海膽仔

營業中

休息中

朋友喺新蒲崗番工，佢帶我試呢間日本餐廳“海膽仔”，夜晚6點半去到唔多人，因為多數人未收工，但7點幾時已經差唔多滿座，幾受歡迎呢度嘅食物幾出色，我試咗好幾樣，有丼飯、刺身、壽司、串燒、天婦羅🌟海膽三色丼丼飯上面有海膽、吞拿魚蓉、三文魚籽，每款都好新鮮，叫得做“海膽仔”果然海膽特別正，好鮮甜，完全冇怪味，而個丼飯充滿壽司醋，酸甜度調得啱啱好，撈埋新鮮芥末一齊食更加香🌟燒左口魚邊丼左口魚邊燒得勁香，食入口充滿魚油脂，撈埋照燒汁黎食個飯好惹味🌟三文魚腩刺身有8件厚切三文魚腩，魚味十足，入口即溶，而且冇筋🌟魷魚壽司壽司師傅手勢好，魷魚同個飯痴得夠實，魷魚新鮮爽口🌟牛舌串呢個牛舌好有驚喜，牛舌肉質鮮嫩爽口，食入口爆哂汁，真係想食多幾串🌟雜錦天婦羅有茄子、蕃薯、南瓜、紫蘇葉、海老，炸到金黃色，香脆唔油膩，仲有個成把扇咁嘅炸麵，平時好少見呢餐食咁多野每人都只係大約$250，好抵！食物好味又實惠，我下次去開新蒲崗都會再食

👧🏻😋👅🍽✨新蒲崗高質必食小店👍🏻-海膽仔 🇭🇰 新蒲崗衍慶街2-32號新蒲崗大廈地下Q號舖 🇭🇰-🧡高質, 抵食, 海膽仔食海膽當然正, 但其他野樣樣都好高質🧡近門口係師傅處理壽司刺身既地方, 雖然座位係入面, 但行入去時都見到魚生好靚放晒係玻璃雪櫃, 仲有得買刺身返屋食!-🖤🤍🧡倍化帶子吞海膽 $98💯超厚帶子切半夾住爆晒出黎既加拿大海膽, 海膽超creamy, 配上清甜帶子更顯鮮味-🧡💗🧡🤍海膽三色丼 配沙律, 麵豉湯 $138✨三文魚子, 拖羅蓉, 海膽另上, $138黎講份量算超多; 魚子勁新鮮!-🤎🤍燒左口魚邊丼 配沙律, 麵豉湯 $108💯左口魚裙邊厚肉又長身, 每食一啖啲油都係口腔浪下浪下, 燒汁同芝麻平衡左油膩感, 但又唔會搶味, 正-🍤🍄🌱什錦天婦羅 $68✨炸蝦好好多款唔同野菜, 個天婦羅汁唔會太重味, 減輕油膩得黎都能夠突顯食材原味-🖤🧡熔岩海膽魚餅 $38💯外形直頭成舊海膽咁🤣 係冇左啲刺, 皮薄餡多, 入面海膽蓉一咬開都彈晒出黎-

今日嚟到新蒲崗嘅海膽仔，店員俾咗餐牌之後，同我哋講出面都有好多唔同款嘅刺身㗎，可以出去望吓呀～見到刺身都好新鮮呀~不過咁為食嘅我哋，今晚梗係樣樣都要食下啦～我哋點咗一份燒左口魚邊丼，跟餐仲有沙律同沙湯呢～左口魚邊肥美又爽口，好食呀！之後出場嘅係吞拿魚刺身，刺身肉質較為堅硬，味道清淡，加埋少少刺身醬油就更加鮮美。仲有鯛魚壽司 、帶子壽司、赤蝦壽司、芥辣八爪魚軍同蟹籽軍艦。串燒就叫咗雞皮串同鹽燒雞翼同樣都脆卜卜～身為芝士控，就要試埋一口芝士，外脆內軟，未放入口已經聞到好香芝士味呀～而日本番薯天婦羅，唔止炸到金黃色，而且外皮仲好酥脆呀！見呢兩日天氣又凍咗少少，我哋仲叫咗一份泡菜餃子鍋，少少辣好開胃，餃子仲大大粒，今餐好滿足呀～

上網見到有人推薦就泥試下泥到見到佢地唔止做堂食，仲做埋零售同立食區😲除左海膽之外仲有蟹膏🦀三文魚🐟同生蠔🦪賣🙈鐘意海鮮嘅千其唔好放過👍🏻我同朋友今次就叫左1個定食，1個麵同一個小食🙈先講個定食先 佢會跟1個麵豉湯同沙律嘅麵豉湯入面有蜆，唔係求其比碗味精hea人個種🙈沙律幾好，好fresh嘅👍🏻成個丼份量都唔細，上面啲左口魚都多👍🏻食落唔會腥，燒完之後魚嘅油分出哂泥😋 另外我覺得佢個燒汁幾好食同埋我第一次試左口魚配黑松露醬🙈個人覺得幾夾😋個帶子超大粒呀😆鐘意食海膽同帶子一定要試🙈入口勁滿足😋帶子同海膽都好新鮮 完全無腥臭味👍🏻帶子嘅清甜可以中和翻海膽嘅膩感👍🏻perfect match🌊賣相已經好吸引🙈個湯我食到係用南瓜加海膽煮成嘅，個濃稠度岩哂當沾麵咁食👍🏻👍🏻滿滿嘅南瓜海膽精華掛哂係麵度🙈正👍🏻麵上面啲配料一啲都唔吝嗇，蝦🦐都有4隻架🙈