復興行

營業中

休息中

還以為要企街邊食塵邊嘆小食，原來轉彎內在雅座，而且不是只有墨魚或魚蛋，發現大量不同小食及即食麵等等呢，仲有大澳名物、海味、乾貨、零食售賣。滷水大墨魚，游水活劏鮮甜無得輸！有墨魚鬚有墨魚身，厚厚的身，粗粗的鬚，同樣炆得非常軟塾，不彈不爽不嚥韌，滷水不濁，清新芳香舒服。首創即食魚肚，首次咖哩汁配魚肚，有趣新嘗試，辣辣咖哩汁我極為喜歡，爆肚炸魚鰾勁香口兼超級索汁，爽爽脆脆最美味。特大爆趣魚蛋，索索聲的巨魚蛋，不彈牙亦無魚香，質地假得很，味道平凡全靠咖哩汁。手打大墨魚丸，跟魚蛋質地十分相似，只係較黏牙較膠質，食得到墨魚肉及墨魚味。

🇭🇰復興行·滷水大墨魚 $60手打大墨魚丸 $18/2粒 l 特大爆趣魚旦 $14/2粒因為我地上次食完超中意呢間 所以今次我地再翻兜啦🤩🤩佢個大墨魚真係滷得超入味 墨魚肉好彈牙 完全唔會韌 而且啲軟骨都好有口感😍之後佢個大墨魚丸又係超彈牙 而且真係好多墨魚 唔會淨係得粉 之後個魚蛋都好有魚味 食落超級真材實料😌😌·📍大澳永安街4D舖·#rbyeat #rby好去處#rby港式 #rby甜品飲品#rby大澳 #rby大嶼山

趁假期，適逢大澳有燈飾，即刻同友人入大澳遊玩。一到大澳，已經見到《復興行》嘅大招牌，聽聞佢地嘅滷水大墨魚好出名去，即刻衝去買黎試試🤤。一碗60蚊，感覺上偏貴，大概有15-20舊嘅墨魚，咩部位都有啲啲。墨魚十分爽口彈牙，唔係「淋淋」嘅口感，滷水味唔係太濃。

聽聞滷水大墨魚係大澳著名小食之一，行混全大澳咁滯淨係見到呢間有得賣。雖然好多烏蠅飛過，都決定幫襯。一碗賣$60，都唔平，不過無得揀，即管試試。店員將大墨魚剪細至一口大細既一舊舊，放滿一個碗。大墨魚都幾爽脆，算新鮮啦，不過滷水味可以再濃d，而家唔係好入味，要點多d滷水汁食先夠味。店員服務好好，仲建議我地拎住佢d大墨魚影相。咁好客嘅服務，一定要俾個笑臉佢啦。原來裏面有位可以坐，正啊！可以坐低休息下，又唔會趕人走。

滷水大墨魚 $60佢係一落左巴士行入大澳就會見到既小食店😛佢D墨魚真係超大型 經過幾乎個個都對佢有興趣 但係$60一碗令超多人卻步🤭🤭因為我男朋友超中意食 所以我地都買左一碗😈超好食 佢係完全唔會un 滷得超入味 墨魚肉本身好彈牙 而且連住好多軟骨位好好味😍佢D蘇就更加有咬口 口感超正 雖然真係有D龜丹溪我覺得都值得試下 同埋佢都算大碗既 兩個人食都好滿足🥰·特大爆趣魚旦 $8/粒 $14/2粒呢個都係同一間買既 聽到老闆話佢D與但全部都係用魚大 完全無落粉 好似好legit咁 我地就買左一粒黎食😌超級滿意 佢係真係超級彈牙 好有魚味 食落超級真材實料 我自己覺得佢仲好味過長州大魚蛋添🤤🤤·📍復興行(大澳永安街4D舖)

深知大澳美食多，所以今次週末半天遊留定肚，中午一點半出發抵達大澳先醫肚掃小食。由東涌站乘坐11號巴士去大澳，車程花了50分鐘。落車行到街口就見到復興行小食店，超大粒魚蛋和滷水墨魚相當吸引，朋友之前食過話大魚蛋味道普通，亦見在場不少食客都只係拎住碗滷水大墨魚，所以最終買左碗滷水大墨魚。滷水大墨魚 $60一份有十幾粒墨魚，墨魚粒切得厚身大大粒好有嚼口，口感彈牙非常新鮮，墨魚滷得較淡反而食到鮮味來，細細碗有啲貴但又幾好食，地道野值得一食。

今日同屋企人一家大細去左大澳一日遊，一落車行入去就見到呢間復興行。我俾呢到既大大隻墨魚吸引左，加上長長嘅一條排隊龍，吸引左我排隊去試一試。排咗大約都有15分鐘左右，終於到我啦，雖然＄50一碗仔確實係幾貴下，不過一場黎到，梗係要試一試地道野啦。滷水大墨魚，滷水味非常重，非常入味，墨魚爽口超彈牙。真係後悔只係買一碗咁少，食咗兩、三件就食哂了。呢度除咗有滷水大墨魚之外，仲有大大粒魚蛋同埋大大粒墨魚丸，下次真係可以再試吓佢。

難得來到大澳行下，一落車最近就係呢間小食店，離遠已經聞到好香的墨魚味，行近D睇，嘩， 咁大隻滷水墨魚都係第一次見，一於試下，$45一碗，滷水汁比較偏淡， 唔會搶咗墨魚的鮮味， 墨魚好正， 咁厚切的墨魚都係第一次食，墨魚味好濃，而且不太韌。 之後，見隔離間豆腐花店無開， 咁就索性係呢度坐低叫碗凍豆腐花， $15一碗，唔夠凍，豆腐又普通，食完唔會再有下次囉。