帕維亞意大利餐廳

營業中

休息中

住喺九龍城區嘅最大好處就係食方面成日有驚喜！呢到冇大商場少連鎖餐廳但就多有心優質嘅小店呢日同老公亂入一間又發現到好野喇！黎嘅時候仲係6點鬆d唔算太多客可以靜靜地點餐先黎餐湯周打魚湯好creamy仲食到魚味配埋熱辣辣嘅蒜蓉包一流前菜煙肉焗大啡菇煙肉焗到好crispy但個菇又唔會太乾食落仲幾juicy作為前菜有d唔夠喉白汁帶子磨菇意粉唔好以為好細份其實個碟都幾深架佢嘅帶子煮得好滑同埋好大粒佢嘅燒羊架真係我至愛亦係最近食過最好味嘅羊架之一出街食羊架最驚係d羊架大大舊肥膏切埋都冇咩肉落肚佢就唔同三舊都大舊多肉而且煮嘅火喉控制得好好最後甜品apple crumble最有驚喜啱啱新鮮滾熱辣喺焗爐出黎D crumbs脆卜卜諗起都流口水🤤

估唔到到九龍城除咗泰國餐廳同埋甜品舖之外，搵到一間咁高水準嘅意大利餐廳。點左一個4-course set dinner ( Appetiser, soup, main, course, dessert , $418 per set) 「焗法式田螺配薯蓉」 法式田螺嘅特色，就係喺田螺殻裏面呢塞滿晒一啲香草之類嘅調味料，然後個底就連埋薯蓉一齊拎去焗，焗到十分香口。餐廳仲有提供專門吃蝸牛的叉子和鉗子，同港式田螺好大分別，係一份精緻嘅頭盤小食。「那不勒斯海鮮湯」「燒澳洲羊架」羊架肉質燒到剛好「清炒蒜片辣椒意粉」（set外，$118，試食左朋友order嘅pasta）相當入味嘅意粉，除左蒜香之外，仲有微微嘅辣味，意想不到咁好味 「熱情果奶凍」如果係for 慶祝嘅話，仲可以同朋友order酒飲下 ，都有好多意大利紅酒嘅choices供選擇。