小曼谷泰國美食 (南角道)

營業中

休息中

之前去九龍城cafe 嘅時候經過見到都好多人幫襯，都想搵次嚟試吓。嚟之前當然有上OpenRice 睇吓佢啲食評，見佢都好多正評就即管試試首先網上訂位都好方便，仲賺咗$2積分添😆3個人準時到達，店裡面已經坐滿人，我哋都即刻有位可以入坐。店舖唔算大，大約容納30人左右。環境一般，都比較迫，地板有少少黐立立嘅感覺😅因為夏天冇乜胃口，都係叫咗啲簡單清淡嘅食，冇叫到咖哩呢啲重口味食物，叫咗啲乜？泰式生蝦刺身泰式鮮蝦柚子沙律泰式馬拉盞炒椰菜苗泰式燒原隻鮮魷泰式鐵板蠔餅青檸菠蘿沙冰泰式冰奶茶生蝦刺身同柚子沙律嘅蝦都新鮮彈牙。原隻鮮魷煮得時間啱啱好，非常爽口彈牙，一啲都唔韌，鮮甜好味👍🏻蠔餅同炒椰菜苗中規中矩，不過味道比較濃同埋油咗少少泰奶冰奶茶甜度恰當，跟足泰國口味，唔錯可惜服務一般啦，上菜速度非常快，其實未夠60分鐘我哋已經食完嘢，見第一輪客人又走晒未有新客到咪坐吓傾吓偈，不過其中一位女店員就已經馬上幫我哋清枱，又提醒我哋90分鐘用餐時間。心諗就算90分鐘，咁我都仲有30分鐘可以坐吖？🙄 總括嚟講所有嘢都不過不失啦。

今晚食泰國菜當然黎li間MTR一出就係嘅小曼谷食啦, 味道正宗環境坐得舒服, QR Code order好方便.🥢泰式鐵板蠔餅 我要熱氣!! 我要鑊氣!! 我覺得店家li個蠔餅一次比一次好食, 我地俾個鐵板嘅煙”攻😂”左好一陣勁有鑊氣好正! 佢邊邊嘅酥脆感係一大特色, 而勁多蠔足料又多蛋嘅蠔餅都係店家嘅特色, 幾乎每次都食.🥢泰皇咖哩法包軟殼蟹 首先個法包🥖勁鬆軟, 外皮焗得脆到咬落有聲👍🏻, 當我地切開裝滿咖哩嘅法包, 濃稠嘅咖哩爆裂地流出, li個係完全唔辣而且勁好味. 軟殼蟹好大隻外脆肉軟, 我地2個人食超飽, 強烈建議3-4個人開心share, 因為軟殼蟹其實有好多件.🥤芒果椰汁沙𣲙大大杯, 鮮芒果打成, 完全無話一口芒果渣, 必飲!!🥤泰式奶茶我揀左小甜想信怕太甜嘅朋友仔都可以放心揀小甜, 因為完全無影響到Thai Tea個種*重茶*重煉奶*花奶絲滑感嘅味道.🥢以平日夜晚7點半都有人喺門口等位黎講book位絕對係smart架🤭.

地鐵一出就係嘅小曼谷我地又黎啦✌🏻, 今次得我同老公2個嗌唔到咁多野食但都想食🤤, 雖然已經有得飛, 仍然好多人食.🥭鮮芒蟹肉炒飯啖啖都係芒果粒嘅炒飯真係好足料, 最like係炒飯次次都炒得夠哂乾身, 同埋半圓型地上碟感覺好大碟抵食.🦪泰式鐵板蠔餅必食蠔餅以鐵板ja ja聲出煙地送上. D蛋份量爆多, 口感鬆鬆脆脆, 蠔🦪勁多丫唔該, 而且唔係細細粒個隻呢!🥘泰式豬頸肉沙律地道Thai 辣個泰式酸酸辣辣沙律汁好正! 豬頸肉厚切, 燒到好有油香好好味, 最特別之處就係成碟都係豬頸肉, 撥開第一層都係豬頸肉🤣.🧋泰式冰奶茶, 芒果椰汁沙冰Thai Tea味道夠哂濃, 沙冰好rich! 每次都要order嘅特飲.

又來九龍城購物，午餐當然是食泰國菜。小曼谷就在港鐵出口，最是方便。這兒的午市套餐豐儉由人。小曼谷精選午餐由$48-$68不等，價錢親民。有炒飯炒粉和各式咖哩，選擇非常多。貴少少的有星級午餐，最貴都是$118。連軟殼蟹、泰脆豬手和羊架等都有得食。所有套餐都送湯和飲品，而且不用加一呢。泰皇咖哩軟殼蟹配蒜蓉包（$118）+  冬瓜湯 + 冰奶茶（+$3）咖哩和軟殼蟹分開上，軟榖蟹不會被浸淋，蟹好新鮮，炸得香脆少油。泰皇咖哩裏全是蔬菜，辣度輕微帶甜。我們把拌碟的新鮮椰菜也放入咖哩醬中，清新好味。蒜蓉包更是非常正，新鮮烘烤，夠蒜夠牛油又夠脆。泰式炒金邊粉（$50） +  冬蔭肉碎湯 + 冰奶茶（+$3）Q彈的金邊粉炒得有鑊氣，酸辣開胃，非常惹味。今天豪一豪，食翅！仲加多個蠔餅，金邊粉只好打包了。泰式煲仔翅（$98）我其實對魚翅無偏好，不過知道砂鍋魚翅是泰國名菜，就試一次吧。感覺是個湯底特別清甜，可能原因是在湯中放入了甜甜的泰式醬油吧。魚翅份量不算多，但整體好美味。泰式鐵板蠔餅（$122）蠔餅鐵餅上，香脆惹味，尤其是蛋味非常濃郁。蠔仔都好大粒新鮮。