朋友叫今次難得同老公仔黎撐台腳平時食泰國菜都得散叫呢間特別在有套餐台面乾淨平時我吾鐘意東陰公既味反而我呢個接受到燒豬頸肉 太硬平時泰國菜既芒果汁既鮮窄呢間咁岩比我見到佢間罐頭飲品倒落去拼盤 上面有兩條蝦春卷 平時出邊吾跟但入邊蝦係連尾 要小心泰式生蝦 夠大隻菠蘿炒飯呢個吾跟餐 個員工要sell你食個汁多啲就好喇全部加埋兩位$439