日月堂

營業中

休息中

今日去觀塘搵食，朋友介紹了這間日月堂，其實位置都幾難搵隱藏於一座工廠大廈入邊。可能係星期六中午，所以不是太多人，我們兩個人叫了兩個午餐：1）紅燒牛肉麵下單沒有5分鐘就已經送上枱，急不及待試一試味，真係有驚喜，很久沒有在香港吃過比較似樣的台灣牛肉麵。牛肉有三大片，軟滑又腍，值得一讚。而面種係刀削麵麵條粗粗的，掛汁一流。2）炸排骨滷肉飯排骨有手掌咁大，滷肉飯亦都鋪滿成個碗，味道意想不到，都好好味，超讚！性價比算高，－個男人絕對食得飽。冬瓜茶味道就似蜂蜜綠茶咁，反正係送嘅OK啦！估唔到工廠大廈內居然有隱世高手，我哋由最初入餐廳只有兩三台客，直至走嘅時候已經坐滿八成，難怪大家也會搵到上樓。

第一次來呢度食晏，結果等左半粒鐘先有得食。因為呢度係唔會趕客𠺢座位都幾多，lunch full曬。有得訂位，但我哋無訂見住啲人入曬去，我地仲係度等，一度想放棄。呢個set的size啱啱好。豬扒有6嚿，勁脆，唔嚡。飯好軟身，撈埋啲肉燥食好正。肉燥唔太濃味，啱啱好。 前菜的青瓜好脆但個紹菜就無味每個餐都會送冬瓜茶，可以揀凍或熱。本來唔鍾意飲冬瓜茶的，因為太甜。但呢間的幾好，甜度適中。同事的牛肉麵，佢話啲牛肉好味。但個湯同啲麵就唔得。不過我下次都想試