HeSheEat (銅鑼灣地帶)

營業中

休息中

自從HeSheEat開左以黎，都唔知食左幾多次了，間間分店都長期係人頭湧湧，今日我同朋友放工就衝左去銅鑼灣既分店，好彩早到唔洗等太耐就入到座。小食點了炸雞翼韓式辛辣醬（HK$52）同蟹肉蕃茄牛油果沙律（HK$95）：炸雞翼有種麥記既感覺，我是幾喜歡的～呢個沙律意外地高質，大家都好surprise呢，蟹肉同蕃茄牛油果幾match，夾埋好鮮甜又開胃，配埋餐包一齊食減少左油膩感，讚。主菜是黑松露大蘑菇蘆筍意大利飯 （HK$118）和墨魚汁魷魚扁意粉（HK$108）：朋友最愛既意大利飯，每次黎佢都必食的！黑松露味夠哂重，非常香口。雖然是Risotto，但口感不會太油膩，還是可以多吃幾口。每次食墨魚汁既菜都要鼓起好大勇力呢，因為食完一定會成咀都黑哂，一唔小心就GG了。不過HeSheEat既呢個意粉都是值得一戰的，味道帶少少辣，幾開胃的。黎到HeSheEat點會放過佢地既甜品呢～揀了檸檬忌廉班戟卷（HK$58）同埋拖肥果仁心太軟（HK$62）：個人很喜歡上面的蜜糖脆脆，就咁當甜品食都好OK呢！雖然叫拖肥，但唔算太heavy，飯後食都OK。其實呢個價錢同質素真係非常抵食，難怪成日都咁多人排隊的。

同朋友係銅鑼灣book咗party room，諗住食少少野再去玩。於是同朋友係銅鑼灣間HeSheEat，主要叫啲小食同飲品，當下午茶歎下。炸粗薯條配酸奶酪及泰式辣醬＄48呢款粗薯條係有皮粗薯條，比起麥x勞個啲再粗身啲。炸出離嘅效果都係偏啡，而唔係常見嘅金黃色。但入口好香脆，外皮較一般薯條厚身同硬，所以咬落內層薯仔蓉會更軟香。如果配上酸奶酪醬，味道會偏奶潤，減少熱氣嘅感覺。而泰式辣醬係必食，微辣開胃，我平時食快餐都鍾意將薯條點泰式辣醬。炸雞翼韓式辛辣醬＄52雞翼炸到啱啱好，酥脆之餘入味。面頭有撒滿炸蒜個類去做調味，好邪惡但好香。雞肉都算嫩滑多汁，點埋辣醬真係perfect。綠茶柚子沙冰＄45朋友叫咗呢杯，我試飲咗少少。沙冰上有一球綠茶雪糕，幾清香。柚子沙冰味道偏清淡，不過都夠味，透心涼。抹茶奶昔＄42呢杯無影到相，自己幾鍾意呢杯。抹茶味足，而我係鍾意偏甜抹茶嘅人，可能呢杯係奶昔，所以好啱我口味。奶昔同抹茶好夾，入口滑身唔太膩。

在銅鑼灣逛街，想吃個又快又就腳的晚餐，於是到了HeSheEat！店子位於銅鑼灣地帶商場二樓，落地窗透著繁華市景，裝修上走小清新路綫。是日餐湯是粟米忌廉湯，粟米很甜，忌廉湯又滑又香炸雞翼雞皮鬆脆，雞肉鮮嫩多汁, 配上韓式辛辣醬，酸酸辣辣，清新醒胃他的墨魚汁魷魚扁意粉，咸香帶微辣，魷魚有咬口廚師推介的扒虎蝦芝士汁鮮蛋意大利麵，大大隻的虎蝦既鮮且彈牙 他要了凍齋啡！提神兼去水腫她要了有機排毒茶舒緩消化吃飽後可繼續血拼！一樂也

