善茶 (已結業)

食完晚飯，好剛剛想搵啲嘢飲，見到呢間鋪面佈置好有香港味道嘅奶茶店，就停低睇下個Menu。全部飲品都係用港式香滑奶茶做底嘅，諗左一陣就叫做杯香滑珍珠奶茶試下。港式香滑珍珠奶茶茶底真係又香又滑！推！

今次唔係香港終於有手信，喺香港終於有港式奶茶加珍珠嘅鋪頭啦！身為奶茶愛好者嘅我，一直等都等唔到港式奶茶加珍珠呢個配搭，一到諗住自己買杯奶茶返嚟再自己煮珍珠去滿足我嘅私心，所以呢間鋪頭一開就真係要即刻去試！整體來講，佢呢度嘅港式奶茶底的確唔錯，聽說店主係跟香港奶茶和學過藝，飲得出係有水準同埋茶底非常濃嘅奶茶。店主都係因為好想飲啲兩個配搭擺埋一齊嘅飲品所以先自己開間鋪頭，但係我覺得佢呢度嘅珍珠有啲硬，可以再諗啲。不過另一杯叫咗港式奶茶加仙草，呢杯好好飲，仙草嘅甜啱啱好，而我哋又帶咗奶茶底係半糖，成件事唔會太甜而且飲得出仙草本身的味道，唔會蓋過，欣賞嘅而且一定會再黎飲。

平時寫食評就多，但寫咁平就真係第一次！🤣不過今日咁岩行過呢間新開嘅飲品店，真係令我覺得幾驚喜🤗所以忍唔住要同大家分享下好東西😋位於K11隔離呢間新開嘅善茶，主力sell返港式奶茶，起碼唔使一味飲台式飲品！其實吸引我行埋去鋪頭嘅理由，係因為佢門面嘅裝修🤣有啲60年代涼茶舖又溝少少街市feel，玩味幾重😂價錢又唔係好貴👏🏼叫左個港式珍珠奶茶（少甜）☕️個珍珠煮得剛好唔會太硬或太淋，港式奶茶個茶濃啲配花奶又滑啲，最重要係冇台式既咁甜！啲珍珠食落都幾好趙口，但又唔會令你覺得好飽肚！男友少飲奶茶，就叫左檸檬🍋椰果蜜😋估唔到呢個配搭都好有驚喜，檸檬酸酸地醒神得黎配返蜜糖同椰果就剛剛好，椰果切左幼條裝口態幾好wow! 大熱天時飲感覺好refreshing🌞等飲品既時候發現原來你每買一杯野飲可以問店員攞一蚊放入捐款箱，所以舖頭叫「善」茶！雖係gimmick，但都睇得出老闆幾有心意🤤🤗