火五越式牛肉粉專門店 (華生樓) (已結業)

今日同阿女出開去太子 難得考完試 釋放雙手系列 梗係外賣啦 阿女話要食豬頸肉飯喎 上網一search 太子越南 就見到 「火五越式牛肉粉專門店（華生樓）」一於試試有幾火😁我叫左一粉一飯兩小食一個菜🍽️我哋一家三口食剛剛好 （必食推介）香茅豬頸肉油香飯 $56豬頸肉唔（鞋）肉質鮮嫩油香飯好惹味（牛魔王必試）生熟牛肉粉$58外賣盒將河粉同湯分隔 夠細心河粉無浸淋 保持爽滑生熟牛肉兩種唔同質感 好滿足洋蔥配搭埋個湯底 充滿越式風味蔬菜長春卷 $28拎到返屋企都仲係脆 好香口配搭蔬菜餡料 炸得夠透一D都唔油火五特式鳳爪 $28酸味及辣味都好足唔會水滴滴 仲要係五隻全爪相當抵食 喜歡辣一定要試試蠔油唐生菜$19外賣全單八折天氣咁熱 自己煮都唔止啦平靚正真心推介推介

放假一起身同屋企人出去食lunch, 隨意入咗間越南粉麵店。店內地方企理, 自行click order落單。粉麵類可自選湯河/檬粉, 另有多款小食, 飲品供應。火五特式鳳爪:無骨鳳爪連帶軟筋, 爽脆有口感, 好夠酸, 非常開胃。特式炸蝦春卷: 春卷特長, 不過餡料太少, 不是原隻蝦, 只有少量蝦蓉, 同埋炸皮脆口感。湯底味道濃郁, 另跟芽菜、青檸做配料,火五生牛肉粉: 上檯時生牛肉已被熱湯烚熟, 牛肉幾林, 雖然未至於嫩, 但亦唔會鞋, 整個粉份量多, 湯河索咗個湯底, 啖啖濃郁。火五火車頭牛肉粉:有齊生牛肉、熟牛肉、牛丸、札肉, 熟牛肉有如牛腩般林; 札肉比較薄, 索咗湯底; 牛丸最有驚喜, 彈牙juicy。越南三式冰: 味道偏淡, 椰汁味亦不突出, 配三色啫喱, 有些少層次。

今天晚上想食清清地，終是來到這間位於太子的越南粉餐廳。餐廳燈光光猛，環境舒適。看看餐牌，這裡有些跟出面不同的款式，所以點了試試。火五特式鳳爪，鳳爪爽口，上面有酸辣的紅蘿蔔絲，能夠刺激味蕾！手作扎肉米紙卷，這裡的米紙卷除了有托肉，還有酸蘿蔔絲、粉絲、生菜等，再點上酸辣汁，令味道更惹味！火五火車頭牛肉粉，每次食越南粉，想不到食那款都會點火車頭粉，因為會有齊想食的食物不用再想。這裡的火車頭粉有生、熟牛肉、扎肉和牛丸！生牛肉不會很鞋口，熟牛肉口感像牛腩，很入味！而湯底味道都幾濃，一大碗很飽肚！法式咖喱豬頸肉撈檬 ，咖喱味道跟平時有點分別，不會像印度咖喱那樣辣，亦不會像日式咖喱的那款味道！豬頸肉燒到有點脆口！撈檬再配上酸蘿蔔絲同埋酸辣汁，很開胃！凍青檸梳打、凍越南椰汁冰，這裡的飲品是用上獨立包裝的，那就不怕有塵或口水飛進去！青檸梳打味道頗酸，感覺很fresh！而椰汁冰用上椰子水和椰果，味道不甜，感覺清新！

火五火車頭牛肉湯檬 $52湯底有陣藥材味😂 呢個估唔到😂 有牛肉，牛丸，扎肉 都幾多料！香茅豬頸肉撈檬 $48豬頸肉份量都多 亦都幾有咬口 香油脂味～😛 個酸辣汁配呢碗檬粉 好醒胃😳意大利雞翼（5件）$38係一個炸雞翼黎既 雞翼上面有小小蒜蓉加左啲黑醋汁。炸得好炸 如果小啲油會更正😬火五特式鳳爪 $22份量都唔小 鳳爪呢個價錢仲有呢個份量都幾抵。味道偏咸小小 再辣小小應該更加惹味🙈凍越南三式冰 $19飲落椰奶味好重😋 夠凍 夏天飲岩曬 仲有啲類似「珍多冰」個啲一條條粉條既野 比你食下 口感都幾豐富凍越南椰汁冰 $19是椰青水加椰果🤔

由於現在香港市面發生左d事，差不多一個月冇出過街食飯但要俾嘢朋友就順便約佢出來食返餐見街上好多食店人流極少，經過見到呢間呢個時候，還噤多人幫襯應該幾好食而且又好少食越南嘢，就入去試吓先每人獨立叫左一碗粉，再加左幾款食物一齊品嚐火五牛丸+扎肉粉：牛丸好彈牙，碗粉份量幾多越式花膠老火雞湯河：需然花膠唔係好大好厚，入囗都幾爽，個老火湯幾好味意大利黑醋汁蒜蓉牛油雞翼（5隻）：雞翼大大隻，外脆內嫰，好香蒜蓉和牛油味，加左d意大利黑醋，中和返個牛油既油膩感火五特式鳳爪：無骨鳳爪啖啖肉，入口爽囗彈牙，酸酸辣辣好惹味黃金脆魚皮：咬落好脆，好香濃鹹蛋味招牌小食拼盤：炸蝦春卷爽脆、香草大蝦一啖一隻、黃金脆魚皮香脆可囗、青木瓜沙律清新香甜、手作大蝦米紙卷和手作扎肉米紙卷實正足料蠔油唐生菜：大大蝶，新鮮爽脆還叫左杯，凍越式香滑濃咖啡和凍青檸梳打：兩杯都好好味呢間真係一間唔錯而且價錢適中既食店

搵食行遠D，今次去到太子既火五越式牛肉粉專門店食越南野！由於我地兩個實在太餓，所以癲左咁叫左好多野食🤤主食：越式花膠老火雞湯河，湯底冇味精，個清雞湯可以飲埋佢，花膠雖然好似好細塊但好爽口味道唔錯，雞肉塊中規中矩，整體係個唔錯既健康既選擇！香茅豬頸肉撈檬，一個字：大份同足料！配料多之餘檬粉亦好多，仲可以免費加底添，堅食到爆！豬頸肉切到bite size 好方便食，味道岩岩好唔會太咸。小食：火五特式鳳爪，叫得店名既招牌菜式一定要試下，好好味既無骨鳳爪，開胃一流！意大利黑醋汁蒜蓉牛油雞翼，即叫即炸熱辣辣，味道層次好豐富，外面酸酸既黑醋汁，加入面既蒜香同牛油香，好好味🤤最後招牌小食拼盤，賣相靚之餘介要好好食，最好食既一定係香草大蝦同米紙卷，雖然$138好似有d 貴，但其實有6款小食仲要樣樣都好食，唯一係木瓜沙律唔夠辣。最後叫左凍青檸梳打同椰汁冰，台式飲品既size 好大杯好抵飲，亦唔會太甜，椰汁冰仲要有椰果肉，出色！總而言之係一間性價比好高既越南餐廳，正！搵食行遠D，今次去到太子既火五越式牛肉粉專門店食越南野！由於我地兩個實在太餓，所以癲左咁叫左好多野食🤤主食：越式花膠老火雞湯河，湯底冇味精，