泰基隆

營業中

休息中

午餐兩個人$96，有lunch set 大概都係45左右既價錢，包飲品一杯，凍飲加$3🥂🧃叫左泰式肉碎炒飯，我平時食得辣都食到佢d辣味，不過係好食既😋🌶飯底會有塊生菜墊底，食完個飯仲可以清一清個口🥬之後叫咗個滷水無骨鴨肉飯🦆🦆，啲鴨肉要連埋陳皮食會覺得好滑，有層次d。另外佢仲配備左啲泰式辣醬，好食😋🦆啲鴨肉冇牙都食到，好淋🗣低糖洛神花茶，因為要凍 所以加左$3泰式奶茶🥤不過不失有低消，不過都正常既。法例下而家每枱只可以有2個人。係店內有貼🍎日報，💛💛💛每一枱仲準備左酒精搓手液超級貼心👍🏻👍🏻🥰💕老闆同員工都好有禮貌👨🏻好nice

聽人講深水埗基隆街好多好嘢食，今日嚟呢度搵下食先， 搵到呢間食泰國嘢， 佢門口好隱蔽，即管一試。我叫咗個海南雞飯， 海南雞係無骨嘅，雞肉嫩滑，啖啖肉， 配上油飯，雖然唔係好健康，但係就好香雞油味。朋友叫咗個泰式炒金邊粉， 我食咗幾啖，入面有雞肉、芽菜，豆腐乾， 甜甜酸酸幾好味， 而且唔似一般炒粉咁油，唔錯!午餐送洛神花茶，聽聞話可以降血脂，酸酸地幾好味。呢度午餐價錢都係四十幾，茶餐廳價錢，下次再試下其他食品先!

今晚同fd行完鴨寮街，有d肚餓問吓佢食唔食飯，佢話好，一於尋食完先返屋企行到基隆街見到有間泰國菜就入去試吓睇見牆上和餐牌好多選擇我哋叫左個泰式拼盤、泰式蝦膠炸皮蛋、泰式海鮮炒飯，另外老闆推介我哋試冬蔭公餃子，就即管試吓先我就另外叫左杯洛神花茶。係未有得食既時候，侍應送上杯洛神花茶，入囗酸酸尾尾，甜甜哋幾醒胃等左大約二十分鐘左右，就送上老闆推介既冬蔭公餃子，感覺到係新鮮熱辣炸出來因入囗感覺到好熱，外皮脆咯咯，內裏好足料，好香香茅味，正宗冬蔭公感覺，幾辣幾嘢味點個醬汁又另一種味泰式拼盤（雞棗、扎肉、炸蝦餅和春卷）樣樣都熱辣辣，蝦餅又脆又彈牙，點左泰式酸甜醬和柚子蜜糖醬，錦上添花泰式蝦膠炸皮蛋，外層蝦膠香脆彈牙，內裏皮蛋軟滑甘香泰式海鮮炒飯，冇其他冬蔭公、蝦膏、馬拉盞炒飯噤香口嘢味比其他炒飯清淡d份量都幾大碟，海鮮有大蝦、魷魚和青口最後埋單$358，俾錢時問老闆大廚是否泰國人，佢話我哋知係正宗泰國人