銅鑼灣既其中一個懶人飯堂 (懶人=🙋🏻‍♀️) 貪佢主食甜品兼備中間唔駛轉場🤪佢既晚飯時間係有Dinner Combo，定期會轉下款式，不過佢呢次嘅主菜冇話特別吸引我，所以我都係點返主餐牌上面嘅主菜🙈對佢個綠茶心太軟一直念念不忘，但係同行朋友唔好綠茶，而我食左勁多肉又冇肚自己清一份，唯有留返下次再黎戰過😢▪️ 炸雞翼韓式辛辣醬（7/10）💲52店員話雞翼有韓式辛辣粉，所以唔太食得辣我揀左走辣🌶原來除左本身個辣粉，佢都有一個另上既酸辣醬🤗呢個雞翼炸得香脆，啖啖肉夠嫩滑，同埋少少鹹鹹地幾惹味🐥▪️燒美國牛肉胡麻醬沙律（7/10）💲95薄身既牛肉有輕輕火炙過，唔會太熟保留到粉嫩🐮底下仲墊有蘑菇，加上胡麻醬幾香口，沙律菜仲會額外有啲柚子汁既香味，不過略嫌啲醬汁有點兒多，點既時候叫少醬會好啲😳▪️ 燒豬肋骨（7.5/10）💲102店員話要等十五到二十分鐘，但係其實唔駛幾耐就上檯了😚個豬肋骨份量都唔細，輕易做到骨肉分離，肉質不過不失，配上香口既燒烤醬，至於個沙律菜就落咗橄欖油同埋黑醋，薯條食到尾都仲係脆身既🍟▪️ 春雞黑松露意大利飯（7.5/10）💲128呢個亦都話係要等二十至三十分鐘既，隻春雞比我想像中巨

這天放工後，我約了朋友在銅鑼灣吃晚飯，我們經過這間餐廳，看到店內環境清潔衛生，餐牌上的選擇足夠多，而店內的客人很多，證明食物的質素應該很不錯，便決定入去試一試小牛柳配牛肝菌汁配蔥炒薯仔($128)小牛柳配幽香清膩的牛肝菌汁十分香稔軟嫩，質素很高，軟綿綿的薯仔，爽口微彈的沙津菜，鮮甜的番茄粒，十分健康，而食物的用料十分新鮮，價錢可以接受海鮮燴扁意粉 ($132)十分大隻的蝦十分清鮮甜美，爽彈鮮美的青口，軟彈煙韌的帶子，爽口微彈的魷魚，甜中帶點酸的扁意粉，令人十分開胃，整體份量十分多炸粗薯條配酸奶酪及泰式辣醬($48)用新鮮薯仔製成的薯條非常新鮮，配上清新的酸奶酪和酸甜的泰式辣醬，份量很多，十分抵食炸雞翼韓式辛辣醬($52)十分新鮮的雞翼是即叫即炸，十分有誠意，所以食物的温度十分高，味道甜中帶點微辣，令人十分開胃，價錢可以接受朱古力曲奇咖啡沙冰($42)整體的比例掌握得不錯，咖啡味十分濃郁，很有提神的作用，質素很高Oreo奶昔($42)曲奇的份量很多，所以曲奇味很重，還有一些細碎的曲奇碎，奶昔很清新很新鮮又不會太甜，這樣的配撘很完美整體來說，食物的質素很不錯，食物的選擇延多，食物的份量很多

這個星期比較有空，想逛逛銅鑼灣，所以找了在港島區工作的朋友吃飯，順便逛街。由於是即興，所以就問問同事銅鑼灣有什麼好吃，同事說之前去過HeSheEat 覺得不錯，所以今次我也來試試喔！一到餐廳，是開放式的，十分開陽看到餐牌有很多不同選擇，最後我們點了：帶子青蘋果焦糖合桃蜜糖芥末醬沙津 - 清新的青蘋果配上新鮮蔬菜以及甜甜的合桃，還有厚身帶子，十分開胃又健康 炸雞翼韓式辛辣醬 - 熱辣辣的炸雞翼，香口又不膩，配上酸酸辣辣醬，好惹味喔！小牛柳配牛肝菌汁配蔥炒薯仔 - 朋友點了這個主菜，雖然我不吃牛，但朋友不停說這個牛一點都不老，配上薯仔，超配又飽，很快她就吃完了 🤣 海鮮燴扁意粉 - 我就點了這個，因為我喜歡海鮮。有青口、蝦、帶子、魷魚，蕃茄醬有點芝士味，應該是混合了芝士吧，魷魚有趙口，蝦又彈牙，又可以 encore 厚身帶子，超好味 😋 雲呢拿士多啤梨奶凍 - 超美的，很像個擺設，新鮮士多啤梨配上雪糕，加上滑滑奶凍，真是飯後一點甜 綠茶心太軟 - 甜品中我最愛心太軟，好香綠茶味，味道不澀，好流心，配上豆腐雪糕，一冷一熱，絕配！👍🏻這餐真的不錯，吃得飽飽，就去逛街消化一下啦。

