紅磡雞蛋仔

營業中

休息中

✨✨掃街系列✨✨❤️淨芒果班戟 HK$19從中學到現在每次經過都一定買他家的班戟吃，這麼多年仍屹立不倒是原因的！老闆人很好，每一次都會給滿滿的芒果🥭而且都會說最緊要大家開心！所以哄得三歲至八十歲的朋友們都會來光顧他😊人不只好，食物當然更好！班戟即叫即整，塗上一層薄薄的沙律醬再鋪上滿滿的芒果🤤拿起來吃還是熱騰騰，班戟鬆軟得來又有彈性！加上大大粒芒果肉充滿口感🥰未試過的朋友一定要吃喔推薦程度:⭐️⭐️⭐️⭐️⭐️

之前行過成日都見到好多人排隊，但每次都係食飽左野先經過，今次難得未食野，就當然要試下啦見到個個都推薦淨芒果班戟，唔洗驚選擇困難症，直接order左個淨芒果班戟一試究竟。伯伯人好nice，邊整班戟、雞蛋仔、格仔餅，邊同食客傾下計，重點係記到邊個要邊樣，勁啊！哩啲可能就係小店既人情味掛雖然門口有好多人等，但叫左冇耐，就有得食啦！睇相好似冇人地果啲咁澎湃，啲芒果未至於多到跌出黎。但其實食落覺得芒果份量都幾多，好大方，真係要小心食，唔係既話會跌曬出黎。班戟係厚實既班戟黎，食落質感軟熟，佢唔似熱香餅咁食落得陣風，有咬口既，同埋散發陣陣蛋香，正芒果食落去啖啖肉，係無渣既。大部份芒果都夠熟，香甜，但有一兩舊就酸酸地，但可以接受，都好食既白色既醬係酸酸地既，我估係沙律醬。有人會覺得加左沙律醬都幾match，我個人黎講就覺得個沙律醬既酸會蓋過左芒果既香甜同班戟既蛋味，下次再食我會叫走醬。我欣賞個班戟既厚實質感同食落有蛋香、軟熟既口感，下次會想試下原味既，可以單純咁享受佢既濃濃既蛋香格仔餅同雞蛋仔都好想試下雖然價錢唔算好平，但都接受到。作為一個驚肥既人，會想繼續試啲高卡格仔餅同雞蛋仔，就知味道係唔錯同值得