Mee...lemongrass (已結業)

放咗咁耐假，今天比較有自己時間，就出咗銅鑼灣攞返之前喺綱訂咗的廚房用品，好唔開心呢件貨攞時先至要自己去配膠水先用得，雖然專登出嚟攞點知無用，阿囡剛喺金鐘話同我食午餐，我攞完搵地方行等阿囡，見到街上有人派咗將廣告，喺一間食馬拉菜，考慮咗好耐又唔知食咩，等到阿囡嚟就去睇下，我見價錢都唔平一個午餐都連加一差唔多一百蚊，好少餐廳午餐會加一又喺閒日，我覺得去滿屋食放題好過，但阿囡話行到嚟就試下，將單張又有手爪餅送，就入去點知都等咗半個鐘，中途都諗住轉元氣，最後都係入咗去，叫咗個炒貴刃同無骨海南雞飯，好失望唔好食但一個午餐叫做多嘢，我個雞飯有菜，湯，前菜，甜品同一杯普通飲品

友人安排左食呢間同我慶祝生日，好有心。大家啱啱蒸完腳好餓，拿拿聲叫左一堆野食。食物上得好快，我地都食得好快，首先食海南雞飯，啲雞斬得唔好痴住哂，但味道ok，個油飯一般，有啲硬，呢排戒左菜，食菜嘅任務由兩位友人頂上，個油菜佢地話唔好食，但個例湯就好味。然後試緬甸咖哩，出奇地好味，牛腩唔硬，加埋鬆餅一齊食相當唔錯！再試埋煎蠔蛋餅，唔係好食到有蠔，但以煎蛋黎講都幾好味！食食下發現碗喇沙擺左好耐唔記得食，入面有油麵mix米粉，油麵唔好食，好重梘水味，但湯底都正常。最後叫左印度拉茶，睇住佢真係拉到好高，友人都大讚好香茶味，好出色！

親愛的他來接我放工，餓到喊所以見到有間合眼緣嘅餐廳就坐底左銅鑼灣地區黎講，哩度定價算平！而且好服務，食物份量唔少，仲要好味！真係好值得推介！$74嘅海南雞飯，有菜，有湯，而且雞嘅份量唔會膚𧗠了事，good! 海南雞整得好滑，仲有菜同花生伴碟，好味湯係東瓜湯，唔太咸，清清地唔錯美中不足係佢跟嘅海南雞飯唔係傳統的黃油飯🤔食越南嘢當然要食下撈檬，所以就叫了哩度俾嘅份量真係一啲都唔嗇色！豬勁肉俾咁多件而且又襯埋檬粉加埋個汁，一流！哩度甜品嘅價位都好平！真係樣樣都想試！以前讀書留學都會成日有機會食到正宗馬來西亞食物，哩度嘅Roti Tissue 真係整得似模似樣！皆因佢哩度真係請左專人即叫即整！真係好有水準！上面淋滿煉奶同花生碎！唔洗俾佢個樣嚇親！皆因佢個食物本身係好薄身，2人食完正餐再食都唔會怕食唔晒咖2個人喺銅鑼灣食，仲要加埋一都係$202 好抵食！會再黎幫襯的！

一路都好想食泰國野，不過我唔食得辣😭見呢間餐廳有好多唔辣既選擇，啱晒我😍仲有我最最最最想食既喇沙！✨6 點9黎到已經好多人，好彩都係等幾張枱，等左大約20分鐘就有位喇。如果唔想等真係要六點半前好黎喇。環境好開揚，側邊係open area , 不過好彩枱與枱之間都唔算好迫，侍應仲比左張櫈我擺袋，very nice👍🏻。✨等食嗰時先睇吓門口嘅主打menu先✨好別緻嘅公雞碗😛✨mee..魔法梳打👎🏻： 叫少冰都係好多冰，本身藍色係碟豆花，其實係無咩味既。之後加左杯檸檬汁，就會變左紫色。成杯野其實得個酸字 😖係個底d 椰果最好食😂，所以下次唔會叫。✨招牌無骨海南雞飯（$74): 個雞幾滑，肥瘦適中，最正係個酸辣汁，係咁點，超正😍。伴碟d 酸蘿蔔我都好鍾意。個飯唔係好似油飯，不過係有味飯，就咁食已經好好食，帶點薑味。個湯有蓮藕花生，好飲但幾濃味，感覺重味精。✨Mee..喇沙（$84): 期待已久，見到賣相已經好興奮😍。超多料，魚蛋，大蝦，蜆，魷魚，蛋，蟹柳，全部打孖上。魚蛋好彈牙，蟹柳都係靚貨色，隻蝦仲好大隻同鮮甜😍。面頭個醬有d 乾蔥，幾香但好辣。湯底椰味香濃，不過對於唔食得辣嘅我黎講都幾辣，