河內越式料理

營業中

休息中

小子今日要去尖沙咀按摩💆🏻‍♀️ 按摩前要食少少嘢先就去咗依間位於堪富利士道越南粉嘅餐廳試下先😋好彩今日唔使等位，一到即刻可以入順化蕃茄蟹肉扎肉檬粉 $69味道還可以，但小子本身麻麻哋鍾意扎肉，所以覺得一般，豆卜蟹肉蕃茄湯都好味😋豆卜吸晒蕃茄味越式炸蝦餅 $32惠顧任何粉麵飯，可以加咗一份小食🎉🎉消脂，揀咗蝦餅，上枱一碟有四件，味道唔錯，熱辣辣越式炸春卷 $23其實小子睇餐牌是蝦餅同春卷，都好想試吓🥹但見到餐牌上邊寫解咗一份小食，到落單時就問店員係咪只可以加追一份小食個店員姐姐好好呀，佢比我叫多一份小子就叫埋春卷上到枱，熱辣辣兩大嚿，皮脆內軟龍眼冰 $12（套餐加錢價）正常龍眼冰，但係上枱時覺得好似俾人飲咗一啖😂環境尚算舒服，好坐 🥰🥰

😚經過尖沙咀想食一碗熱辣辣嘅湯粉，喺堪富利士道有好多餐廳選擇，其中一間越南餐廳人頭湧湧，我哋兩個人係晚市時段等咗一陣就有位。我最鍾意食越南湯河，餐牌內選擇好多。我就貪心啲叫咗一個牛三寶湯河，有齊牛丸、牛展、生牛肉，一次過滿足三個願望😆充滿牛肉香濃味道，大滿足。朋友叫咗一個豬扒蔥油飯，豬扒鬆軟多汁加上充滿油香嘅蔥花，香口惹味。加上兩個賣相都唔差，再叫咗兩個小食。😍侍應姐姐介紹炸蝦餅，同埋炸春卷。果然冇介紹錯！兩款都香脆可口，尤其是蝦餅非常足料，唔會炸得太乾。👀見到周圍每檯個個都嗌椰汁冰，我哋兩個都唔執輸，加$12有一杯特飲，點左椰汁冰，另一杯係珍多冰。食炸嘢飲椰汁冰，簡直係最佳配搭。兩個人埋單都係二百幾蚊，咁抵食，可以再嚟🥰

由正宗越南河內人主理，食完簡直好似去左一轉越南咁，令人回味無窮，店內裝修十分養眼，以綠色柔和燈光做主題，一坐下門口已經要排隊，店內已經坐滿人，好彩早咗一步，店員雖然忙碌但面帶笑容😊非常親切。❥順化蕃茄蟹肉扎肉湯河已經不是第一次吃，之前已經幫襯過兩次，食過兩次都繼續食就知有幾好吃！先講材料，蕃茄 蟹肉 扎肉 芽菜 足料！！😍蟹肉好多，扎肉都有5片，湯底非常濃郁，無論賣相同口感都好正！大力推薦👍🏻麵底可以任君選擇。❥河內生牛肉扎肉湯河牛肉新鮮無雪味，浸落湯剛好，香葉 生洋蔥 芽菜 牛肉 扎肉 配上特製濃湯 ，足料夠鮮味👍🏻份量上係大大碗，河粉爽滑夠多，男士一碗都夠飽！❥炸蝦餅(小食）即叫即炸，蝦餅彈牙❥豬頸肉香矛味，肉質新鮮，不會過熟❥飲品鮮芒果西米露+鹹檸七

尖沙咀站📍河內越式料理-好耐冇食越南野🇻🇳，一諗起越南即刻覺得熱🔥，仲記得上次暑假去成40度真玩命🥵（不過最爽係瘋狂call的士，去到真係數百萬當係碎銀✌🏻💸）越式豬頸肉撈檬（$60）不論pho有幾吸引，如果有撈檬，女朋友毫不猶豫直接簡撈檬🤭貪佢酸辣清新。雖然話撈檬既餸係重點，但女朋友更重視既係撈檬汁😂最中意夠酸甜醒胃，呢排咁熱食夠晒消暑😅😎呢個撈檬汁正合佢心意（次次食撈檬落人地半枝汁，我都唔好意思😹，撈檬都變湯檬，睇最尾個張圖就知）豬頸肉爽口彈牙，都有成7片，厚薄適中，配埋甘筍絲、青瓜絲、生菜絲等等，清新開胃！呢次佢竟然清晒，如果再多d檬粉就好，我都可以食下嘛😹越式河內三寶飯（$70）呢個3寶飯d肉多到我都坦唔著😹有扎肉、香茅豬扒同香茅雞翼。雖然我係食肉獸，但都食唔晒d肉🍖配埋甜豉油撈飯，男人既浪漫～最欣賞佢有附送蔥油😻以上兩個套餐另外加咗一份炸蝦餅（$29）同一份炸春卷（$20）。蝦餅正常發揮，春卷想encore！大大條，餡料十足😍炸得岩岩好，唔會太硬身。兩個餐都加左$12轉特色飲品，分別要左青檸梳打同熱情果冰，消暑一流！環境方面，店面唔算太寬敞，不過衛生企理，坐得舒服。