炯記燒味

營業中

休息中

🇭🇰✨尖沙咀港式燒味｜招牌鵝油撈麵平時去尖沙咀睇完醫生，都會食番個茶記常餐，不過食得多都有啲悶，今次轉少少口味，去試下炯記，佢哋嘅鵝油撈麵同燒味都好出名！撈麵令立立，就知佢哋落咗好多鵝油去撈！煙燻燒鵝帶陣陣煙燻香氣，皮薄香脆！想一次過試哂2樣名物嘅話，推薦煙燻燒鵝撈麵，仲可以轉鵝脾添！① 炯記四寶撈麵 $70🔹四寶包括手撕雞、豬手、叉燒及紅腸，一次過試哂佢哋嘅招牌燒味；所有鵝油撈麵餐均會附上是日例湯，今日係紅蘿蔔老火湯🔹撈麵經由鵝油及炯記自家製豉油拌勻，望落令立立，但食落唔油膩，分量足，而且粗麵食落好有嚼勁🔹跟餐轉特飲+$8，可以試到佢哋新登場嘅阿華田五穀麥芽特飲，麥芽份量都幾多，唔手軟② 炯記煙燻燒鵝瀨粉 $64🔹 本身係配飯，不過可以免費轉瀨粉/米粉，瀨粉同燒鵝係分開上，避免燒鵝浸到皮腍哂，呢點抵讚。瀨粉白皙，口感滑溜爽彈。燒鵝食落有陣陣煙燻香氣，皮薄香脆 ，鵝肉肥瘦比例適中。③ 炯記三皇盤 $58🔹 包括蒜香雲耳、蒜辣鳳爪及麻辣雞腎。蒜香雲耳爽口帶酸甜；蒜辣鳳爪已去骨，爽口帶脆；麻辣雞腎爽口帶點麻辣📍 炯記燒味尖沙咀樂道19號安順大廈地下A號舖

今日嚟尖沙咀食燒味飯，呢間老字號好受打工仔歡迎，價錢合理，除咗燒味飯，仲有招牌太子鵝油撈麵同手撕雞腸粉等等…炯記煙燻燒鵝飯 $60🤤燒到皮脆肉香，唔會太肥，肉質結實，鵝香味濃，不需加任何調味，原汁原味最好食～炯記四寶撈麵 $64😍材料豐富，有手撕雞、豬手、叉燒、紅腸～ 豬手大大嚿，充滿膠質，非常入味～ 叉燒燒到好香，有少少焦香味，肥瘦適中～ 手撕雞一啲都唔肥，雞肉嫩滑，雞皮爽脆，加咗芝麻同麻油更香～ 太子鵝油撈麵非常香濃油香但唔太油膩，撈麵彈牙爽口，值得推薦～鹽焗手撕雞腸粉 $40腸粉份量多，口感好滑，手撕雞份量都幾多，配埋芝麻醬甜醬好香甜～🥬醬皇冬菇扒生菜 $20生菜爽脆翠綠，冬菇又多又大粒，醬汁香濃～