灑家粥麵 (已結業)

今晚我們首先喺觀塘apm食完雪糕之後就去咗「灑家」食晚飯！我們叫咗灑家雲吞鷄煲嘅湯底味道好清甜，感覺唔會好油膩，鷄肉嘅肉質都幾鬆軟，唔會好「粗嚡」，雲吞亦幾大粒，而且材料非常足料豐富！灑家鮮蝦雲吞麵嘅麵質相當爽口煙韌，而且一啲鹼水味都無，雲吞好滑溜薄身，蝦肉亦好爽甜彈牙，真係好正呀！黃沙豬膶拼薑蔥汁爆魚腩粥嘅粥底煲得好綿，豬膶相當爽滑，而且唔會有「臭壓」嘅味道，而魚腩就係首先用薑蔥汁爆香過，所以食落比較香口，肉質比較結實彈牙！臘腸臘味滑鷄煲仔飯嘅鷄肉肉質非常嫩滑，而且吸收晒膶腸同臘腸嘅惹味油香，份量亦相當多，真係好正呀！

早前，復活節期間，有部份商場也添置復活節裝飾；記得睇報紙，見到觀塘 APM 以 Peter Rabbit 為復活節裝飾！我都想趁裝飾期間找天去影相！ 恰巧！有朋友相約到 APM 食飯，實在太好嘞！到達餐廳之前，尚有些時間，可以慢慢影 Peter Rabbit！  原來擺放 Peter Rabbit 的地方很細，不及早前 Snoopy 那麼墟墈！ 我們一行 5人走到 <灑家>，先到先入座！我們被安排到店子盡頭的卡位。原來這是榮獲 2015 米芝蓮推介，怪不知朋友會推薦 <灑家> 給我們！ 餐牌中的中菜款式繁多，還有點心可供選擇！  此外，亦有套餐！而且價錢合理！飲品選擇也不少啊！除了啤酒、汽水之外，其他都是健康飲品！ 熱蜂蜜紅棗茶 $18好奇以茶匙舀起紅棗，還以為是原粒紅棗，似是超級市場一大樽裝的貨色，  入口很熱燙的，卻是淡而無味！  起碼好過飲水！  有營青瓜豆漿 $16朋友點的青瓜豆漿，聽個名有點奇怪！  青瓜與豆漿的新奇配搭，竟然出奇地夾！  兩者屬於寒性食物，我也不敢嚐試！ 鮮腐竹浸菠菜 $65這道清淡的上湯浸菠菜，先清

太太成日話想試下灑家,今日專登過來食.下午茶真的幾底食.兩人叫左3個餐及額外叫多一個皮蛋薑炸蝦筒.個魚粥,粥底幾綿.魚都幾新鮮,但要小心食,因有好多細骨.雲吞麵,蝦好好味,好彈牙.麵,唔會有鹼水味道,湯底就淡左小小.整體唔錯.羅漢齋春卷,果真是真人不露相,賣相雖然一般,但入口唔油,羅漢齋好好味,份量十足.正!京都炸醬麵,相比雲吞麵我更喜愛此麵,肉質好有口感,辣味一流,唔會過辣或過淡.义燒飽,雖是平繁,但份量十足,义燒味好香,個飽嘅質感好重,好有份量.即叫即做,現在已經好難得.皮蛋薑炸蝦筒,一流食品,一次過滿足你三個感受,皮好脆.薑味好濃唔太辣,皮蛋反而冇咩特別,蝦好大件又彈牙.可以一次過整件食是一種口味,分開三樣食又是令一種感覺.真是十分滿足嘅一餐.睇怕晚飯都食唔落喇!