金和粥麵館

營業中

休息中

潮州菜唔係周圍都有得食，今次就係黃大仙見倒一間都好多人推介既潮州菜，佢地既鯪魚球好似好出名，今次就叫左最基本既泡粥同黃花魚，味道都好好味潮州蠔仔泡粥 $35 蠔仔泡粥大大碗好滾，粥底綿密入口順滑，加入新鮮又大粒既蠔仔好滋味，想食清清地既可以試下！薑蔥蒸黃花魚 $48黃花魚好大條又厚肉，就咁食都好好味，加入薑蔥更滿足，如果想濃味啲可以加入醬汁一齊食，簡直錦上添花！！！本身想試個蠔餅同魚球，不過太飽下次有機會要試下，推介！

我係外賣平台 D 叫外賣既，價錢係$48（不包括外賣費用）味道黎講，我覺得好好味，同平時出面打冷個啲差唔多。份量都正常，$48係飽既，因為佢係類似湯飯，唔係煲到唔見米個d綿粥。我特登數下，都有成十𡃁隻脹卜卜既蠔仔，好多肉碎，芫荽（唔肯定係芫荽定蔥絲，反正我食哂落肚），有小量方魚乾，仲附送左一小塊魚骨，我估係用黎熬個粥底，同埋十幾條薑絲（特登揀哂出黎因為唔食），食到我出哂汗。呢個我覺得我會再encore。唔知堂食會唔會仲平不過地址好似有d山旮旯，應該都唔會特登去食🙈