18巷泰國餐廳 (已結業)

久聞SOI18 主打泰國東北菜，於是港島朋友一邀約，立即獻身前往。餐廳的裝潢寬敞明亮，客人並沒有太多，姐認為倒不是餐廳質素問題，反而是因為地理位置問題。也好，4個女人正需要一個坐得舒適亦不太吵的環境去說說八卦。服務員殷勤地介紹招牌菜色，最後，4個人4菜一湯一甜品，剛剛好！先來的是帶子沙律，帶子大大粒的，這個又辣又酸，有點覺得糟蹋了那新鮮爽口的帶子，但真不能說這做法是錯的，因為辣得過癮，大家都想多來幾只了。接著是生蝦，彈牙爽口不錯的，但那個泰式酸辣汁就非一般了，吃不得的朋友就要小心。湯品是第三道菜，意外地大鍋，而那花膠也十分巨型呢！每人有足兩飯碗的湯加一條大花膠，這個看到也覺得滋補了。燒雞送來時，已開始有飽肚感，但這個燒雞肉汁鮮嫩，配上糯米是很特別的，而且特別飽肚。最後的是炒河，配料十足、辣度驚人，可惜我們試了點就要直接打包起來了。黑糯米、白糯米組成的芒果糯米飯，這芒果糯米飯最好的地方是不太甜但椰香撲鼻，姐三二下就吃去半份了，說好的飽肚呢!?  而姐偏愛的是黑糯米，質地較實較彈且入口更香，若不是知道糯米難消化，都要霸著自己吃一整份了。飯後小知識：姐本來就好食好旅遊，由於東北菜特色明顯、風

饞嘴的我們突然想到泰東北菜的滋味，所以便相約在這晚來到銅鑼灣世貿的這家餐廳！突然變炎熱的天氣，如果是吃一些帶辣的菜式就會更開胃吧～不過首先來一個 - 椰青沙冰！幼細的沙冰有著清甜的椰青味說，很透心涼的喔荷蓮帶子沙律 ($168) - 看起來很美的前菜沙律。帶子的鮮甜由酸中帶辣的味道襯託。還有中間的香茅沙律，口感爽脆，辣度更重一點。泰式鮮蝦刺身 ($148) - 爽口鮮甜的蝦加上特製的泰式醬汁 ...感覺吃泰國菜就是一定要有這個才行～暹羅蝦 ($288) - 同樣是蝦，但這個的煮法和口感當然與前者不同。這蝦的口感結實，香蒜讓整體的味道有所提升～不過當然還是以酸辣作為主道。泰東北風味牛肋骨和味鍋 ($238) - 很豐富的味道。除了番茄外還有不少的菌類，入口會辣但酸味較為重一些。牛肋骨的肉質很柔軟，而且牛味亦很濃郁！怕靚牛尾 ($198) - 牛尾煮得很軟稔，吃起來甜香的醬汁也緩和了之前的辣。不過那蒜蓉包稍微有點硬就是囉 ... 香草粉絲焗蟹煲 ($398) - 一打開時看到那厚厚的粉絲大概有點嚇倒吧！吸收了蟹的精華，再加上香草讓粉絲更為惹味～但那份量真的有點多就是 ... 蟹也很大一隻，

又再次泥到食泰北菜芒果特飲 - $45叫特飲已經係指定動作,芒果特飲 維持到。 芒果味都係好濃, 相信都適合大眾口味泰式鮮蝦刺身 - $128去到泰國菜點都要食下生蝦刺身, 非常新鮮, 蝦味好重,中級辣度都好唔錯泰式燉花膠 - $398泰式砂煲魚翅 - $398今次試下兩種砂煲菜式,泰式燉花膠,泰式砂煲魚翅。老實講,這個菜很像中式菜, 但勝在足料。真係啖啖都係花膠魚翅真係抵食泰東北古法香葉包 - $88其實我好少食香葉包, 所以試試估唔到又幾特別,第一啖食落去好似無咩特別, 但慢慢味道開始滲出泥所以香葉包真係要慢慢咀嚼秘製黑椒炒蟹 - $398酸甜魚 - $238黑椒炒蟹屬於正常水準不過不失!! 酸甜魚有點驚喜,可以試一試。甜酸控制得好好,份量都好夠, 好好食蟹肉南瓜炒飯 - $128辣豆醬炒通菜 - $82通菜泰式炒法, 菜新鮮的,都可以!!!蟹肉南瓜炒飯,這個不錯, 蟹肉味好出! 慢慢食就會吃到好重蟹肉味道!! 外層的南瓜都可以吃!整個都係南瓜包飯!所以全個菜都可以吃的泰式香芒椰汁糯米飯 - $98泰式千層糕 - $58泰式椰汁西米糕 - $58泰式椰青大菜糕 - $58最後四個甜

