稻埕飯店 (V Point) (已結業)

我阿姨超級鍾意食豬大腸 個friend話呢間台灣野坐得舒服而且豬大腸幾好味 所以就帶佢嚟試吓(但其實我係唔食既…係咪好孝順😂)多數食台灣嘢地方都好細 呢間餐廳都幾寬敞同埋裝修得幾靚 真係坐得幾舒服一黎到梗係嗌左碟大腸孝敬下我呀姨先 都算大碟 佢話好好味 外皮脆脆地 入面就煙煙韌韌 冇腥臭味 唔難咬開 佢自己一個勁快就清晒🤭之後再叫左碟黑松露柯仔煎蛋 份量足 有淡淡既黑松露味 我自己鍾意唔太濃既黑松露味 所以覺得恰到好處 蚵仔好大隻 但好似唔夠香 夾埋d蛋食都唔錯 蛋味好香食台灣野我必叫滷肉飯 太鍾意食😛 個汁香既 但如果d肉多d肥膏就仲正! 隻糖心蛋好鬼正 好甜 蛋黃又香之後仲叫咗兩杯飲品 玖瑰蘋果冰沙奶蓋 好好飲 必點 我平時唔飲奶蓋 所以走奶蓋 d蘋果粒唔錯 擺左好耐飲到最後食既時候都重好爽脆 不過佢正常甜都有少少偏甜 鍾意清d既朋友最好就叫少甜高山凍頂烏龍茶 幾清香 消滯一流 記住一黎到唔好飲住 要個茶包出晒味先好飲 如果唔係就會偏淡

今日放工又嚟到銅鑼灣食嘢啦 一排冇離開咗好多新嘅食肆 喺v point呢度就有一間新派嘅台灣菜裝修風格簡約現代感覺光淨光猛員工都好親切招呼呀 唔錯唔錯 餐牌都幾有特色都係啲幾特別嘅嘢 同朋友就食咗個 滷肉台梗米飯 滷肉汁甜美加上一隻 糖心煙燻蛋真係好正 啲咪好有咬口好特別係比較大粒嘅 好特別 主菜就食咗個白鹵水百福拼盤 有鵝肝啦鵝腸鵝肉 豆腐雞蛋 牛展 鵝翼 有驚喜呀鵝肝都好肥美我肉嫩話我腸都好爽好脆口呀 另外仲叫咗 鵝不是鴨肉 加上 酸酸味味嘅醬 都幾開胃 片砌得好靚 啖啖肉真係好正飲品都好有驚喜 嘗試咗 招牌米水系草莓優格米水 有少女味酸酸味味又唔甜覺得好健康 朋友就叫左杯蜂蜜白苦瓜汁清清甜甜咁好特別 總括嚟講叫我日日喺呢度食嘢都覺得ok 一定會再返去食