之前試過 HeSheEat 旺角分店嘅甜品，記得都幾好食，所以今次決定試試佢嘅小食。雖然主打甜品，但他的小食卻也令人喜出望外。雞翼炸得脆卜卜，大隻又多汁，配上辣醬更是一流，吃起上來減低了油膩感。薯條一到，我和朋友都很驚訝，因為真的很大盤。薯條多到啲醬唔夠我地用，要點埋雞翼嘅醬先得。薯條屬於厚身那種，整得幾好食！兩款醬我比較喜歡佢個酸奶酪。食完咁多炸野，當然要叫返杯野飲解下渴。叫沙冰最怕就是當中有很多大大的冰粒要我咬碎，幸好沒有出現這個情況。覺得佢啲沙冰都可以一試！呢到無論甜品同小食都咁出色，下試埋佢啲正餐先！

HeSheEat已經開業左一段時間, 不過仍然人氣高企, 今年仲開設左第3間分店, 老婆好鍾情呢度嘅牛油果沙冰,意大利飯同甜品。今日趁同佢放工去銅鑼灣買野, 專程訂定枱同佢去呢度刷返餐。😁HeSheEat銅鑼灣店位於銅鑼灣地帶, 正正就係地鐵站對面, 非常方便。餐廳裝修時尚有格調,落地玻璃可以望到銅鑼灣熙來讓往嘅人潮, 同餐廳內舒適嘅環境形成好大嘅反差。😚餐牌圖文並茂, 菜式賣相好多都好吸引, 我地揀左1客沙律, 1款小食, 兩個主菜再加甜品, 2個人share應該好夠食。😌炸雞翼韓式辛辣醬 $52雞翼炸得香脆, 中間保留豐富肉汁, 炸粉又唔厚, 超惹味, 配埋辣醬甜甜辣辣咁好醒胃。👍炸蘑菇釀雞肉 $68外面炸得脆卜卜, 咬一口就feel到蘑菇的汁爆晒出黎, 中間的雞肉夠彈性, 整體口感好夾, 配埋蛋黃醬食就更perfect!😊原板海膽意粉配溫泉蛋 $148意粉個汁一定要讚, 有雞湯味之餘又夠creamy, 入口好舒服, 再撈埋溫泉蛋味道就更提升, 口感也更滑。海膽我就鍾意分開細味品嚐, 原板份量好多, 鮮甜味美。😍黑松露燒春雞意大利飯 $98飯粒吸滿湯汁, 入口軟硬適中, 香噴噴的黑

今天下班突然很想出外不想回家，馬上打電話給朋友出來吃晚飯！當我們在想吃什麼時候，朋友突然提議去銅鑼灣地帶Hesheeat!店鋪位於地帶商場二樓，座位算很闊，座得份外舒服。我們分別點了：炸雞翼韓式辛辣醬 $52表面炸到金黃色外皮炸得很鬆脆咬落脆卜卜熱辣辣雞肉很嫰滑, 還配了辛辣醬添加了一種開胃感覺，不錯的餐前小吃炸蘑菇釀雞肉 $68炸蘑菇亦是表面炸得金黃色，第一啖已經感覺到蘑菇香味加上配雞肉令口感大增，這個小食還配了少許沙津菜和黑松露蛋黃醬，兩者配合來吃一點油膩感覺都沒有虎蝦意大利飯 $128虎蝦煎得剛剛好很有鮮味，意大利飯非常之juicy, 一路吃還有種吃西班牙海鮮飯的味道春雞黑松露意大利飯 $128大大隻春雞脾煎到香噴噴咬下去肉汁都流出來，濃郁的黑松露配上意大利飯簡直絕配，每吃一口黑松露飯味道一直徘徊在口裡，值得推薦芒果忌廉班戟卷 $58芒果很甜，而且不會太多忌廉，配合果仁碎一流👍🏽。總評：食物一流，服務也很好，侍應有笑容，耐心講解部份製作需時。