一直以來都喜愛吃泰菜，一年總會安排自己去一次泰國，滿足一下自己的食慾。今次有朋友請食飯，就去了位於銅鑼灣的18巷泰菜！位於世貿的18巷，環境頗有情調，坐位舒適。燈光有情調，有懷舊風得來又不會使人感覺殘舊。Drink Menu有好多選擇，由於翌日要上班，所以唯有選擇非酒精飲品😭叫左杯雪裡香，內有香蕉及火龍果，兩者混合起來又出奇地夾！好好飲，不會太甜，好香香蕉味！由於朋友請客，當然食豪佢，叫左個沙煲翅一齊食！啲翅係一梳梳，好正！分左一小碗都好足料鮮蝦刺身可能大家都覺得好普通但要啲蝦甜而又無雪味係有難度！但呢度的鮮蝦刺身就做到喇！呢個蟹又係不得了，黑椒味濃，好香，一擺上枱大家都「嘩」，真係好香好大份！隻蟹好厚肉，好甜！除左蟹同黑椒吸引，蔥段都好入味！炒飯唔會太濕或太乾身，剛剛好！混合腰果同肉鬆同食，感覺不會太膩。係時候要食啲菜清清腸胃糯米飯有黑糯米飯同普通糯米飯，用的芒果香氣撲鼻但不算太甜，混合椰汁糯米飯一起食，甜度恰到好處！整體來說，質素很高，有機會一定再來。

上星期約了三五朋友去銅鑼灣食飯，有人話好耐冇食泰國菜，於是就在世貿中心搵左間泰國菜試試，店內環境舒適，我地點左幾個菜share 泰式燒牛扒，肉味較重，有咬口，香濃不油膩泰式燉花膠：口感膠質豐富，花膠夠淋身，用砂鍋煲住加入了蟹肉泰式沙煲魚翅：魚翅份量十足加入蟹肉一煲，鮮味十足泰式刺身蝦：新鮮蝦肉啖啖彈牙配特制醬帶出鮮味辣豆醬炒椰菜苗：幼嫩的椰菜苗，爽脆可口酸辣汁原條蒸魚：魚質嫩滑，酸酸辣辣，絕對不比中式蒸魚差，另一風味辣酒茄汁蝦：用上新鮮遊水蝦制作，咬開蝦殼，飽滿蝦肉濟出，肉質口感非常彈牙秘製黑椒炒蟹：糕蟹夠份量，蟹蓋爆糕，黑椒炒得入味，色香味俱全Cocktail Special：Pina Colada：椰子+波蘿+酒精Mai Tai：泰式特飲（有酒精）泰式椰汁西米糕：西米糕混合椰香，口感軟糯彈牙泰式香芒椰汁糯米飯：芒果新鮮香甜，糯米較軟身，紫糯米較硬身，適合不同人士喜好，椰汁帶著重重的椰香

近排好多朋友仔去泰國, 攪到好想食泰菜^0^.又冇得飛去食, 又唔想到九龍城.  就試呢間在世貿的 SOI 18. 唔錯喎, 環境舒適, 坐位寬敞.啱啱做緊 '白酒放題' $88 任飲, 聚餐一流~今晚5個人, 叫左以下野食, 大家滿肚而歸, 很滿足啊^^1. 雪裡玉, 是一柸沙冰, 荔枝味略淡, 但火龍果味很清新突出。外面很少飲到是火龍果味的飲品, 好解渴, 感覺很清新啊.2. 泰式沙爹雞串, 雞肉 juice, 多汁，不濃不淡，味道不錯。3. 泰東北燒牛扒青木瓜配糯米飯, Wow 牛扒好嫩滑啊, surprise + 水準之作.特別之處, 是配上一小袋熱辣辣的糯米飯，原來是要自己用手一粒一粒的搓出來食，很得意喔。 配上自家特別調制出來的醬汁. 味道天衣無縫的夾啊~4. 泰式砂煲魚翅, 超多翅，是一排一排的，加上芽菜中和番。 忍唔住食左2碗了，哈哈 !5. 泰東北風味牛肋骨和味鍋 , 很足料, 有好多牛肋骨啊.  牛肉入味, 唔韌.  6. 怕靚羊腩, 呢個咖哩汁底, 非一般出面食到的.  有最喜歡的菠蘿片, 味道清新開胃，加上羊腩不騷，好好味啊~7. 辣豆醬炒椰菜苗, 新鮮的椰菜苗

