神戶屋日韓放題

營業中

休息中

同朋友去到食放題,一入座就寫刺身先好大盤呀有三文魚刺身,甜蝦刺身,松葉蟹鉗刺身,泰式生蝦刺身,松葉蟹棒刺身,厚燒玉子刺身,珍寶帶子刺身,象拔蚌刺身,天使蝦刺身,有頭甜蝦刺身,希靂魚刺身,鮑片刺身,激巨赤蝦刺身,迷你北寄貝刺身,八爪魚刺身刺身總括而言都幾新鮮好幾味燒牛舌--好香牛舌味道黃金芝士粟米--芝士既香融入左粟米粒中鐵板馬拉盏炒通菜--辣辣地幾好食炒豬頸肉-少少辣食落唔錯吉列廣島蠔-幾香口松葉蟹棒天婦羅--唔係好油,食落OK炸蝦天婦羅--同樣唔油都唔錯牛肉鍋--牛肉都幾好食甜品櫃--食完野再食雪糕先完滿

約埋一大班同事放工食飯，選址係最重要 der！皆因同事來自港九新界，食肆地點必須方便各位可以快閃返歸，旺角就最方便喇！第一次嚟到神户屋，其實都係因為佢响旺角兆萬，店內比坊間嘅放題店細少少，通風又差少少，房與房之間嘅隔音就弱咗唔止少少！雖然如此，但佢嘅食品又比坊間高質少少。有食開放題都會發現啲飛仔其實間間一樣，但出品有時都差幾遠…… 但神户屋就可以放心，絕對冇伏味！神户屋主打係日韓放題，但80%以上都係日式，韓式食品只有部隊鍋、炒粉絲，炸雞、紫菜飯卷、雪條。日式就比較多元化而且每款味道好好，令人encore 又encore ！魚生刺身款款新鮮，特別係有三款蝦刺身，款款彈牙爽口，象拔蚌鮮味十足，帶子刺身大大隻。入場每位送生蠔/海膽，質素不過不失！熟食方面，馬拉盞炒通菜，味道偏辣非常刺激，而且好有鑊氣，非常正！神户屋嘅炸物係超水準作品 - 炸芝麻雞翼，炸醬非常薄，雞翼外脆內爆汁！炸一口芝士，脆醬封住成塊芝士，一口咬落去啲芝士馬上响嘴入面散開。天婦羅炸蝦，吉列炸蠔，當然亦唔可以錯過啦！店內優惠，四人就送一個鍋物可以揀韓式部隊鍋或日式壽喜燒，鍾意嘅話仲可以加料打吓邊爐，一字記之“爽”燒物方面，燒

今日大開殺戒，食左勁多嘢！帶子刺身 同隔離果個 冇頭甜蝦好食 鮮甜，冇頭蝦比有頭甜蝦更加鮮甜，有口感，帶子刺身好厚身。個泰式蝦個人認為麻麻，唔食我鐘意既口味，比較脆。燒左口魚壽司好香，入口即溶！正！帶子黑鬆露壽司都唔錯，大大舊肉，細細舊飯燒牛舌，唔好睇距咁個樣，其實火候燒得正好，薄切再配黑胡椒去燒，好入味，唔敢食牛舌既朋友都應該試下啦！呢個鐵板牛舌，講真對於我呢個鐘意食比較軟綿綿口感既人，比起燒牛舌，我更鐘意鐵板牛舌！配合洋蔥同紅椒絲一齊食！我自己就食左一碟總之，距地既燒物我覺得都好真材實料，牛柳粒同羊架肉質都比較軟，唔粘牙。呢個芝士焗蠔同蒜蓉焗帆立貝我就覺得一般般，因為個蠔唔係好新鮮天婦羅蝦同多春魚都好食，炸帶子都唔錯，但係炸廣島蠔就麻麻，粉太厚。跟住我仲叫左火鍋，不需要再加錢。個壽喜燒湯底正，放娃娃菜好食，湯都可以飲。肥牛比較難咬，麻麻地。油麥菜太老啦，煮完好硬，難吞。甜薯一般般，太甜啦，鐘意甜既朋友可以試。芝士年糕都ok。紫薯丸好食，我朋友好鐘意。榴蓮爆漿丸勁正啊，真係爆漿，好香榴蓮味！仲係食榴蓮既朋友一定唔好錯過！最後，仲有雪糕同雪糕糯米糍，雪糕糯米糍荔枝味好食，雪糕係雀巢牌子

兆萬中心出名多餐廳，尤其是日式放題，更是集中地，今晚去了8/F的神戶屋，價錢連加一都是$242。七點到達餐廳已經全場滿座，等了約十分鐘才能入座。餐廳全部都是卡位，座位寬敞但行人路狹窄。有多款飲品任飲包括時興的無糖烏龍茶、韓國啤酒及一系列韓國飲品等。甜品有豆花、泡芙及奶凍等。雪糕是雀巢，另有韓式雪條。餐廳食物款式很多，跟外面放題大同小異，不過比外面多了個火鍋，放題時又可以打邊爐。刺身有三文魚、帶子、泰式生蝦、象拔蚌及甜蝦等，刺身都算新鮮鮮甜，其中三文魚油脂分怖均勻，色澤鮮橙，任食質素屬於上等貨式，有魚的鮮甜但完全唔腥；象拔蚌煙煙韌韌，好有咬口，味道不錯；泰式生蝦質感爽脆，味道幾特別。其他刺身質素中等，任食來說，款式算多且味道中上。其他熱食個人比較喜歡燒牛舌，牛舌切很厚身，食落去煙韌有咬口，味道不錯。燒海蝦體型中等，蝦肉新鮮爽口，有少許蝦膏，非常鮮甜。芝士焗元貝這個是必食，芝士味濃郁，元貝味道雖然一般，但有醬汁搭夠，兩者配搭一起味道極佳。天婦羅外層粉漿不厚且鬆脆，其中炸芝士煙煙韌韌，有淡淡的芝士味；蝦網卷非常脆口且不油膩，蝦肉結實爽口，配上甜酸醬一起，減少油膩感。最後食埋個金菇牛肉鍋，每枱