食過幾次都覺得「Hesheeat」係一個同朋友食飯傾計嘅好地方， 所以今次又約左同事一齊黎食過返尋味！😏 蟹肉蕃茄牛油果沙律 ($95)係小編每次黎都必點！ 沙律賣相精美！😍 最底層係軟滑creamy嘅牛油果醬， 第二層係已拆骨嘅啖啖鮮甜蟹肉， 之後就係酸甜清新嘅蕃茄粒， 加上矜貴嘅黑魚子醬， 味道和口感都相當豐富，好味道！😋 又可以將沙律塗係香脆多士上面一齊食， 是另一番風味！ 覺得太膩，可以食下以黑醋、檸檬汁和橄欖油調味嘅雜菜沙律，都幾開胃架！😏 炸雞翼韓式辛辣醬（$52） 炸雞翼即叫即炸，熱辣辣～ 外皮炸得香脆，裡面嘅雞肉保持嫩滑多汁， 蘸上辛辣醬微辣惹味，值得一試！ 虎蝦意大利🇮🇹飯（$128） 一客有三隻大蝦，份量都算合理， 大蝦煎至金黃色，鮮味爽彈， 意大利飯炆煮得入味，軟硬適中，又不失嚼勁， 加上熱溶芝士嘅調味，味道更上一層樓！ 焗龍蝦仔黑魚子牛角包（$102） 嘩，份量超足！ 黑魚子超多，鹹香得黎，又有口感！😎 牛角包焗得香脆可口， 特製龍蝦仔沙律夾係牛角包中間， 份量一點也不吝嗇，肉質鮮味彈牙， 薯條🍟外皮炸得香脆，薯肉軟腍， 旁邊嘅雜菜沙律還可以解一

去銅鑼灣行街，又想食意粉及甜品，馬上諗起銅鑼灣地帶2樓嘅HeSheat ，地點非常方便：喺銅鑼灣地鐵站E出口對面商場就係，好開心，今日竟然有雀籠卡位座，次次黎都冇得座，頭盤叫左好清新既蟹肉番茄🍅牛油果沙律$95，蟹肉，番茄🍅，牛油果層次分明而且味道夾，配合沙律菜食，感覺清新，而且配一口脆脆多士，多重口感！小食，炸雞翼韓式辛辣醬$52，有四隻大大隻雞翼炸得非常香口外脆內多汁，再配合酸酸甜甜醬汁非常開胃，次次黎都必食主菜：海鮮意大利飯$140，粒粒飯分明，帶子面微微煎香，內是半透明太子肉，蝦大隻爽囗，味道適中墨魚汁魷魚扁意粉$108，點了微辣。味道好惹味，配檸檬汁，酸辣味，扁意粉彈牙，魷魚鮮美重點甜品，e度甜品更出色：拖肥果仁心太軟$62，每次來到都必食，非常專一口味，心太軟時間焗得好準確，外少脆面，內流心，看相也知，不用多解釋，配上冧酒提子雪糕🍦，冷熱交替，正，另外一個系超啱朱古力控分子，特濃朱古力慕絲$69，朱古力好濃，味道吾太甜，有糖衣合桃，朱古力脆脆配軟棉棉既朱古力慕絲加朱古力雪糕，口感好豐富！好似跌咗落個朱古力杯甘，朱古力唔係得一種口感，多層次，服務幾好，成日幫我地加水，哈哈，次

