MUTA Restaurant by ATUM (已結業)

MUTA Restaurant位於美麗華商場裡面，餐廳走日式木系和風設計，環境舒適，燈光用色配搭幾好，而且餐廳設計包括咗綠色植物，整體令到餐廳嘅空間感加分。Seasonal Flower Salad • Elderflower季節鮮花甜蔬菜沙律 • 接骨木花 | $108好特別嘅一款沙律，蔬菜份量十足，唔蔬菜配搭色彩繽紛睇見都好吸引呀，酸酸甜甜十分醒胃，除咗幾款特別嘅蔬菜之外，仲有紅色小蘿蔔嘅配搭，增添清爽，出面比較少食到呢款。Mentaiko Stuffed Chicken Wings • Shichimi Mayonnaise明太子雞翼 • 七味蛋黃醬 | $78明太子雞翼啖啖肉，雞翼裏面釀咗滿滿嘅明太子，微微辣，外皮煎得香脆，點埋七味蛋黃醬一齊食，真係好正啊。Hokkaido Scallop • Lemon Cream Spaghetti北海道帶子 • 檸檬奶油義大利麵 | $148原粒北海道帶子大大粒，煮完一啲都唔縮水，帶子鮮甜美味，檸檬奶油味清新而且都掛汁，非常適合而家悶熱嘅夏天食，意大利麵煮得啱啱好唔會過分腍。Fried Waffle • Fruit • Maple Syr

我同朋友食量唔太多，揀左主打西日fusion輕食西餐，木系設計同裝橫令人覺得休閒舒服，入面仲榻榻米位置，好有日本feel。月見雞肉棒串雞肉入面有少許雞軟骨，大大串之餘有咬口，配埋蛋香味濃郁既日本雞蛋黃食非常之夾。柚子醬油吞拿魚他他最中餅油吞拿魚刺身切成細細粒，混合左少許柚子醬提升鮮味，最中餅脆脆地，口感特別。柚子蟹肉奶油義大利麵 義大利麵吸收哂creamy嘅忌廉汁，汁既份量夠多，麵質感爽口，配埋鮮甜嘅蟹肉，午食好選擇。蜜柑雪葩.柚子蛋白霜.檸檬醬蜜柑酸度溫和，微甜，做成細緻幼滑既雪葩，伴碟有酸甜既檸檬醬同脆脆地既柚子蛋白霜，清新之選。炸窩夫烤餅.鮮果.楓糖.鮮奶油即叫即做，記得預早10-15分鐘叫，窩夫咬落去酥脆，鮮果有士多啤梨、藍莓等等，可以加少少甜中帶微酸嘅楓糖，同埋充滿住奶香味既鮮奶油。水果冰茶午餐餐飲揀咗水果冰茶，帶茶香果香，清新解渴好選擇。

呢間日式西餐廳裝修好靚，仲有榻榻米坐～有一下真系覺得自己去咗日本咁～（冇得去旅行唯有ff下🔹培根蛋黃奶油貓耳麵 $138貓耳麵比較少見，今次特別order嚟食！面嘅口感幾煙韌好咬～加埋厚身粒狀嘅煙肉整體幾不錯！如果蛋黃奶油醬汁濃啲多啲，更掛汁嘅話就更正～✨明太子雞翼 • 七味蛋黃醬 $78呢款雞翼好好味～外表煎得香脆，內裡惹味多汁！明太子嘅微辣配上蛋黃醬一齊食，超正٩(ˊᗜˋ*)و✨煎海老．蟹肉餅．青芥末蛋黃醬 $198呢款菜最有驚喜！蟹肉餅會食到一絲絲蟹肉，好鮮甜好好食！仲食到好正嘅蟹膏汁，亦無諗過同少刺激嘅青芥末醬咁夾！！呢道菜式十分值得一試啊～✨炸窩夫烤餅．鮮果．楓糖．鮮奶油 $118呢款甜品我好鍾意啊！！！窩夫炸得外脆內軟，加上楓糖食落好香好正！如果可以有得加雪糕一定更邪惡更好味（՞ټ՞*✨為私心推介！