神戶屋日韓放題

營業中

休息中

好耐無食放題於是搵下旺角有咩放題吸引呢間放題都好多款式下🥢我地一黎就叫左個廚師發辦既刺身拼盤黎到超大盆😙平時食個D放題每次都只係叫一件黎一件估唔到呢道咁好有生蠔 蟹腳 甜蝦 赤蝦 虎蝦 玉子 原隻鮑魚松葉蟹棒 鮑片 角螺 赤貝 希靈魚 三文魚一次過滿足哂你十個願望🍣🥢海膽軍艦海膽唔算腥 每件軍艦都有一大舊海膽🥢美式凍蝦隻蝦好大隻 個味道做得唔錯唔使沾醬都夠哂味最貼心係比埋手套你剝蝦🥢清酒煮蜆蜆完全無沙 份量都好足好有日式既味道🥢日式串燒炸物都勁多款式我地叫左天婦羅蟹棒天婦羅南瓜雞皮串芝士年糕章魚小丸子一口炸豆腐 & 炸雞佢D炸物係即叫即炸個人最中意係芝士年糕😋😍上到黎仲係熱辣辣 芝士半溶狀態好正🥢燒物燒牛舌同燒菠蘿🍍兩樣都燒得好唔錯其中菠蘿最中我口味出面既燒菠蘿係唔會幫你加糖去燒佢呢道既燒菠蘿會燒到表面有層脆既焦糖超級好味！👍🏼👍🏼😋ENCORE左幾次！其實D野食仲有好多架仲有壽司手卷 韓式炸雞 拉麵烏冬 壽喜燒食物選擇真係超多岩哂中意食野既你😆

早排病到七彩戒口戒得好清，而家滿血回歸啦，即刻搵個放題諗住賀一賀佢。以往食純日式放題食嚟食去都係嗰幾樣都厭啦！今次推介神戶屋日韓放題，位於充滿童年回憶嘅旺角兆萬中心8樓。🥰仲係死靚仔嗰陣講到放題食嘢點可能唔諗起兆萬😂 點解揀神戶屋，睇介紹話佢哋有超過二百款日韓美食，仲有生蠔🦪海膽、長腳蟹、迷你海鮮蒸鍋、日本壽喜燒同埋麻辣四川雞煲，仲要有得追加火鍋配料！真係唔知要食多幾次先食得晒佢哋嘅Menu🤘🏻我特別推介必食：👍🏻✨生蠔🦪（大隻新鮮鮮甜）✨赤貝、虎蝦刺身（赤貝甜，虎蝦大隻）✨日式燒牛舌（肉厚唔韌）✨燒羊架（肉嫩唔會有臊味）✨海老天婦羅（蝦大隻炸粉少）✨海苔炸多春魚（香脆多春）✨韓式炸鮮奶卷（外脆內軟好味到癲！）✨🤘🏻飲品有啤酒🍻汽水🥤茶！梗有一款啱飲！甜品有泡芙，雪糕雪條🍮🍧🍨🍦，特別推介佢哋一款士多啤梨味雪糕香港製造，唔會甜到糖尿病😂同埋就係台灣菠蘿汁都唔錯㗎🫰🏻食完之後要讚吓佢哋啲刺身好鮮甜，尤其是佢哋赤背刺身同埋虎蝦😋

今日同frd子去咗食lunch放題！記得那些年我地都成日去兆萬食放題，貪佢抵玩又咩都有，所以今日決定揀咗兆萬嘅神戶屋！😍食放題一嚟梗係先叫刺身啦！刺身選擇好多，淨係蝦已經有泰式生蝦、天使蝦、有頭甜蝦同激巨赤蝦四款選擇！仲有珍寶帶子、象拔蚌、松葉蟹鉗呢d貴價之選！仲有記得早d book位仲有海膽送！沙律前菜方面有柚子大蝦沙拉、泰式鳯爪同溫泉蛋！溫泉蛋好流心好正！鳯爪酸酸辣辣好開胃！一品料理仲有蜂蜜芥末炸雞、炸鮮奶、網子蝦卷，吉列蠔、招牌炒蜆、韓國人參雞湯、馬拉盞通菜！炒蜆好有獲氣，唔知以為自己去咗避風塘，炸鮮奶，香甜可口！馬拉盞通菜非常惹味！人參雞湯參味十足！差d唔記得我最愛嘅燒菠蘿！貪心嘅我地見到咁多款壽司都好想食，不過我地最後只係食到火炙三文魚同芝士鰻魚卷已經飽到上心口，連火鍋都試唔到！和牛壽喜燒煱，我地下次見🥺

