影片
更多
2018-01-30
2716 瀏覽
一到年尾，朋友們紛紛組織團年飯，為辛苦咗一年慰勞吓自己。不過其實講到尾，都係我哋呢班吃貨借啲易想食餐好嘅啫！今次就決定食邦記！其實之前已經食過幾次，都保持到水準，所以今次就同成班朋友一齊嚟食啦！泊完車之後，淨係行入去食飯果條巷仔已經買到停唔到手。又金蠔啦，又米通啦，又馬仔啦，又海味啦⋯⋯成班友仔買到痴咗線🤣好啦，睇吓今晚食咩先！第一味上枱嘅就係白灼蝦，講真，白灼蝦真係冇咩好介紹，不過隻隻個頭都有膏㗎！接着嘅就係蜜糖雞翼，可能好多人覺得好奇怪，去食海鮮食乜鬼嘢雞翼呀？但係其實都係呢度嘅招牌之一，前兩次食，隻隻脹卜卜，啲蜜糖包住成隻雞翼，好味到震啦！但係今次真係要拆招牌，睇幅相都知道炸到燶晒，又唔夠蜜糖，搞到比班老友話我點解要嗌味未啊🤦🏻♀️再嚟嘅就係椒鹽中蝦，非常惹味，又唔會過分調味，直頭連個殼都要吮埋！整咗個班頭兩味，呢個班腩好就好在佢一啲都唔老，唔會鞋恰恰，仲係好滑！好少可見到啲蒸鮑魚係咁大隻，一啲都冇過火，切開來食好鬼正，啲豉油汁唔係好濃味，咁先可以食到本身鮑魚嘅鮮味！再嚟又係蠔兩味，嚟到流浮山唔係唔食蠔下嗎？呢個炸蠔，細細隻，估唔到甜成咁！啲炸漿薄薄哋一層，咬落去嗰陣時係有聲㗎
今次就決定食邦記！其實之前已經食過幾次，都保持到水準，所以今次就同成班朋友一齊嚟食啦！泊完車之後，淨係行入去食飯果條巷仔已經買到停唔到手。又金蠔啦，又米通啦，又馬仔啦，又海味啦⋯⋯成班友仔買到痴咗線🤣
好啦，睇吓今晚食咩先！
白灼蝦
40 瀏覽
0 讚好
0 留言
第一味上枱嘅就係白灼蝦，講真，白灼蝦真係冇咩好介紹，不過隻隻個頭都有膏㗎！
蜜糖雞翼
43 瀏覽
0 讚好
0 留言
接着嘅就係蜜糖雞翼，可能好多人覺得好奇怪，去食海鮮食乜鬼嘢雞翼呀？但係其實都係呢度嘅招牌之一，前兩次食，隻隻脹卜卜，啲蜜糖包住成隻雞翼，好味到震啦！但係今次真係要拆招牌，睇幅相都知道炸到燶晒，又唔夠蜜糖，搞到比班老友話我點解要嗌味未啊🤦🏻♀️
椒鹽中蝦
41 瀏覽
0 讚好
0 留言
再嚟嘅就係椒鹽中蝦，非常惹味，又唔會過分調味，直頭連個殼都要吮埋！
班球
50 瀏覽
0 讚好
0 留言
整咗個班頭兩味，呢個班腩好就好在佢一啲都唔老，唔會鞋恰恰，仲係好滑！
清蒸鮑魚
34 瀏覽
0 讚好
0 留言
好少可見到啲蒸鮑魚係咁大隻，一啲都冇過火，切開來食好鬼正，啲豉油汁唔係好濃味，咁先可以食到本身鮑魚嘅鮮味！
炸蠔
52 瀏覽
0 讚好
0 留言
再嚟又係蠔兩味，嚟到流浮山唔係唔食蠔下嗎？呢個炸蠔，細細隻，估唔到甜成咁！啲炸漿薄薄哋一層，咬落去嗰陣時係有聲㗎 ！咬開之後又唔會成泡水咁，全部都係本身隻蠔嘅汁，我本身唔鍾意食熟蠔，但係真係停唔到口咁一連食咗三四隻！！
薑蔥蠔
42 瀏覽
0 讚好
0 留言
接着嘅係薑蔥蠔，佢又係煮到啱啱好，超級好味！
骨腩
52 瀏覽
0 讚好
0 留言
呢個就係班頭兩味嘅另一味，爆骨腩，其實佢都好食，只係個獻汁杰左少少！所以食多兩舊個感覺就比較滯喇！
薑蔥炒蟹
40 瀏覽
0 讚好
0 留言
食海鮮就梗係要叫蟹食啦！薑蔥蟹個味道剛剛好，不過呢味就好似有少少過火，所以啲蟹肉唔夠滑身！但係我哋都好快清晒！
清蒸貴妃蚌
53 瀏覽
0 讚好
0 留言
最後一味就係貴花蚝，火候非常perfect！加埋啲蒜蓉呀，蔥呀，粉絲呀，成啖食落去真係好正！
其實仲有一個炒飯唔記得咗影相，都係正常嘅揚州炒飯啦！不過入邊嘅蝦唔係平時嗰啲雪藏蝦仔，係真係咬落去啖啖肉嘅蝦，所以如果唔夠飽叫個例牌嘅嚟食下都唔錯㗎😍
張貼