講起泰國菜，是色、香、味俱全的，也一直是香港人最鍾愛吃的東南亞菜的首位，我就是其中一個愛吃的人。在香港要吃泰東北菜，又不是太多，最近比我發現18巷就是由泰籍的泰東北人士開的餐廳，所以一定是最正宗，而質素也保證。夏日炎炎吃些惹味冷盤也是一個不錯的選擇，可降降溫之效！這道泰式的鮑魚非常新鮮彈牙，入口不韌，配搭洋蔥和沙葛，好清爽的感覺，絕對起了開胃的作用！做出口味地道、材料豐富的前菜沙律。燒牛扒是泰北菜必吃的小菜之一，伴上糯米飯和沙律一起吃，真夠創意。想不到泰式菜也有牛扒，而且做得唔錯，牛扒燒到外面好夠香，而內裡的扒肉仍保持粉紅色，加上調配的辣味醬汁更加做出非常入味的效果。配咪青木瓜一起食，可以做到唔太辣，出嚟效果幾好。香草粉絲焗蟹煲，味鮮料足，屬店舖的招牌菜之一。蟹啖啖肉，粉絲軟硬適中，煲底加有大量蒜茸和蔥頭，甚為惹味。隻蟹超巨，成個煲咁大，綿密蟹肉，濃厚蟹膏，實屬難得。講到泰式甜品，就一定要選香芒椰汁糯米飯，用泰國芒果，果肉夠香甜，糯米飯口感又煙韌，甜度點到即止，只不過有點唔夠喉啫！芒果特飲其實是芒果雪冰，材料簡單，鮮香芒果加雪冰製成，冰涼解渴的醒胃特飲。朋友飲的香蕉奶昔加入低脂奶、蜜糖

人生除咗食，仲有咩意義呢？減肥！ 減完又食， 食完再減！呢個月其實食咗好多間嫁喇，增磅唔少！所以今次去食啲辣野中和番，同辣下啲脂肪先！今日放工同啲同事食飯，同事推介呢間泰式餐廳，話啲款式幾特別咁喎！係出面未必食到嘅菜式嚟喎！ 所以我哋一行八個人都幾期待佢究竟有咩咁特別！去食泰國野緊係唔少得生蝦刺身啦！賣相都幾靚，蝦都頗大隻！有一點做得幾好就係佢無用冰 冰鎮住啲蝦！我食過咁多次泰國野，都只係得一間好似佢咁！所以呢間餐廳印象分即加！因為佢係成盤雪入雪櫃嫁，所以唔會因為夏天熱，冰溶得快而滋生細菌！ 咁樣衛生好多！另外佢個醬汁無用一般嘅紅色果種泰式醬汁，佢呢個汁唔係太辣，少少酸味，配搭生蝦唔會搶哂味！唔錯通常食泰國野都會有生菜包，其實每次都食都幾悶下！但又通常地一般店舖又無其他類似嘅款式揀喎呢度就有啦！！！！豬頸肉沙律！豬頸肉肉質厚，唔韌，好香豬頸肉獨有嘅味，而且醬汁酸美美，非常開胃，一整塊肉包入生菜，唔怕好似啲碎肉咁周圍跌！讚！推介！除咗豬頸肉沙律， 呢個豬軟骨生菜包都特別！首先佢係以自助形式上碟，配料有花生，辣椒，青檸，洋蔥，薑粒。本身個豬軟骨已經有味兼炸得好香脆，包入配料食呢個做法好新鮮

最近捉精靈成為香港人的熱潮，平時人流高的地區變得更為寸步難行，在銅鑼灣無論是sogo正門還是駱克道那邊都站滿手指從下而上掃手機的人，這夜好不容易才來到較少精靈的世貿。我家那位約了朋友吃飯，嘿，真正身份也是精靈訓練員的我也跟來了銅鑼灣，而最後我們吃的是泰菜。雖然是泰菜餐廳，卻沒有很泰風的裝潢，對於一些對神像抗拒的人來說似乎會坐得舒服自然一點？由於朋友早就吃飽了下午茶，所以點菜還是以我倆的食量行先。香蕉奶昔 $45近期好像每星期也會喝得到香蕉飲品，而這天選的香蕉奶昔，口感稠滑，蕉味香濃，不錯喝。木瓜奶昔 $45我家那位則點了木瓜奶昔，本身不嗜木瓜的我呷了口覺得味道比香蕉版更香濃，不像對水果那樣抗拒。泰東北燒牛扒青木瓜沙律配糯米飯 $218木瓜沙律與糯米飯是泰菜最不能或缺的兩種食材，而這道能一次過滿足雙重味道的沙道可說是滋味十足。炒香的蝦乾與青木瓜及其他蔬菜拌勻後，香口之中吃出清新氣息。至於以竹籃盛載的糯米飯應該是伴甚麼吃的呢？個人則選擇與燒牛扒同吃了。蘸了點秘製醬汁的條狀牛扒與糯米飯同時間咀嚼，既有牛扒的嫩腍肉香，也感受到糯米飯的煙韌軟糯，口感立體。泰式燉花膠 $398有兩個女生嘛，燉一盅

