生生市場 (捷榮樓)

營業中

休息中

外賣店雖然鋪仔細細，基本嘅韓國料理都食到，仲係香港新鮮製作，連醬油蟹🦀都可以買到😱，仲有凍肉同部隊鍋等，可以買返屋企開韓式派對🤘🏻套餐A (2-3人份量）🌶️新鮮辣泡菜平時有去韓國街買泡菜習慣，幾鐘意哩間味道，泡菜質地爽脆，味道偏辣，份量幾足，配飯 / 麵食都幾夾👍🏻🐮烤牛肉紫菜飯捲有啲似去韓國傳統市場食飯捲嘅味道，幾足料，牛肉同蛋同蔬菜夾埋口感豐富🥣人蔘雞湯韓國人四季都飲人蔘雞湯，因應季節仲會放唔同材料，話可以提升免疫力同補氣血🤘🏻，哩到雞肉燉得幾腍，輕輕咬就斷到，湯除左人蔘味仲有啲米酒同糯米香，感覺食完滋潤咗🤣🐔原味無骨炸雞炸皮唔厚，不過雞肉juicy啲更好🥬韓式炒粉絲 2個人食唔晒，留咗啲第日食，粉絲仲keep到彈性，驚喜係唔太油，冬菇調味剛好，如果收工唔想煮飯，我會揀哩個做一人晚餐

之前去元朗千色果陣，成日經過呢間韓國外賣店，今次第一次幫襯先發現原來呢間餐廳係由幾位韓國媽媽主理，價錢合理，而且味道地道正宗！餐廳仲設有到會服務，下次一大班朋友聚會嘅話就可以好方便咁叫到會返屋企食啦～涼拌菠菜(S)💰HK$28菠菜翠綠爽脆，加咗白芝麻，味道更香口，係一款健康嘅韓式前菜～韓式炒魚糕(S)💰HK$40魚糕口感彈牙，每一啖都食到芝麻油嘅香氣，呈現出一種好正宗嘅韓式風味～海鮮煎餅💰HK$65海鮮煎餅即叫即煎，煎餅嘅外圍酥脆可口，而煎餅嘅中心口感軟糯，仲有粒粒海鮮肉增添口感，配埋秘制嘅煎餅醬汁更惹味～芝士無骨炸雞(S)💰HK$58炸雞外酥內嫩，炸粉唔會太厚，而且表面佈滿芝士粉，香氣四溢～烤牛肉紫菜飯捲💰HK$53烤牛肉鮮甜多汁，仲多咗一份蔬菜嘅清脆，配埋米飯同紫菜，口感豐富多樣～提子汁💰HK$7暫時生生市場有2間分店:📍元朗店║元朗教育路2-6號捷榮樓地下C號舖📍灣仔店║灣仔堅拿道西15號永德大廈地下G13號舖

🍙烤牛肉紫菜飯捲 $50比平時食嘅多餡，而且好少有烤牛肉，芝麻油味濃，蘿蔔絲冇青味軟身，唔錯。🍗芝士無骨炸雞 (L)$88大小比一口大啲，雞面灑上芝士粉，皮脆肉juicy，可惜車程半個鐘，返到去食有啲淋。由於叫左大份，2個人食唔晒，留左啲晚上翻焗都好好食，即食應該好正。🍛韓式蜆肉大醬湯 $68冬天好想食個暖笠笠嘅湯飯，由於唔食辣，叫左大醬湯，湯夠味唔咸。蜆大隻不過有啲沙，仲有翠肉瓜，豆腐，金針菇。🫓海鮮煎餅 $58我好鐘意食煙煙靭嘅煎食餅，有嚼勁，個汁酸少辣好開胃，鐘意。🌟除左雞都係澱粉，好飽，可能叫蛋卷，粉絲平衡番會好啲😅

外賣啲相係無咁靚，正如外賣無堂食熱食咁好味，所以整個排版俾外賣篇令大家睇落開心d 😂🍗甜辣無骨炸雞 (L)$78其實佢真係BB辣度❗️平時我譚仔只可以食清湯😂 個甜辣醬直接淋左係炸雞上面，返到屋企都個雞面都仲有少少脆，同埋炸粉唔係好厚👍🏻🐂烤牛肉紫菜飯捲 $50餡料好足，有烤牛肉、醃黃蘿蔔、紅蘿蔔、青瓜。好味但係有一個壞處上層的飯捲紫菜會黏住下層的飯捲，夾上嚟好易會拎飯捲散開🥹值得一提❗️其實生生市場有多款 #素食 選擇。例如：#韓式炒粉絲#韓式豆腐紫菜飯捲#雜菜煎蛋捲#韓式炒野菌拌飯