海街丼 (海光街) (已搬遷) 新店位置

認識我的朋友也知道我鍾意食日本野，早前去了友人就介紹了一間位於鰂魚涌以食丼飯為主的海街丼. 一見到海街丼的店內設計，令人有身在日本的感覺. 我特別鍾意店內吊燈，令店內變得昏暗一些. 除了丼飯外，也有前菜，小食和料理選擇. 我選了日式凍辣蕃茄作為前菜. 賣相相當精緻. 師傅已細心將蕃茄切成一件件，方便客人進食. 帶點凍和微辣的蕃茄，入口幾清新，又醒胃，令人感覺舒服，好適合依加天氣食. 主菜選了海宝天婦羅丼. 還有前菜和湯. 份量不少. 當中有各式各樣的天婦羅，包括甜蝦, 烏賊, 甘薯, 海苔, 南瓜, 冬菇, 唐辛子等，非常豐富. 炸粉夠薄身，不會太厚粉. 入口時也不會感覺太油膩. 蝦肉質幾彈牙，烏賊肉質帶有口感. 色彩繽紛的蔬菜起中和作用. 飯是用日本米煮成，質感較黏身一些，這是我鍾意的口感. 對於我來講，天婦羅和飯係最佳配搭. 能夠在充滿日本風的食店品嚐美食，真能夠消除整天工作的辛勞.

近排工作壓力大，放工一定係搵朋友食好野減壓！今次揀左港島區，聽朋友推介，啲海鮮係日本直送，十分新鮮，試一試係咪真既先！海宝丼。聽店員講解，有一碗好似啫喱既係壽司醋果凍，可以跟自己喜好加落丼入面。而旁邊仲有支保溫瓶，入面係魚湯，食到最後加入丼變茶漬飯。聽完覺得好抵食因為食到三款唔同味道既丼首先唔加任何野，食丼既原味，不得了，好鮮味！有好多魚生但都食到唔同鮮味，好勵害。之後有加少少壽司醋，變左好似食壽司咁，鮮味無咁直接，有點小清新。最後就是加上魚湯，變左茶漬飯之後魚湯變左主要味道，濃濃既魚味加上熟左既海鮮，雙重鮮味又係另一風味。最重要係大家鍾意食邊款就食邊款，食多食少自己去選擇，唔同人都滿足到。海宝天婦羅丼。新鮮海鮮係佢地特色，但呢款天婦羅都唔差，炸粉唔厚，另外天婦羅汁係店家自製，味道同天婦羅好夾。不過個海宝丼實在出色，令個天婦羅丼比下去有點失色。

今晚相約姐妹到鰂魚涌搵食，見到有一間賣丼飯的料理店門面裝修得幾特別，充滿和式感覺，就決定入內一試。店內面積不大，但勝左環境舒服，都好適合傾計，而且天花掛滿烏絲燈膽作裝飾好有格調。menu好貼心，有齊中，日，英三種文字，餐廳以丼飯為主再加當日新鮮刺身。我同姐妹商量後決定叫即日三款剌身~海宝天婦羅丼~海宝丼。三款剌身帶子好爽口好鮮甜，章紅魚和真鯛一食就知好新鮮，完全無雪味，果然係由日本直接運到香港，無經過急凍，鮮味十足。天婦羅丼我叫嘅主角天婦羅丼，好有驚喜，有蝦，茄子，南瓜等等，好足料比方間足料好多仲有得免費加大個飯。侍應仲介紹個天婦羅汁比較濃味，我一點黎食完全同平時岀面個啲好唔同，我都係第一次食，個汁比較濃甜，好襯托到天婦羅，天婦羅炸粉薄又脆，正😋同個汁簡直係完美絕配，推介。啲飯原來仲有啲醬汁又係甜甜地好夾，最後食到飽晒好滿足，值得推介👍大食嘅朋友呢到仲可以免費添飯添湯，一定食到飽一飽。整體而言呢間丼飯係有水準，姐妹話海鮮丼都好好食，可以下次同老公黎試，呢個價錢唔算貴，值得再黎。