旺角食放題既選擇真係好多，有d出左名既仲越來越貴老公生日，已經花費唔少，所以朋友就介紹左呢間平靚正既放題比我係兆萬8樓，去到3樓轉電梯，好方便二百令蚊，記得預約，有小驚喜架！坐位黎講都可以接受雖然地方唔大，但係都唔會話坐得太迫旁邊仲有d四人卡位，今次就無緣坐到lu！飲品係比較入既位置，自己出去拎！有啤酒🍻有汽水、果汁同烏龍茶選擇都算係咁啦！食放題最慘係食天婦羅要沙律醬，但係叫極都無侍應拎比你！呢到就夠哂聰明，一早放定先，唔駛客人下下都要叫！食物選擇多，其本上想食既都會有！但係特別d既就係訂座送既刺身或者蠔！刺身呢，侍應好好，一坐底就會提我地快d叫，然後又真係好快到不得不提，呢到既服務唔錯，雖然做放題忙到死係常識，但係呢到d侍應無黑面，野食未到又會盡力幫手跟，唔會食到把鬼火！後生仔女黎講算係咁！食放題必食刺身，是常識吧！拼盤放得靚，蝦既種類好多但我最都係食象拔蚌，好爽甜蟹棒係真蟹棒，三文魚都係比腩位，好肥美！送既海膽同生蠔都係有質素既仲要有蟹鉗食添拖羅蓉唔係到到都有得食呢到就好唔錯，紫菜仲係脆既，亦都好夠料，唔係得舊飯咁！食放題點少得d炸物啊！炸榴連係我最愛之一，同老公一人一半，無咁多罪

忙完一日，去食個放題最好不過。今次黎呢到試下！入到去，都幾闊落，好多人黎，可見都幾受歡迎。之後更加係爆場tim！勁呀！野飲仼拎，而枱面上都有小食，有鳳爪、酸蘿蔔同螺肉，非常好開胃。我地太肚餓都逼不及待要即刻叫野食。一開頭，當然不可以少左刺身，種類繁多，我都每樣都叫啲。全部都好新鮮。最欣賞嘅係佢啲蝦。覺得好鮮甜爽口。三文魚切法非常好，厚度適中。鮑片係另一款我比較中意食，因為好有咬口。其他就不過不失啦！之後就到呢個壽喜燒。材料好豐富，湯底好鮮甜。肥牛真係好正😆😍另外，仲有好多蔬菜同菇係入面，索左啲湯，真係好香呀。牛！我最中意食牛！所以去到邊都叫牛！略嫌多左小小肥肉。但好稔好香好入味。除左用洋蔥去炒外，仲有薯仔！我好中意食薯仔。芝蔴炸雞翼好香！唔油！肉質好滑，外皮就脆卜卜！好味呀！食完後朋友仲叫多幾次！蝦係我最中意嘅！呢到嘅蝦燒得好香！肉質好滑，味道鮮甜。有竹簽督住好方便食。唔需要仼何調味料已勁好食。榴連炸彈，我去到邊間放題都一定會叫。因為我係極愛食榴連。呢個略嫌甜左小小，但冇搶到榴連味，幾好。外脆內流心，又煙煙韌韌，好食呀。炒通菜，係食完一堆肉呀，炸野之後，黎啲菜幾好。我覺得有點鹹，但朋友

今晚約了朋友去兆萬食放題，上去openrice睇過這間神戶屋的好評都幾多，所以訂枱試一試。去到之後都要等一等先有位。廚房都忙到踢哂腳。每次去食放題都會先去睇睇有咩野飲同甜品。有我最仲意既烏龍茶，亦有奶凍及韓國雪條等。落單紙有成十張之多，款式都算很多。每枱都會送一份邊爐鍋，我們揀了金菇和牛煲，和牛有點肥但非常嫩腍，有很多蔬菜及金菇，湯底都幾甜。清酒煮蜆的蜆肉無沙，有鮮味及酒味。燒蝦可以任食，蝦肉結實爽口，味道不錯。燒青魚雖然多骨，但外皮燒得脆口，魚肉嫩滑，加點檸檬汁去油膩感。燒菠蘿一舊很甜，另一舊就有就酸，但非常開胃及去飽滯感。燒羊架沒有羊騷味，肉質嫩腍，不過外層有點焦。炒牛柳粒肉質嫩腍但牛肉味比較一般。食左咁多油膩食物，係時候食返點菜，牛油炒雜菜不會太油膩，雜菜炒得爽脆，不會太咸。天婦羅蝦蝦肉爽口，外層粉漿不會太厚，肉質結實。鹵水雞翼是我至愛，鹵得入味且不太咸，雞翼嫩滑。刺身款式超多，剩係蝦都有3-4款，三文魚鮮甜有油脂，威靈魚魚子帶點醃過的微酸，魚肉結實，帶子比較一般，反而象拔蚌很爽口。最後值得一提是上菜速度很快，落單後5分鐘已經陸繼上枱，放到整枱都滿，幾乎無位放。價錢中規中矩，都是