三多炸肶 (已結業)

炸雞餐除左KFC，原來仲可以考慮下三多！某日經過見到呢張poster，就一直心思思。呢日我本來去左KFC，見到勁長龍，係要等45分鐘既勢頭，就即閃轉去三多，點餐後即炸，等左大慨10分鐘左右就有了yeah~炸脾個雞皮真真係一絕，又薄又脆，仲有一陣熱氣如薯片既誘人滋味，真係好正. 炒腸粉現場食會更好食，一樣穫氣十足，辣辣地好惹味。PS 後尾我睇睇個$95二人餐其實同散叫價錢一樣，只係多左兩罐汽水，MY GOD!

要數香港最好食的烤脾，我會推介西環的「真滋味」。要數香港最好食的炸雞，三多，會係我的心水之選。三多本身開係大圍，交通唔算好方便。但近期三多係元朗又新街開左分店，當然要去捧下場啦。雖然佢有好多唔同小食，但係我目標只有一個，就係「炸雞脾」！因為好多客排隊而佢又係新鮮去炸，所以落左Order大約等左5分鐘左右。店員提我小心熱，真係超辣手。由於天氣比較熱，所以去左旁邊7-11到食。炸脾真係熱辣辣，我差唔多等左3丶4分鐘先可以食，熱到傻！炸脾超大隻，表面沾上面包槺去炸，賣相已經100分。大大啖咬落去，「卡擦」一聲証明炸得非常香脆。雞肉的汁非常飽滿，好彩有帶手套否則成手都係雞汁。肉質非常好，夠嫩滑，而且肉質一絲絲，好新鮮。雞皮炸到脆卜卜，但係雞肉依然超嫩滑，証明炸粉做得好同埋控制火喉時間控制得好。調味上用左混合的調味粉，又香又惹味，好正！店面重有紅色的辣椒粉比你自己去加，辣椒粉又香好夠辣，超正！28牌一隻炸脾雖然有少少貴，但係炸得咁有質素，間中獎勵下自己都無壞呀！

估唔到呢間野開到黎元朗!!!勁鐘意食炸脾既我即刻黎試下嗌左隻炸脾等左我15分鐘不過見到佢咁大隻, 真心值得等佢真係炸到皮簿肉彈牙個皮唔會係一食落去就成口粉咁而係仲脆卜卜佢肉質好嫩口食落仲有d雞油走出黎唔會炸到太硬加上佢size大, 所以又飽肚又好味!!下次再黎試下佢其他小食