忙裡想偷過閒～就找了天晚上相約朋友~誰知她說想吃泰菜就找來這家 (::^ω^:其實這家之前我也有來過，不過之前來的是下午時間這次客人倒是多了一些外國遊客呢。幸好朋友有訂位，所以一來到便可以入座今次也點了一些上次吃過的~其他就找給朋友決定好了天氣實在太熱了~幸好先來的是 香蕉奶昔 ($45) & 木瓜奶昔 ($45)我點的當然是後者吧～木瓜味濃郁，但冰好像多了點~反倒是奶的份量好像不是太多?!不過就解暑來說倒是不錯 (╹◡╹ლ)泰東北燒牛扒青木瓜沙律配糯米飯 ($218)大概沒有燒得全熟～燒牛扒的肉質很嫩口～味道亦濃。若果覺得不夠還可以沾旁邊的醬汁呢另外青木瓜沙律酸酸澀澀的很開胃 ( ≧∀≦ )雖說是沙律，但也可以說是一個餸吧~因為這個有配糯米飯！泰式燉花膠 ($398)這個是上次有點的～今次終於記得趁還熱的時間落芽菜。雖然沒那麼生，但還是不太喜歡花膠還是很大片，也有冬菇那些材料~味道濃郁之外～對女生來說也可以養顏吧?!但個人說比較喜歡花膠再稔身一點。質感的話也算黏口呢~原條明爐蒸魚 ($208)這個魚一直用火保持著一定的溫度～但魚肉吃時還是很嫩滑 (●´∀｀●)基本上都是專攻魚尾的部份

浩浩蕩蕩一行8人預訂了枱到這間泰東北特色餐廳食晚飯，好彩訂咗枱，去到已經見到高朋滿座。好難先約齊人又夾到時間，今晚要食好D!《泰式鮮蝦刺身 - $118》食泰菜必叫的泰式生蝦，這裡的秘制醬點少少都好辣，但辣得嚟又好惹味!《泰東北特色“NHEAM”豬軟骨 - $118》第一次食生菜包係包炸過的豬軟骨，除了生菜及豬軟骨，配料還有花生、生紫洋蔥粒、生薑粒、青檸檬粒、小辣椒(這個朋友食咗話勁辣，我都唔敢試)。除咗小辣椒，我將其他配料包在一起吃，味道又出乎地夾。《香辣豬頸肉沙律 - $128》推介! 魚露的少少酸，包生菜食，很開胃!《泰式燉花膠 - $398》泰式魚翅就聽得多，都係第一次見有泰式燉花膠，友人一早預訂了，今晚有口福咯~花膠有手掌咁大，啖啖彈牙花膠，全枱朋友都心心眼。我喜歡這個是湯底狀，而唔係羹狀。《曼谷咖喱炒蟹 - $388》這個咖喱汁實在很好味，好味到大家都要再叫多幾份酥皮沾汁食。膏蟹肉多，膏又多，推介!《酥皮 - $28》就算唔叫咖喱食，都建議叫這個酥皮，實在太鬆化!《干咖喱榴蓮燴牛展 - $168》第一次食用榴蓮煮的菜，店員介紹我們試試這個用半生的榴槤果肉煮的，食時還要跟牛展

最近都食過幾間泰菜, 覺得呢間都做得好出色. 去泰國一定會食魚翅, 但環保所以呢間泰菜店主用同樣都是貴價貨既花膠, 花膠對女性更加好, 美容護膚, 食感有滑溜彈性又好食, 所以一定要黎食.裝潢以紅色及金兼色為主, 通花透光裝飾牆身, 美觀又帶有特色, 座位寬闊又舒適.椰青特飲 $50, 有別於一般既椰青飲品, 餐廳用椰青水, 椰肉......等等材料, 打成沙冰.夠哂冰凍, 而且食到好多細碎椰青肉, 好香好足料. 芒果特飲 $45, 用新鮮芒果肉打成既沙冰, 幼滑香甜, 奶味同果香都同樣突出.泰式鮮蝦刺身 $118, 傳統的泰式生蝦, 肉質結實好爽口, 沾上香料酸辣汁好開胃醒神.呢度既生蝦比較凍, 更顯爽彈.提供3款醬汁, 可以配搭小食拼盤.18巷拼盤 $188炸蝦餅, 好香口, 外層少少脆, 蝦餅好彈牙, 而且好大粒, 啖啖肉. 沾甜酸醬一流.魚餅, 魚餅好重香料味, 食到香茅味好重. 魚肉不腥, 但就食唔出魚味, 因為香料太重啦. 不過肉質唔差, 不乾不硬.泰式豬頸肉, 好好食. 豬頸肉味道濃郁好爽口, 燒得好香, 微辣又惹味.蟹肉栗米餅, 少少彈牙, 蟹肉味唔算突出, 反而栗米清