之前同朋友多數都係去食甜品，呢日約咗好姊妹血拼，行到攰攰哋就嚟咗呢度坐吓食吓嘢。除咗甜品之外，主菜同飲品都有唔少選擇。小食要咗炸蘑菇釀雞肉，蘑菇厚肉轉汁，雞肉係薄薄一層，食落無咁膩，點埋黑松露蛋黃醬食，好味! 另外仲叫咗炸雞翼韓式辛辣醬，雞翼炸得香脆唔油膩，加咗啲調味辣粉，好惹味，配埋甜甜哋嘅醬汁，又和返啲辣味，正! 主食就叫咗八爪魚墨魚汁意大利飯，呢個係期間限定，八爪魚雖然煎過，但一啲都唔韌，意大利飯真係有好多墨魚汁，令個飯好鮮味，出奇地呢個意大利飯食落濃味，但感覺清爽，大愛! 意式肉丸意粉嘅肉丸食得出係自家製，加咗好多香料，配上勁多蕃茄蓉嘅意粉，令味道更香更豐富。本身好鍾意食牛油果同乳酪，所以見到牛油果乳酪沙冰就揀咗，飲到陣陣牛油果清香，乳酪味都飲到，放埋一齊，估唔到又幾夾，雖然呢個組合比較飽肚，但我成杯飲晒。好姊妹就飲西瓜沙冰，佢話飲得出無加糖水，有濃濃西瓜清香，好 refreshing 喎!原來呢度除咗甜食，其他食物質素都係高水平，行完街食餐好，hea吓傾吓計，呢晚好滿足呀！

今日同朋友行銅鑼灣，又行到去我地大學時期成日都行既地方---銅鑼灣地帶。時代變，人物風景都改變...當然銅地都變左好多。以前商鋪林立，而家真係少左好多舖頭，冷清左好多！不過2樓個間食店都換左好多間，原來而家變左HeSheEat...之前都去過旺角間HeSheEat，但係去過2次都要排隊，所以就冇試過。難得今次嚟，就一於試下喇！！首先，叫左雞翼做小食。係韓式雞翼，雞肉皮脆肉嫩，初時都驚太辣，但係食落就小小辣，幾開胃！但係我就最喜歡個醬汁，味道酸甜仲帶點柚子味，感覺好清新！主菜係豬肋排，呢個豬肋排整得好軟熟，唔洗太用力去切，已經可以切得開。我最怕食肋排會好難切，好彩呢個唔會。豬肉肉質嫩滑，屬於半肥瘦，而且好入味薯條炸得好脆，唔太鹹，點d醬汁好味！意大利海鮮飯，飯粒煙韌有一粒粒既感覺。芝士包住每粒飯粒，有好香既芝士味，除此之外，飯既上面仲有一塊塊小芝士塊，簡直係雙重芝士效果！海鮮方面：鱿魚好煙韌，蝦爽口，帶子鮮甜。飲品，叫咗杯透心涼嘅西瓜沙冰，西瓜好清甜，好解渴！仲有少少西瓜粒，又有得飲，又有得食甜品方面：朱古力mousse我係朱古力迷！包裝得好靚，就咁睇都好味。入面既朱古力mousse同雪

以前一直以為HeSheEat 只係食甜點既地方, 原來同樣係有正餐食的, 甘就唔洗轉場, 一個地方可以滿足晒兩個願望啦~~~雖然係tea time時間黎食, 但都全場爆滿, 人頭湧湧, 場面都幾壯觀的!! 難怪有甘多人黎食啦!! 原來無論正餐定甜點, 還有飲品都有甘多既選擇, 真係花多眼亂, 選擇困難症又發作啦~~ 炎炎夏日先叫杯透心涼既野飲黎飲下先...青瓜芒果茶  HK$45朋友叫了呢杯, 我也試了兩啖,  感覺幾清新, 加埋個芒果雪皅, 的確係夏日涼心透之選, 不錯不錯~~榛子咖啡沙冰   HK$38而我就叫左杯榛子咖啡沙冰, 榛子同咖啡味都好出好濃同好滑, 同樣係夏日涼心透之選~~墨魚汁魷魚扁意粉  HK$98香濃既墨魚汁扁意粉, 軟硬適中又夠彈牙, 帶微微辣, 非常惹味, 仲會食到成咀都黑晒, 場面非常搞笑!! 而魷魚就夠新鮮, 口感夠彈而不韌, 正~~煎三文魚番茄闊條麵    HK$115 呢碟賣相都幾得下, 番茄闊條麵食落好煙韌同彈牙, 又夠開胃, 而三文魚又煎得夠香口, 但肉質仍保持到鮮味同嫩滑, YUMMY~~炸雞翼韓式辛辣醬   HK$49一碟四隻, 又夠大